crapåde

Walon (Rifondou)

Etimolodjeye

femrin singulî di : « crapåd », çou ki rvént a on bodje « crape » avou l’ cawete « -åde ».

Prononçaedje

• AFE :
  • diferins prononçaedjes : /kʀa.ˈpoːt/ (minme prononçaedje pattavå) (betchfessî å, halcrosse rîlêye)
  • prononçaedje zero-cnoxheu : /kʀa.ˈpɔːt/
• Ricepeures : cra·påde

Sustantif

singulî	pluriyal
crapåde	crapådes

crapåde femrin

1. båshele (femrinne djin di 0 a 13, 15 ans).
   • Il ont ene nozêye pitite crapåde. — Motî Gilliard (fråze rifondowe).
   • Potchtîz, gaméns, coroz crapådes, sins rloukî les surisses vizaedjes des parints. — Léon Warnant (fråze rifondowe).
   • Li crapåde a disparexhou ; c’ esteut dandjreus faitindje del noere feme å havet. — Émile Gilliard (fråze rifondowe).
2. djonne feye (femrinne djin di 15 a 25 ans, nén marieye).
   • Nosse råpén court sot après les crapådes. — Motî Gilliard (fråze rifondowe).
   • Il a todi veyou voltî les crapådes. — Motî Gilliard (fråze rifondowe).
   • Nolu n’ pinse måy a mi ; dji n’ so rén mi, c’ est vraiy,
     K’ ene pôve pitite crapåde ki nou galant n’ vôrè ! — Henri Simon, dins Cour d' agnon (fråze rifondowe).
   • Vs estoz ene bele crapåde di nodidjo. — Guillaume Appolinaire (fråze rifondowe).
   • Ene crapåde tape ene xhaxhlåde
     Et rlouke sor twè sins t’ loukî. — Léon Warnant (fråze rifondowe).
   • I vos fårè bén dismefyî
     Dispu k’ i lodjèt les Francès,
     Beacôp d’ crapådes ont des polins. — Tchansons del Revolucion lidjwesse (fråze rifondowe et rarindjeye).
   • Li crapåde li cbôre di tos ses pus foirt. — Chantal Denis (fråze rifondowe).
3. mayon (monkeur).
   • Mareye, c' est l' crapåde da Djôzef, pu da Bambert. — Henri Simon, dins Cour d' agnon (fråze rifondowe).
   • Dj’ a todi stî bleu après les tchvås, pus assaetchî k’ ene waermaye après l’ loumire, k’ on galant après l’ cote di s’ crapåde. — Jean-Pierre Dumont (fråze rifondowe).
   • Mareye Dubois, li crapåde d’ Appolinaire e Ståvleu, li dveut lomer « Gwiyam ». — François Duysinx (fråze rifondowe et rarindjeye).
   • Ces botons la estént cozous dins l’ dos d’ on ptit fôro d’ vwele da m’ crapåde.
   • Vos nel savîz nén? C' est s' crapåde, don ! — Motî Gilliard (fråze rifondowe).
4. maitresse.
   • Dj' åreu des crapådes e catchete,
     Dji n' ravizreu pus on harin. — Jean Bury, Joyeux rèspleus, (1899), "Si j'esteus riche" (fråze rifondowe).
5. (pus sovint eployî å pluriyal) houre.
   • Dji pinse ki vos dvrîz rôbaler pus sovint divins les cafès ou aler vey les crapådes. — Paul-Henri Thomsin, ratournant Tchantchès, c'èst po rîre, 2023, p.11 (fråze rifondowe).

Parintaedje

• crapåd
• crapådreye

Rilomêye do mot

Li mot dins on tite di live, di gazete, di soce, di marke

• Les crapådes: no d' ene binde di tchanteuse e walon ki tchantnut emey tchapele, oficirmint «La Crapaude».

Ortografeyes

Divant 1900 :

• krapôdd : E184
• crapaute : ABLdma ^(lére)
• crapôde : E212 ^(lére)
• crapaut : G0
• crapôd : E177 (1823)
• krapôtt : E177 (1843), E203 ^(lére)
• crapaude : HSim 1888

Après 1900, foû rfondou (Feller, Feller ricandjî, nén Feller) :

• crapôute : C9 (a « gamin », tot dijhant ki l’ mot est do lidjwès)
• crapôde : E1 ^(lére), C1, C106

E rfondou walon :

• crapåde : R9 ^(lére), R13

Ratournaedjes

båshele

• Francès : gamine ^(fr)

djonne feye

• Francès : jeune fille ^(fr), adolescente ^(fr), jouvencelle ^(fr)

mayon Loukîz a : mayon

• Arabe marokin : صحبة ^(ary) = صحْبة =‎ çe7ba
• Inglès : girlfriend ^(en)
• Francès : fiancée ^(fr), copine ^(fr)
• Kimon amazir marokin : ⵍⵇⵓⵇ ^(zgh) =‎ lqoq