dårnisse

Walon (Rifondou)

Etimolodjeye

Bodje « dårn- » ‎(« dåne »), avou l’ cawete « -isse 1 ».

Addjectif

	singulî	pluriyal
omrin	dårnisse	dårnisses
femrin padrî	dårnisse	dårnisses
femrin padvant	dårnisse	dårnissès

dårnisse omrin et femrin (come addjectif djondrece, metou padvant u padrî l’ no)

1. (mot d’ medcén) kel tiesse lyî toûne lontins u sovint.
   • Dj' a stî dårnisse tote li djournêye — D.T.W.
   • Il esteut ossu dårnisse k' onk k' åreut fwait l' toû d' Paris d' astampé dins l' metro — Lucien Somme (fråze rifondowe).
   • L' efant a tcheu so s' tiesse el coû d' li scole, et il a dmoré ståré a tere, dårnisse, on bon boket — Motî Gilliard (fråze rifondowe).
   • Dji m' sin tot dårnisse, come si l' sonk si poitreut a m' tiesse — Motî Gilliard (fråze rifondowe).
   • Li sôlêye, il est tot dårnisse d' awè trop bevou — Motî Gilliard (fråze rifondowe).
   • Cwand dji so so on toet, dji so tot dårnisse — Motî Gilliard (fråze rifondowe).
2. ene miete mouwé.
   • Et nozôtes, k’ estans dj' al fén do conte? On dvént dårnisse cwand c’ est k' on î tuze bén — Jean-Pierre Dumont, Tot tournant les pådjes (fråze rifondowe).
3. ene miete sot.
   • Il est ene miete dårnisse.
   • Ô Sainte Marie, ô Moman do Bon-Diè,
     si-Vos-plait, causez-Lî, à Vosse Fi, por nos ôtes
     laids-waîtes èt pôvès-mivés, pu doûrnisses qui mèchants,
     — Camille Delvigne, Ave Maria , Les Cahiers Wallons, 1951, lº 9.

Parintaedje

• dåne, dårner, sdårniyon

Sinonimeye

• (ki l' tiesse lyi toûne) : dåne
• (mouwé): tot drole; Loukîz a : « mouwé »

Ortografeyes

Après 1900, foû rfondou (Feller, Feller ricandjî, nén Feller) :

• daurnise : C9
• dôrnis´ : O0, C106
• daurnis´ : C1, C13
• dârnis´ : E1
• doûrnis´ : C106
• dôrnise : C9

E rfondou walon :

• dårnisse : R10 ^(lére)

Li mot n’ est nén dins : E165, R13

Ratournaedjes

ki l' tiesse lyi toûne

• Francès : pris de vertige ^(fr), étourdi ^(fr)

ene miete mouwé; Loukîz a : mouwé

• Francès : troublé ^(fr)

ene miete sot Loukîz a : sot

• Francès : toqué ^(fr), cinglé ^(fr)

Sustantif

singulî	pluriyal
dårnisse	dårnisses

dårnisse omrin et femrin

1. onk k' est biesse.
   • Va-z è, grand dårnisse, i gn a nén moyén d' cåzer avou twè — D.T.W.
   • (li siervante docuré) Mins cwand elle est pus drole, c' est cwand deus djonnès djins
     Vegnnut al cure po fé beni leus sintimints
     E lzî vnant drovi l' ouxh, Catrene, rodje di colere
     Creye: «C' est co deus dårnisses ki s' vont mete al mizere» — Gabrielle Bernard (fråze rifondowe).
   • N' alez nén schoûter ç' dårnisse: il a ene fameuse rowe di tchå e s' tiesse — Motî Gilliard (fråze rifondowe).
   • On n' pout nén leyî trinner so les voyes des pareys dårnisses — Motî Gilliard (fråze rifondowe).

Sinonimeye

• (ene miete båyåd, bwejhe, berlu, baloujhe, bådet, boube, båbimene, bardouxhî, relî, boirgnasse, wargnasse; Loukîz a : «Motyince:biesse/walon»

Ratournaedjes

ene miete sot Loukîz a : Motyince:dimey doûs/walon

• Francès : cinglé ^(fr)