si passer

Walon (Rifondou)

si passer

ès passer

s’ passer

Etimolodjeye

Aplacaedje prono « si » + viebe «passer».

Viebe

si passer (viebe å prono muroetrece)

1. ariver.
   • Åy mins nonna: ça n' si pasrè nén come ça !
   • Mon Diu, vos ki sait tot çou k' i s' passe sol tere,
     Por vos, di-st on todi, li pus grand des misteres,
     Ni såreut esse catchî. — Joseph Vrindts, Pâhûles rîmês, (1897), "Li Neur Live", p.40 (fråze rifondowe).
   • I s' passe ene sacwè d' nén trop catolike e ç' måjhone la ! — Christine Tombeur (fråze rifondowe).
   • I gn a des droles di cayets ki s' passèt.
2. awè ene fén.
   • Ba ! c' est come tot; ça s pasrè !
3. (v. å coplemint nén direk eployî avou li dvancete « di ») dimorer sins.
   • On s' a dvou passer d' soper.
   • Cåzu tolmonde a l' air d' esse ritche,
     On n' sait, k' dj' arawe, pus cmint s' moussî,
     Et po fé co cint mirlifitches,
     On s' pasrè torade do magnî. — Jean Dessard, D'ine cohe so l'aute, 1939, p.114, Contint di s’ sôrt (1894) (fråze rifondowe).

Ratourneures

1. çoula s’ pasrè, li schite a bén passé å vea : dijhêye po-z aswadji ene sakî ki s' plind po ene tchitchêye.
2. si fé passer po

Sinonimeye

ariver

• advini
• atoumer
• sorvini

awè ene fén

• fini
• endaler

Ratournaedjes

ariver Loukîz a : sorvini

• Arabe marokin : oqe3 =‎ وقع = وْقع
• Almand : vorkommen ^(de), passieren ^(de)
• Inglès : to occur ^(en), to happen ^(en), to take place ^(en)
• Espagnol : passar ^(es)
• Francès : se passer ^(fr), avoir lieu ^(fr)
• Neyerlandès : gebeuren ^(nl),

awè ene fén

• Arabe marokin : daz =‎ داز
• Inglès : to go ^(en), to subside ^(en)
• Francès : passer ^(fr), se passer ^(fr), cesser ^(fr)