panî

Walon (Rifondou)

Etimolodjeye

Tayon-bodje latén « panarium » (coirbeye å pwin).

Prononçaedje

• AFE :
  • diferins prononçaedjes : /pa.niː/ /pɛ.niː/ (minme prononçaedje cåzu pattavå)
  • prononçaedje zero-cnoxheu : /pa.niː/
• Ricepeures : pa·nî

Sustantif

singulî	pluriyal
panî	panîs

panî omrin

1. (usteye) ahesse po tcheryî des ptitès cwantités d’ martchandijhe, k’ on poite avou ene mwin u agritchî a l’ sipale.
   • Tape ça e panî ås lokes — Motî d’ Nivele (fråze rifondowe et rarindjeye).
   • Les schinlires siervént po fé des panîs po planter ås trukes. — Motlî d’ Tchonveye (fråze rifondowe).
   • Li mande, c' est on grand panî d' oizires. — Motlî Anselme so les cortis a Bietris (fråze rifondowe).
   • Dispaitche tu di dschinde e fond di m’ cåve, et rimplixh on panî d’ mes crotêyès botayes; tot l’ resse, on s’ endè schowe: k’ i ploûxhe, k’ i djale, k’ on neye. — Marcel Hicter, ratournant Horace (fråze rifondowe).
2. (no d’ contnou) çou k' i gn a dvins.
   • Ns irans code on panî d’ pemes — Motî d’ Cînè (fråze rifondowe et rarindjeye).
3. (mot d’ colebeu) sôre di tchaive po miner l' colon al tape ou å constateu.
   • C' est on panî ås pidjons — Motî d’ Nivele (fråze rifondowe et rarindjeye).
   • Coraedje, valet, coraedje, i betche ! Vola onze eures. Dji croe ki ns ratindrans pus waire. Ass apresté l’ panî ? — Henri Simon, Li bleû-bîhe, 1886, p.18 (fråze rifondowe).
   • A li ståcion, on djoû, loucant li rmowe-manaedje
     D' ene hiedlêye di colons metous pol long voyaedje,
     Dji conta par troes feyes co pus d' cwarante panîs,
     Come on dit-st e francès, onk so l' ôte rahoplé. — Toussaint Brahy, Toussaint Brahy, œuvres wallonnes posthumes, Li songe da Babilone, 1887, p.33 (fråze rifondowe).
     

• 
• 
• 

Ratourneures

1. froxhî l’ panî (d' ene djonne feye) [C13]

Parintaedje

• pantêye (pan’têye)
• panislêye
• panrêye (pan'rêye)
• pantî (pan'tî)

Mots vijhéns

• (avou deus manikes, fwait d’ toele, di fi, di cur, evnd.): tchena, cabas, cabasse
• (avou deus pougneyes, fwait d’ schinons): kertin, mande, resse
• (pus fond k' lådje, avou deus pougneye)banse, banslete
• (avou on covra): bodet (grand), coret (pitit), baxhôde (pindåve al sipale)
• (avou ene anse et sins covra): manoke
• (ptit panî sovint di strin): banot, coirbeye, coirbiyon, waxhea
• (po les poyes aler ponre, ou l' tchet s' coûtchî): ponete

Mots d’ aplacaedje

• panî d' bourike

Ortografeyes

Divant 1900 :

• panier : TBowp

Après 1900, foû rfondou (Feller, Feller ricandjî, nén Feller) :

• pånî : S117, G152
• pagnîⁿ : O4
• panî : S17 p. 133, S104, S109, S117
• pènïe : FS110 a « panier »
• pèni : S54
• panier : HSim
• = ? (panî) : G152 II p. 118
• pani : C8]
• pènî : S107, S117
• paniè : S33, S36 ^(lére)
• pagni : MHic

E rfondou walon :

• panî : R10 ^(lére)

Ratournaedjes

usteye po poirter des martchandijhes al mwin

• Arabe marokin : ڭفّة ^(ary) =‎ geffa
• Inglès : basket ^(en)
• Francès : panier ^(fr)
• Itålyin : paniere ^(it)
• Sicilyin : panaru ^(scn)

sôre di tchaive po miner l' colon al tape ou å constateu

• Francès : terme consacré pour désigner les grands paniers carrés utilisés pour le transport des pigeons voyageurs

Waitîz eto

Lijhoz l’ årtike panî so Wikipedia