vola

Walon (Rifondou)

Plinne cogne	Spotcheye cogne
vola	vla

Etimolodjeye

Aplacaedje di : « vo » + « la ».

Adviebe

vola (nén candjåve)

el tiesse di fråze, mostere li sudjet, môde d’ ene adrovire.
- Vola l’ ome.
- Vola deus beas colons presses a mete e l' minme vola — Jean Bury (fråze rifondowe).
- Loukîz, vola ene bele ocåzion : rimetoz les caetches e for avou Ridant. — Henri Simon, «Janète» divins «Quatre comédies liégeoises» da Jean Haust (1936), 1911, p.124 (fråze rifondowe).
- Flûte a l’ ognon et zimzizim, vola cwate belès copes po danser l’ pavane … metoz do spégulaire. — Louis Lagauche, Les bwèh'lîs, 1948, p.40 (fråze rifondowe).
- Wåterzôte ! Wåterzôte ! Vola ene sacwè d' aiwisse, dai ! — Paul-Henri Thomsin, Astérix amon lès Bèljes, 2022, p. 39 (fråze rifondowe).
(al tiesse del fråze avou on prono) mostere on novea fijhaedje, on displaçaedje, èn arivaedje.
- Eshonne i gripnut l' tiene des Fosses-Copetes. Modele:~Vo les la dins Petbay. Padrî l' bårire del cinse deus gros tchéns d' coû hawnut. — Paul Moureau, Contes d' aprandjire, 1932, Les cougnous dèl boune cinsrèsse, lijhåve e Feller vaici (fråze rifondowe et rarindjeye).
(pus stroetmint) po-z acsegnî ene sacwè k' on dene, k' on mostere avou l' doet.
- LAFLEUR. - C' est etindou, dji lyi frè l' messaedje … mins dijhoz (mostrant l' rôze). Vola ene rôze k' a seur pus d' tchance ki mi, loukîz.
  LEYONTINE. - Pocwè don ?
  LAFLEUR. - Ele ni pout må d' mori d' soe, savoz leye. — Jean Lejeune, Po marier Lèyontine, 1928, ake I, sinne IX, p.11-12 (fråze rifondowe).
- Ashidoz vs, mes efants ; tinoz, Mareye, vola ene copete di tchôd cafè. — Andrée Sougnez (fråze rifondowe).
(eployî seu) po rivni a çou k' on-z aveut cmincî.
- BERNALMONT. […] Mins vola, wice e-st i ?
  BODSON. – Moirt, lieutnant, creyoz m’. — Joseph Mignolet, Al bèle fontinne, 1924, p.14 (fråze rifondowe).
metou dirî l’ sudjet mostré.
- Merance, c’ est l’ comere vola, avou s’ blanke cote.
(dirî on prezintoe d’ mostraedje) ci.
- Cisse tchapele vola a ddja stî basteye do tins des duks d’ Arenberg. — MaLe (sourdant a recråxhî).
(avou on prono et on pårticipe erirece) mostere on fijhaedje ki vént tot djusse d' ariver et ki deure divins l' tins.
- Tén, vo-vs-la co raviké ? Vos rdjåzez co ? C’ est seur èn emacralaedje a hikete, savoz, ki Bebete vis årè tapé ! — Henri Simon, «Li neûre poye» divins «Quatre comédies liégeoises» da Jean Haust (1936), 1889, p.83 (fråze rifondowe).
- I n' î est nén. Hinri a cwerou tocosté après. (I bouxhe li sånî djus di l' årmå). Bon ! Vola l' sé ståré. C' est co ene samwinne ki cmince bén. — Antoine Bouhon, Les Brixhes da Gèrâ, 1900, sinne III, p.9 (fråze rifondowe).
- Ebén, puski vo-vs-la xhoré dispaitchîz vs do fé vost ovraedje et vo vs arindjroz avou Fonsine. — Louis Lagauche, Cåse d'on comichonaire, 1904, p.32 (fråze rifondowe).
- Mins vo-l’-la divnowe ene gote hôtinne, ossu. — Arthur Xhignesse, Boule-di-Gôme, 1912, p.32 (fråze rifondowe).
- Vos-vs-la divnowe pus rodje ki des petchales. Asteure, vos clintchîz l’ tiesse et vos n’ oizez m’ loukî ! — Joseph Mignolet, Al bèle fontinne, 1924, p.29 (fråze rifondowe).
- Dji n' t' åreu nén rmetou. T' es schoyou m' shonne t i... T' esteus si gros, vo t' la tot ramwinri... — Paul Moureau, Contes d' aprandjire, 1932, Les cougnous dèl boune cinsrèsse, lijhåve e Feller vaici (fråze rifondowe).
- Les bos del trintchêyes ont sketé; et vo-m'-la reteré, wai. — Louis Sohy (fråze rifondowe).
- Lanawaire, ça s' endaléve eviè li stoelî; asteure, vo-les-la rtcheuts, mes reves, po mî m' dispåpyî. — Jean Guillaume (fråze rifondowe).
- Les deus andjes s’ astampèt, et hop ! vo-les-la ndalêyes. — Marie-Claire Desmette.
- Vo les la rarivés avou leus grands tchapeas
  Leus camizoles di linne, wai, sujhèt les tropeas. — Lucyin Mahin, ratournant Jacques Brel.
(eployî avou èn addjectif ou ene addjectivire) mostere on novea estat ki deure divins l' tins.
- NONÅRD (tot ratoûrnant). – Mononke ! come vo vs la ritche, loukîz do n’ nén m’ rovyî.
  TÅTÎ. – Si dji trouve ene cahote, dji vs evoyrè l’ papî. — Édouard Remouchamps, Tåtî l’ Pèriquî, 1884, Ake II, sinne V, v. 647-648, lijhåve e Feller vaici (fråze rifondowe).
- Vola mamjhele Agate al tere,
  Et par måleur, si bea ptit pî
  Esteut dmanou divins li strî. — Joseph Kinable, Les crostillons (1889), "L’agilité del baronne", p.15 (fråze rifondowe).
(cronolodjeye).
1. (eployî avou ene sustantivire et l' prono rahoucrece « ki ») mostere on fijhaedje ki cmince et durer (a n' nén cmaxhî avou l' aloyrece « ki » Loukîz a : « vola…ki »).
  - Iy ! Vola m' vantrin ki s' disloye. — Toussaint Brahy, Toussaint Brahy, œuvres wallonnes posthumes, Ine Copenne so Beaufils, 1887, p.42 (fråze rifondowe).
2. (cronolodjeye) (avou l' eure) sieve a mostrer l' eure.
  - Vola dijh eures sounêyes ;
    Si ti n' vous nén rintrer,
    Ti doimrès sol pavêye,
    Ca l' ouxh serè seré. — François Barillié, Li camarad′ dè l'joie, 1852, Li Feumm' dè l'sôlaie, p.49 (fråze rifondowe).
  - Coraedje, valet, coraedje, i betche ! Vola onze eures. Dji croe ki ns ratindrans pus waire. Ass apresté l’ panî ? — Henri Simon, Li bleû-bîhe, 1886, p.18 (fråze rifondowe).
3. (cronolodjeye) dispoy.
  - I lyi shonne k’ i voet ç’ vizaedje la pol tot prumî côp, mågré k’ el kinoxhe vola lontins. — Arthur Xhignesse, Boule-di-Gôme, 1912, p.20 (fråze rifondowe).

Ratourneures

Parintaedje

la (sbetchtaedje)

Mots d’ aplacaedje

Notule d’ uzaedje

Å contråve do francès, li prono si stitche å mitan di vola et nén divant. Si dit on vo m' la, vo t' la, vo l' la, vo nos la, vo vs la et vo les la.
Li walon n' inme nén do do dire Vos estoz … asteure. E l' plaece, i dirè puvite Vo vs la ritche, Vo nos la xhorés, Vo m' la flåwe.
Po mostrer on fijhaedje ki vént d' si passer et ki deure å prezint, on pout eployî vola et l' pårticipe erirece ou ene addjectivire. Loukîz, Vola l' sé ståré, Vo nos la xhorés, Vo les la al tere, Vo l' la divnowe grandiveuse. Ces deus dierins uzaedjes rapinsèt l' inglès has been avou The door has been open k' on pout ratourner pa Vola l' ouxh å lådje. On rtrouve cist uzaedje e francès d' Walonreye.^[1]

Sipårdaedje do mot

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

(valant « ci » dirî on prezintoe d’ mostraedje): WLmam

Ortografeyes

Après 1900, foû rfondou (Feller, Feller ricandjî, nén Feller) :

vola : E34
èv’la : O0, O2
volà : C8

E rfondou walon :

vola : R10 ^(lére)

Ratournaedjes

mostere li sudjet

Francès : voilà ^(fr)

dirî l’ sudjet mostré

Francès : là ^(fr)

ci

Francès : ci ^(fr)

Mot-fråze

vola

(eployî seu après ene fråze) sieve a rafoirci ene sacwè di måva k' on vént d' dire.
- Dabôrd, t’ a todi stou on pansåd et èn ingråt. Vola ! — Arthur Xhignesse, « Boule-di-Gôme », 1912, p.26 (fråze rifondowe).

↑ #* La branche se cassa et voilà notre homme à terre.— Contes et légendes de la Belgique des campagnes racontés aux enfants ... et aux grands qui les auraient oubliés, Le mort parlant, Éditions Jourdan le Clercq, 2005, p.81.

[1] #* La branche se cassa et voilà notre homme à terre.— Contes et légendes de la Belgique des campagnes racontés aux enfants ... et aux grands qui les auraient oubliés, Le mort parlant, Éditions Jourdan le Clercq, 2005, p.81.

[1]