solé

Walon (Rifondou)

Etimolodjeye

S’ i gn åreut ene sakî ki sepreut cwè åd fwait di l’ etimolodjeye di « solé », el pout stitchî vaici. (adon k' on ratind etimolodjicmint -î)

Prononçaedje

• AFE :
  • diferins prononçaedjes : /sɔ.ˈle/ /sɔ.ˈlɛ/ /so.ˈliː/
  • prononçaedje zero-cnoxheu : /sɔ.ˈle/
• Ricepeures : so·lé

Sustantif

singulî	pluriyal
solé	solés

solé omrin

1. mousmint d' cur u d' plastike, ki rascovere tot l' pî.
   • Mes solés sont trawés — Motî d’ Bouyon (fråze rifondowe).
   • Dinltins, on-z aléve a l' escole avou des solés a clås — Motî del Fagne et del Tieraxhe (fråze rifondowe).
   • Dji n' ritrouve nén l' ôte solé.

Ratourneures

1. gros solés : spès pezants solés po-z aler a l' ovraedje.
2. féns solés : solés po les fiesse-djoûs et les buralisses.
3. bas solés : solés nén foirt hôt, ki tént avou ene pitite laecete.
4. lustrer ses solés : les broushî avou do ciraedje.
5. ecråxhî u : graissî les solés d' on malåde : l' enôli (lyi dner l' estrinme onccion).
   • Mossieu l' curé a yeu djusse li tins di lyi graissî ses solés — Motî del Fagne et del Tieraxhe (fråze rifondowe).
6. Fåt i rsaetchî mes solés, vos åroz pus åjhey : riplacaedje d' onk k' on lyi vout sinte les pîs.
7. li ci ki ratind après les solés d' on moirt tote lontins a pîs dischås
8. ariver avou ses féns solés
9. esse dins ses ptits solés
10. awè må ses pîs dins ses solés
11. awè tchôd a ses solés
12. esse bén dins ses solés
13. i n' a nén si bon solé k' a foice del mete, i trawe
14. i n' fåt nén mete ses solés dvant ses tchåsses
15. on n' est djamåy si bén ki dins ses vîs solés
16. mete ses pîs dvins les solés d' èn ôte
17. vos solés criyèt, i n' sont nén payîs

Mots vijhéns

• savate, botkene, baskete, sandalete

Omofoneye possibe

• solea

Ortografeyes

Divant 1900 :

• solé : E212 ^(lére), E212 ^(lére)

Après 1900, foû rfondou (Feller, Feller ricandjî, nén Feller) :

• solér : O100
• solè : C1, C13, C60, C100, S117
• solé : E1, E34, C100, S0, S25, S117, O0, O3, O4
• soler : E34

E rfondou walon :

• solé : R13

Ratournaedjes

solé

• Arabe : Hidha'a =‎ حذاء ^(ar)
• Arabe marokin : سبّاط ^(ary) =‎ sebba6
• Almand : Schuhe ^(de)
• Inglès : shoe ^(en)
• Espagnol : zapato ^(es)
• Francès : chaussure ^(fr), soulier ^(fr) (Beldjike)
• Gåmès : soley, broques pluriyal
• Neyerlandès : schoen ^(nl)

Waitîz eto

Lijhoz l’ årtike solé so Wikipedia