vola

Walon (Rifondou)

Plinne cogne	Spotcheye cogne
vola	vla

Etimolodjeye

Aplacaedje di : « vo » + « la ».

Adviebe

vola (nén candjåve)

1. el tiesse di fråze, mostere li sudjet, môde d’ ene adrovire.
   • Vola l’ ome.
   • Vola mamjhele Agate al tere,
     Et par måleur, si bea ptit pî
     Esteut dmanou divins li strî. — Joseph Kinable, Les crostillons (1889), "L’agilité del baronne", p.15 (fråze rifondowe).
   • Loukîz, vola ene bele ocåzion  : rimetoz les caetches e for avou Ridant. — Henri Simon, « Janète » 1911, (eplaidaedje da Jean Haust di 1936), p.124 (fråze rifondowe).
2. (eployî seu) po rivni a çou k' on-z aveut cmincî.
   • BERNALMONT. […] Mins vola, wice e-st i ?
     BODSON. – Moirt, lieutnant, creyoz m’. — Joseph Mignolet, Al bèle fontinne, 1924, p.14 (fråze rifondowe).
3. metou dirî l’ sudjet mostré.
   • Merance, c’ est l’ comere vola, avou s’ blanke cote.
4. (dirî on prezintoe d’ mostraedje) ci.
   • Cisse tchapele vola a ddja stî basteye do tins des duks d’ Arenberg. — MaLe (sourdant a recråxhî).
5. (avou on prono et on pårticipe erirece) mostere on fijhaedje ki vént tot djusse d' ariver et ki deure divins l' tins.
   • Tén, vo-vs-la co raviké ? Vos rdjåzez co ? C’ est seur èn emacralaedje a hikete, savoz, ki Bebete vis årè tapé ! — Henri Simon, « Li Neûre Poye » 1889, (eplaidaedje da Jean Haust di 1936), p.83 (fråze rifondowe).
   • Ebén, puski vo-vs-la xhoré dispaitchîz vs do fé vost ovraedje et vo vs arindjroz avou Fonsine. — Louis Lagauche, Cåse d'on comichonaire, 1904, p.32 (fråze rifondowe).
   • Mins vo-l’-la divnowe ene gote hôtinne, ossu. — Arthur Xhignesse, Boule-di-Gôme, 1912, p.32 (fråze rifondowe).
   • Vos-vs-la divnowe pus rodje ki des petchales. Asteure, vos clintchîz l’ tiesse et vos n’ oizez m’ loukî ! — Joseph Mignolet, Al bèle fontinne, 1924, p.29 (fråze rifondowe).
   • Les bos del trintchêyes ont sketé; et vo-m'-la reteré, wai. — Louis Sohy (fråze rifondowe).
   • Lanawaire, ça s' endaléve eviè li stoelî; asteure, vo-les-la rtcheuts, mes reves, po mî m' dispåpyî. — Jean Guillaume (fråze rifondowe).
   • Les deus andjes s’ astampèt, et hop ! vo-les-la ndalêyes. — Marie-Claire Desmette.
   • Vo les la rarivés avou leus grands tchapeas
     Leus camizoles di linne, wai, sujhèt les tropeas. — Lucyin Mahin, ratournant Jacques Brel.
6. (cronolodjeye) (avou l' eure) sieve a mostrer l' eure.
   • Coraedje, valet, coraedje, i betche ! Vola onze eures. Dji croe ki ns ratindrans pus waire. Ass apresté l’ panî ?— Henri Simon, « Li bleû-bîhe » 1886, (eplaidaedje da Jean Haust e 1936), p.18 (fråze rifondowe).
7. (cronolodjeye) (avou l' eure) mostere l' eure.
   • Vola dijh eures sounêyes ;
     Si ti n' vous nén rintrer,
     Ti doimrès sol pavêye,
     Ca l' ouxh serè seré. — François Barillié, Li camarad′ dè l'joie, 1852, Li Feumm' dè l'sôlaie, p.49 (fråze rifondowe).
   • Vola on gros cwårt d' eure ki vs rawåde al tåve, ki fjhoz vs cial don ? — Joseph Mignolet, Li vôye qui monte, (1933), p.34 (fråze rifondowe).
8. (cronolodjeye) dispoy.
   • I lyi shonne k’ i voet ç’ vizaedje la pol tot prumî côp, mågré k’ el kinoxhe vola lontins. — Arthur Xhignesse, Boule-di-Gôme, 1912, p.20 (fråze rifondowe).
   • A ! Si ç' n' esteut nén mes deus feyes,
     Vola lontins ki dj' t' ouxhe cwité ; — Jean Dessard, D'ine cohe so l'aute, 1939, p.145, Di stoc èt d’ tèye ! Sinne dialoguêye anti-alcoolique (1927) (fråze rifondowe).
   • Dji m' vou plaire come vola lontins k' dji n' l' a pus fwait. — Joseph Mignolet, Li vôye qui monte, (1933), p.37 (fråze rifondowe).

Ratourneures

1. di vla
2. vo-m’-la prôpe
3. vo-vs-la-st apris

Parintaedje

• la (sbetchtaedje)

Mots d’ aplacaedje

• ki vla
• vola ki
• lavola

Sipårdaedje do mot

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

• (valant « ci » dirî on prezintoe d’ mostraedje): WLmam

Ortografeyes

Après 1900, foû rfondou (Feller, Feller ricandjî, nén Feller) :

• vola : E34
• èv’la : O0, O2
• volà : C8

E rfondou walon :

• vola : R10 ^(lére)

Ratournaedjes

mostere li sudjet

• Francès : voilà ^(fr)

dirî l’ sudjet mostré

• Francès : là ^(fr)

ci

• Francès : ci ^(fr)

Mot-fråze

vola

1. (eployî seu après ene fråze) sieve a rafoirci ene sacwè di måva k' on vént d' dire.
   • Dabôrd, t’ a todi stou on pansåd et èn ingråt. Vola ! — Arthur Xhignesse, « Boule-di-Gôme », 1912, p.26 (fråze rifondowe).