feme

Walon (Rifondou)

Etimolodjeye

Tayon-bodje latén « femina » (kimere, frumele di biesse).

Prononçaedje

• AFE :
  • diferins prononçaedjes : /fɛm/ /fœm/ /fam/
  • prononçaedje zero-cnoxheu : /fɛm/
• Ricepeures : nén rcepåve

Sustantif

singulî	pluriyal
feme	femes

feme femrin

1. djin (do djinre da Eve), k’ èn ome est maryî avou.
   • Les Trouks polèt spozer puzieurès femes. — Motî Forir (fråze rifondowe).
   • L’ ovrî trime tant k’ est longue li samwinne,
     Po mete a l’ åjhe si feme et ses rdjetons ; — Louis Lagauche, Amon nos autes, tchansons tchusèyes, (1908-1912), «Inmans-nos» p.46 (fråze rifondowe).
   • Å matén, mi feme m’ a dit ki dj’ esteu grossir. — Paul-Henri Thomsin, ratourtnant Tchantchès, c'èst po rîre, 2023, p.10 (fråze rifondowe).
2. djin (do djinre da Eve), k’ èn ome vike avou leye, dins ene societé k’ acceptêye li vicaedje eshonne sins papîs.
3. comere (djin do djinre da Eve k’ a ddja bén 20 ans).
4. totes les comeres, ene dins l’ ôte.
   • Li Bon Diu fjha l’ feme foû d’ ene coisse d’ Adam. — Motî Forir (fråze rifondowe).
   • El Californeye, li feme est djoleye ; i lzî fåt des blancs, tertotes po galant. — Philippe Lagrange (fråze rifondowe).
   • Les årdispènes, les sussètes, les murguets, rispårdît leus k’pagn’tantès sinteûrs, qui tchouf’tît l’visège come des lèpes di feûmes— Joseph Mignolet, Li payîs dès sotês, (1926), p.41.
5. (dins èn arinnoe) manire d' arinner si feme.
   • Vos rovyîz, feme, d' apontyî l' soper. — Joseph Vrindts, Pâhûles rîmês, (1897), "Bon cour ni pout minti", p.73 (fråze rifondowe).
   • SERVÅ. - Feme, dj' a des noveles di nosse pus vî.
     FRANÇWESSE (djoyeuse). - Di nosse fi ?
     SERVÅ (mostrant on boket d' papî). - Di Lambiet, awè. — Jean Lejeune di Djoupeye, Dizos leû bote, 1919, ake I, sinne V, p.6 (fråze rifondowe).
   • C’ est vraiy, feme … c’ est vraiy … El foumire ki s’ emonte di m’ pupe, les djoûs di m’ vicåreye ripassèt … come les poes d’ on tchaplet k’ on disfile. — Joseph Mignolet, Li tchèsturlinne dèl bèle rotche, 1922, p.5 (fråze rifondowe).

Ratourneures

(femrinne grande djin)

1. t’ es èn ome come i gn a pont d’ femes : dijhêye cwand on est binåjhe d’ èn ome.

(djin marieye avou èn ome)

1. vraiye feme, droete feme : feme k’ on est avou lweyålmint.
2. feme del gåtche mwin, feme sol costé : feme k’ on n’ est nén avou shuvant li lwè ou les dujhances sociåles do moumint.
3. les djonnès femes et les vîs toets, i fåt todi esse dissu / les djonnès comeres et les toets, i fåt todi esse dizeu

Parintaedje

• femlete
• femreye
• feminisse
• femrin, femrinnisté
• frumele

Mots d’ aplacaedje

1. feme al djournêye : meskene.

Sinonimeye

• femreye
• comere
• dame, madame
• kipagneye
• blanc-bonet

Contråve

• ome

Ortografeyes

Divant 1900 :

• feum ( /fœm/ ) : E203 ^(lére)
• feumme ( /fœm/ ) : SpG1 (l° 782)

Après 1900, foû rfondou (Feller, Feller ricandjî, nén Feller) :

• fème : C8, C65, S36 ^(lére)
• fœme : C8
• fame : S0, S109, S117
• feume ( /fœm/ ) : C1, C13 (a « à »), C99, E165, O4, S109

E rfondou walon :

• feme : R10 ^(lére), R11 ^(lére), R13, R15

Li mot n’ est nén dins : S44

Ratournaedjes

djin marieye a èn ome

• Arabe : زوجة ^(ar) = زَاوْجَا =‎ zawja
• Arabe marokin : مرة ^(ary) = مْرة =‎ mra, مادام ^(ary) =‎ madam (sorpoli)
• Inglès : wife ^(en)
• Espagnol : mujer ^(es)
• Francès : femme ^(fr), épouse ^(fr), conjointe ^(fr)
• Itålyin : moglie ^(it)
• Sicilyin : muggheri ^(scn)

djin ki vike avou èn ome sins papîs

• Arabe marokin : صحبة ^(ary) = صحْبة =‎ çehba
• Francès : compagne ^(fr), concubine ^(fr), maîtresse ^(fr)

djin do djinre da Eve Loukîz a : comere

• Francès : femme ^(fr)

totes les comeres

• Arabe marokin : عيالات ^(ary) = عْيالات =‎ 3yalat pluriyal
• Francès : femme ^(fr), gent féminine ^(fr)

Waitîz eto

Lijhoz l’ årtike feme (discramiaedje) so Wikipedia