tchesseu

Walon (Rifondou)

• 

Etimolodjeye

No d’ fijheu do viebe : « tchessî ».

Prononçaedje

• AFE :
  • diferins prononçaedjes :
    • /t͡ʃɛ.ˈsøː/ /t͡ʃɛ.ˈsøːʀ/
    • (pa picårdijhaedje) /ka.ˈʃøː/
    • (pa rfrancijhaedje); /ʃa.ˈsøʀ/ /ʃa.ˈsø/ miersipepieuzmint e l’ notule ALW 1.14
  • prononçaedje zero-cnoxheu : /t͡ʃɛ.ˈsøː/
• Ricepeures : tches·seu

Sustantif

	singulî	pluriyal
omrin	tchesseu	tchesseus
femrin	tchesseuse	tchesseuses
	tchesresse	tchesresses

tchesseu omrin

1. li ci ki va al tchesse.
   • Neni, nos n’ rivoerans djamåy
     Li bracneu s’ winner padrî l’ håye
     Et fé l’ båbe a nos mwaisses tchesseus. — Joseph Vrindts, ”Vîx Lîge” (1901), p.184, “Les Prés d’ Droèhe” (fråze rifondowe).
   • Il est la come on tchivroû k' a les tchesseus et ene binde di tchéns a ses coirdeles — Paul Rousselle (fråze rifondowe).
2. (ene miete po rire) (sessouwalité) onk ki tchesse après les cmeres.
3. (mot d’ militaire), (Istwere) sôre di sôdård k' esteut foirt po fé des operåcions d' espionaedje ou drî l' front.
   • BERNALMONT. Taijhoz vs, Bodson ! Tinoz, dj’ esteu lieutnant å redjimint d’ tchesseus did* Arenberg…
     BODSON. – Hin ! … Cwè ? … C’ est l’ redjumint di m’ fi ! — Joseph Mignolet, « Al Bèle Fontinne », comèdèye di treûs akes, 1924, p.14 (fråze rifondowe).

Ratourneures

1. wice k' i gn a des lives, i gn a des tchesseus
2. tchesseu e plat : onk ki magne avou on foirt apetit.

Omofoneye

• (possibe) tchåsseure

Ortografeyes

Divant 1900 :

• chesseu : E177 (1823 & 1839)
• chaceûr : E203 ^(lére)
• chèceû : E203 ^(lére)
• chesseur : E212 ^(lére)

Après 1900, foû rfondou (Feller, Feller ricandjî, nén Feller) :

• tchèsseu : C8
• chasseû : G201 p. 101
• cacheû : O4, O100, G201 p. 101
• tchèsseû : C1, C99, C106, E1, O0, O81, O100, S0, S117, G201 p. 101
• chasseûr : G201 p. 101, FO4 (a « chasseur »)

E rfondou walon :

• tchesseu : R13
• tchesseu, tchesseuse : R10 ^(lére)

Ratournaedjes

onk ki va al tchesse

• Arabe marokin : صيّاد ^(ary) =‎ çeyyad
• Almand : Jäger ^(de)
• Inglès : hunter ^(en)
• Espagnol : cazador ^(es)
• Francès : chasseur ^(fr)
• Gåmès : tchessou, tchesseuy, tchessieu, tchessow
• Neyerlandès : jager ^(nl)
• Picård : cacheu ^(pcd)
• Kimon amazir marokin : ⴰⵏⴳⵎⴰⵔ ^(zgh) =‎ angmar

sôre di sôdård k' esteut foirt po fé des operåcions d' espionaedje ou drî l' front

• Francès : chasseur ^(fr)