spawta

Walon (Rifondou)

Alofômes di s(i)- / (e)s-

Cogne prumrece (dirî voyale)	Dispotchaedje (dirî cossoune)	Divanceye voyale (dirî cossoune)
spawta	sipawta	espawta

Etimolodjeye

Bodje « spawt- », bodje A do viebe « spawter » (fé pawe, fé awè peu), avou l’ cawete « -a ».

Prononçaedje

• AFE :
  • diferins prononçaedjes : /spaw.ˈta/ /spa.wɛ.ˈta/ (minme prononçaedje cåzu pattavå)
  • prononçaedje zero-cnoxheu : /spaw.ˈta/  ^{aschoûtez lu}
• Ricepeures : spaw·ta

Sustantif

singulî	pluriyal
spawta	spawtas

spawta omrin

1. boulome di bwès k’ on mete dins les tchamps po fé pawe ås oujheas.
   • Des sprewes apîçtêyes so on vî spawta s’ rafiyèt ki l’ tins des ceréjhes soeye la — Jean-Pierre Vervier (fråze rifondowe).
   • Sol cotjhea, gn a-st on ploråd
     Ki lait pinde ses coxhes al tere. « On spawta ! » m’ a dit m’ grand-mere. — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Eloviné », 1922, p.61 (fråze rifondowe).
   • Les håvurnas des voyes avizént des spawtas,
     Dizeu l' rivlete, on vî coirbå cwincséve sins rla,
     Tot fjhant k' on tchén djondant l' eglijhe, hoûléve a moirt — Joseph Mignolet, "Fleûrs di prétins", p.31 (1929), "Li nècale d’amour" (fråze rifondowe).
2. (imådjreçmint) sakî ou sacwè foû laide ki fwait haper sogne.
   • Por zels, on mwaisse di scole, c' esteut-st on spawta, on spér, on leu-waerou ; et les scoles, des måjhones di chatimint, des vraiyès prijhons com å Bayåd, wice k’ on meléve les sots, les baligands et d’ totes sôres di counasses. — Henri Forir, Notul so lè bazè skol dè vî tin, 1862 (fråze rifondowe).

Ratourneures

1. laid come on spawta
   • Tot çoula fwait k' dji m' tourmete,
     Dji dvén laid come on spawta ...
     Dj' åreu cwate dints a m' fortchete
     Si m' bele-mere n' esteut nén la !... — Toussaint Brahy, Toussaint Brahy, œuvres wallonnes posthumes, Si m'belle-mère n'esteut nin là !..., 1886, p.27 (fråze rifondowe).
     

• 
  dins on corti
• 
  dins les tchamps

Sinonimeye

• sbara
• sbaråd
• sbarûle
• ewaera

Ortografeyes

Divant 1900 :

• espawta : E203 ^(lére)
• spawta : E177a ^(lére)
• sipawta : E203 ^(lére)

Après 1900, foû rfondou (Feller, Feller ricandjî, nén Feller) :

• (è)spaweta : E1 ^{(cf. orto.)}
• (è)spaw’ta : E1
• spawèta : O2
• spaweta : E34

E rfondou walon :

• spawta / sipawta u espawta : R10 ^(lére)
• spawta : R13

Ratournaedjes

boulome årtificiel po sbarer les oujheas

• Inglès : scarecrow ^(en)
• Francès : épouvantail ^(fr)

sakî ki fwait haper sogne

• Francès : horreur ^(fr), repoussoir ^(fr), chose, personne effrayante

Waitîz eto

Lijhoz l’ årtike spawta so Wikipedia