vagon

Walon (Rifondou)

• 
  On vî vagon.
• 
  On vagon avou do tcherbon.

Etimolodjeye

S’ i gn åreut ene sakî ki sepreut cwè åd fwait di l’ etimolodjeye di « vagon », el pout stitchî vaici.

Prononçaedje

• AFE :
  • diferins prononçaedjes : /va.ˈɡɔ̃/ /wa.ˈɡɔ̃/
  • prononçaedje zero-cnoxheu : /va.ˈɡɔ̃/
• Ricepeures : va·gon

Sustantif

singulî	pluriyal
vagon	vagons

vagon omrin

1. boket d’ on trén, batch avou cwate rowes k’ on pou-z ateler et dizateler åjheymint, et ki pout contni des voyaedjeus u totès sôres di martchandijhes.
   • On vagon d' voyaedjeus, di martchandijhes.
   • Come dj' esteu sins ovraedje, honteus d' bate li pavêye,
     Vos comprindoz k' sol côp l' ofe fourit acceptêye ...
     Di djoye ni m' sintant pus, sins fé nole reflecsion,
     A deus mwins, hapant m' cou, dji sôtla e vagon. — Toussaint Brahy, Toussaint Brahy, œuvres wallonnes posthumes, Li songe da Babilone, 1887, p.33 (fråze rifondowe).
     
   • Li vî sot ki va torade esse språtchî come ene fike ou broyî inte les rowes d' on vagon a fwait s' testamint por mi. — Joseph Vrindts, Li pope d'Anvers, (1896), p.13 (fråze rifondowe).
2. foûme po fé cure li pwin.
   • Nos avans apresté les vagons po cure les pwins è nosse cofe. — Motî Gilliard (fråze rifondowe).
   • Do pwin cût sol vagon. — Motî d’ Bastogne (fråze rifondowe).
3. ene grosse boesse rectangulaire.
   • Vos m' rapoitroz on vagon d' aloumetes. — Motî d’ Bastogne (fråze rifondowe).

Parintaedje

• vagonet

Mots vijhéns

• (foûme po fé cure li pwin) platene, catén

Ortografeyes

Divant 1900 :

• wagon : E203 (a « rai-waïe ») ^(lére), TBowp

Après 1900, foû rfondou (Feller, Feller ricandjî, nén Feller) :

• wagon : O2 (a « descrocheter »), FE1, JVri
• vagon : O3, O4, C9 (a « dibout »), C13, C106, S0

E rfondou walon :

• vagon : R10 ^(lére)

Ratournaedjes

vagon

• Francès : wagon ^(fr)