moenne

Walon (Rifondou)

Prononçaedje

• AFE :
  • diferins prononçaedjes : /mwɛ̃n/ /mɔ̃n/ /mwɛn/ /mwan/ (betchfessî oen)
  • prononçaedje zero-cnoxheu : /mwɛ̃n/
• Ricepeures : nén rcepåve

Etimolodjeye 1

Tayon-bodje latén « monachum » . Dataedje do mot : 1250.

Sustantif

singulî	pluriyal
moenne	moennes

moenne omrin

1. (e l’ eglijhe catolike) ome di rlidjon ki vike tot seu u e cminålté e-n on moustî, lon erî del veye do monde.
   • Dinez lyi cwand minme on moenne po l’ kifessî divant del pinde. — Gaston Lucy.
   • Tu ravizes on vî moenne ki vna briber l' ôte djoû, tot schoyou, a pîs dschås, mågré k' i vnaxhe di Paris, dijheut i— Martin Lejeune, "Œuvres lyriques du poète Martin Lejeune" p. 114, "L'infifélité d' Catrène" (fråze rifondowe).
   • Il a todi yeu l’ nez fén, po esse on sint, on vraiy, Li moenne ki bresse l’ Ôrvå, li Trapisse, li Chimai. — Lucyin Mahin.
   • Djiblou esteut e Roman Payis, mins li Duc di Braibant leyive les moennes trankiles, la k’ il estént "les prumîs monsieus do Braibant". — Yannick Bauthière.
   • Li meyeu di tot, a çou k' i m' shonne,
     C' est del arinner come on vraiy moenne
     — Ep. Martial, Bultén del Societé d' Lidje, Bulletin de 1858, ‘’Li savtî des recoletes’’, 69-73 (fråze rifondowe).
   • Come quausë tos lès kërés dès vëladjes d’avaur là, lès mwin.nes dë l’abîye dë Bounéfe ont r’fësé èt yèsse cotchèssîs— Bernard Vanorlé : Fau lès cauves Noer Boton l° 505, p. 20-21..

• 
  moennes boudisses ki brubèt
• 
  moenne di l' ôre di Sint Dominike

Ratourneures

1. viker come on moenne : viker tot seu.

   On dit eto : come on nûton.

   Loukîz a : vike-tot-seu.

   F. "vivre en solitaire".

2. crås come on moenne : foirt crås.

   On dit eto : come ene lote.

3. rodje moenne : moenne di l’ Ôre des Timplîs.
4. coyon d’ moenne : sôre di grosse biyoke.

Parintaedje

• antimoenne
• tchenonne

Mots d’ aplacaedje

• coyon d’ moenne
• bire di moenne

Dizotrins mots

• trapisse
• abé, priyeu, pere

Mots vijhéns

• ermite

Ratournaedjes

ome di rlidjon ki vike e cminålté

• Arabe : راهب ^(ar) = راهِب =‎ râhib
• Almand : Mönch ^(de)
• Inglès : monk ^(en)
• Espagnol : monje ^(es)
• Francès : moine ^(fr)
• Neyerlandès : monnik ^(nl), kloosterbroeder ^(nl), kloosterling ^(nl)

Waitîz eto

Lijhoz l’ årtike moenne so Wikipedia.

Etimolodjeye 2

Loukîz a : « moenner ».

Codjowas

moenne

1. indicatif prezintrece, prumire et troejhinme djins do singulî, do viebe « moenner ».
   • Ele moenne les tchvås come èn ome.
2. suddjonctif prezintrece, prumire et troejhinme djins do singulî, do viebe « moenner ».
   • Fåt i ki dj’ moenne l’ oto ?
3. kimandeu prezintrece, deujhinme djin do singulî, fôme camaerådrece, do viebe « moenner ».
   • Moenne les vatches a l’ abuvroe !