tchintreye

Walon (Rifondou)

• 

  åtoû d' ene curêye

• 

Etimolodjeye

Bodje « tchint- », bodje A do viebe « tchinter » avou l’ cawete « -reye », çou ki dene on mot avou l’ dobe cawete « -treye ».

Prononçaedje

Asteme ! Ci mot ci a on scrijha « -in- » ki n’ si prononce nén a môde di naziåle /ẽ/ mins /in/, çou ki respond a on scrijha Feller « -in′- ».

• AFE :
  • diferins prononçaedjes : /t͡ʃin.ˈtʀɛj/ /t͡ʃin.ti.ˈʀiːj/ (betchfessî ey)
  • prononçaedje zero-cnoxheu : /t͡ʃin.ˈtʀɛj/
• Ricepeures : tchin·treye

Sustantif

singulî	pluriyal
tchintreye	tchintreyes

tchintreye femrin

1. ratroplaedje di tchéns åtoû d' ene lexhe ki tchesse, åtoû d' ene curêye (biesse crevêye).
2. laid sacwè, k' on voet evi, k' on trove biesse.
   • Li front rûsse; ké mizere! ké tchintreye — Willy Bal (fråze rifondowe).
3. sacwè ki n' våt rén.
   • Mi, di dju mi, dji ravale ene tchintreye come ça so rén do monde di tins.
   • La ! magnî des berbis, peure tchintreye, sotès bièsses,
     Est ç’ fé petchî ? Neni, Signeur, vos lzî fjhîz
     On grand oneur a les croxhî — François Bailleux, ratournant «Les biesses acsûte del pesse» da Lafontinne (fråze rifondowe).
   • Pusk' i les rvout, madame, et bén i les rårèt
     Mins ci srèt alors mi k' lezî rpoirtrè.
     O! K' a-dju mezåjhe di vos po ene tchintreye pareye
     — Ep. Martial, Bultén del Societé d' Lidje, Bulletin de 1858, ‘’Li savtî des recoletes’’, 69-73 (fråze rifondowe).

Sinonimeye

sacwè k' on voet evi

• troyreye
• tchinisse

sacwè ki n' våt rén

• tchitchêye

Ortografeyes

Après 1900, foû rfondou (Feller, Feller ricandjî, nén Feller) :

• tchin'tréye : O4
• tchintîriye : S117
• tchin'trèye : E1
• tchin'trîye : O4, O90
• tchin'tîrîe : S117

E rfondou walon :

• tchintreye : R10 ^(lére)

Li mot n’ est nén dins : E170, R13

Ratournaedjes

rabindlaedje di tchéns

• Francès : attroupement ^(fr) de chien, meute ^(fr)

sacwè k' on voet evi

• Francès : connerie ^(fr), absurdité ^(fr), ineptie ^(fr), idiotie ^(fr), saleté ^(fr)

sacwè ki n' våt rén Loukîz a : tchitchêye

• Francès : vétille ^(fr), bagatelle ^(fr)