kipicî

Walon (Rifondou)

Alofômes di k(i)- / co-

Plinne cogne Lidje-Årdene (betchete sipotchåve)	Cogne Nameur-Tchålerwè (betchete nén spotchåve)	Sipotcheye cogne Lidje-Årdene
kipicî	copicî	cpicî

Etimolodjeye

Do viebe « picî », avou l’ betchete « ki- » des viebes.

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

Viebe

Djin et tins	Codjowa
Cåzant Ind. pr. (dji, dj’)	kipice
Atôtchî(s) Ind. pr. (vos, vs)	kipicîz
Cåzants Ind. pr. (nos, ns)	kipiçans
Rwaitants Ind. pr., nam. (i/il, ele/elle)	kipiçnut
Cåzant Ind. fut. (dji, dj’)	kipiçrè
Cåzant D.I.E. (dji, dj’)	kipicive
Cåzant Suddj. pr. (ki dji, dj’)	kipice
pårt. erirece (dj’ a, vos av)	kipicî
Ôtes codjowaedjes	come picî

kipicî (viebe å coplemint)

1. picî mwints côps. Divins les bals al lamponete, les djonnès feyes sont totès cpiceyes. — Motî Forir (fråze rifondowe). F. pincer à plusieurs reprises, tripoter.

1. hagnî e mwintès plaeces. Les pouces m' ont tot cpicî — Motî Haust (fråze rifondowe). F. piquer partout.

1. apicî mwints côps. On dit eto: tchåspougnî. F. manipuler, saisir, empoigner à plusieurs reprises.

1. rascråwer, acsure, tot djåzant d' ene maladeye. Il est cpicî d' on magnant må. F. atteindre, frapper.
   • K’ est çki vs kipice ? K’ est çki vs temtêye ?
     Pôve pitit andje dizawuré — Martin Lejeune, “ Œuvres lyriques du poète Martin Lejeune” p.136, « L’ andje dèl têre » (fråze rifondowe).
   • Totes nos belès båsheles a l' amoureus sorire,
     Ont tant cpicî nos cours cwand nos avéns vint ans,
     K' on n' poleut les rovyî po des båjhes etrindjires,
     K' on n' poleut si fé cwite di leus ouys si blamants— Louis Lagauche, "L' inmant", Ås walons, (1947), p. 118-119 (fråze rifondowe).

Parintaedje

• kipiçaedje
• Loukîz a : « picî »

Pårticipe erirece

	singulî	pluriyal
omrin	kipicî	kipicîs
femrin	kipiceye	kipiceyes

kipicî omrin

1. Pårticipe erirece omrin do viebe "kipicî".

Addjectif

	singulî	pluriyal
omrin	kipicî	kipicîs
femrin padrî	kipiceye	kipiceyes
femrin padvant	kipiceye	kipiceyès

kipicî omrin

1. ki transixh, tourminté (êye).
   • Si fi n' est nén rivnou; ele est tote kipiceye — Motî Haust (fråze rifondowe).
   • Dj' esteu cpicî, et mes ouys ni s' distaetchént pus di l' ôrlodje ki tournéve å ralinti — Georges Smal (fråze rifondowe).
   • Dispoy ki si ome l’ a-st abandné,
     Mareye-Djihinne est tot kipiceye — Joseph Vrindts, ”Vîx Lîge” (1901), p.39, “Qui fait mâ trouve mâ” (fråze rifondowe).
   • C’est-c’djoû-là qui tos les comtes et les barons qui s’sintît k’pissîs di r’mwérd, avît pris l’creûs d’blanke sôye dè creûh’lé — Joseph Mignolet, "Li Payîs des Sotês", 1926, p. 33.
2. tot cpicî, tote kipiceye : ki s' måvele po ene tchitcheye.

Ratournaedjes

tourminté

• Francès : inquiet ^(fr), énervé ^(fr), tourmenté ^(fr), fiévreux ^(fr)

(tot cpicî)

• Francès : névrosé ^(fr), irritable ^(fr), irascible ^(fr), susceptible ^(fr)