xhaxhler

Walon (Rifondou)

Etimolodjeye

Mot-brut «xhaxha» (brut d' riyaedje) avou l’ dobe cawete « -ler » des viebes.

Prononçaedje

• AFE :
  • diferins prononçaedjes : /ʃaʃ.le/ /ʃaʃ.lɛ/ /aʃ.le/ /aʃ.lɛ/ /haç.le/ /haχ.le/ /çaç.le/ /t͡ʃaç.le/ (36 prononçaedjes)
  • prononçaedje zero-cnoxheu : /ʃaʃ.le/  ^{aschoûtez lu}
• Ricepeures : xhaxh·ler

Viebe

Djin et tins	Codjowa
Cåzant Ind. pr. (dji, dj’)	xhaxhele
Atôtchî(s) Ind. pr. (vos, vs)	xhaxhlez
Cåzants Ind. pr. (nos, ns)	xhaxhlans
Rwaitants Ind. pr., nam. (i/il, ele/elle)	xhaxhelnut
Cåzant Ind. fut. (dji, dj’)	xhaxhelrè
Cåzant D.I.E. (dji, dj’)	xhaxhléve
Cåzant Suddj. pr. (ki dji, dj’)	xhaxhele
pårt. erirece (dj’ a, vos av)	xhaxhlé
Ôtes codjowaedjes	come shofler

xhaxhler (v. sins coplemint)

1. rire foirt.
   • I xhaxhlént tertos å pus foirt. — Motî Toussaint (fråze rifondowe).
   • Ele xhaxhele todi k' on l' etind dins tot l' vijhnåve. — Motî Gilliard (fråze rifondowe).
   • Il åreut falou k' nos xhaxhlénxhe po lyi fé plaijhi. — Motî Gilliard (fråze rifondowe).
   • Les deus ôtes ki, dji so seure, si tnént l' vinte po xhaxhler,
     Fjhît ôre côp so côp tos les deus leus xhaxhlådes. — Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).
   • Les låmes ki dj' råyrè foû d' leus ouys
     Åront l' agrès di m' fé xhaxhler. — Joseph Vrindts, « Pâhûles rîmês » (1897), "Li vile mam'selle", p.22 (fråze rifondowe).
   • C’ est l’ franc riya des djoûs d’ prétins,
     Cwand l’ sourdaedje s’ abohnêye
     Et k’ afeye, po s’ moker do vint,
     On gros tchinne clintche si scheuve et xhaxhlêye. — Jules Claskin, « Airs di flûte et autres poèmes wallons », édition critique de Maurice Piron, 1956, « Prima vera », p.95-96 (fråze rifondowe).
   • Ele rintere el cinse tot s’ evoyant ene båjhe å djonnea. Cwand ele est rintrêye, Pire endè va tot xhaxhlant come on pierdou. — Joseph Mignolet, « Li Vwè dè Clokî, 1926, p.15 (fråze rifondowe).
   • I m’ shonnéve bén, dê, mi ! responda l’ blanc bribeu.
     – Pacyince… nos î vénrans ! mamouya l’ neur.
     – Nén ouy, todi, fré ! xhaxhla l’ feme tot nd alant. — Arthur Xhignesse (fråze rifondowe).
   • On les oyeut xhaxhler disk' a d' l' ôte costé do viyaedje. — Båze di dnêyes di l’ Årdene nonnrece (fråze rifondowe).
   • Elle esteut télmint gaiye; cwand ele xhaxhléve, c' esteut xhaxhler.
2. (criyaedje di biesse) criyî, po ene agaesse.
   • Les |agaesses xhaxhlèt — Motî Toussaint (fråze rifondowe).
   • Et, tot xhaxhlant, li ribambele,
     Prinda si enondêye foû des clawsons. — Martin Lejeune, "Œuvres lyriques du poète Martin Lejeune" p. 103, "Çou k' ratchaftént les vîs pénssons" (fråze rifondowe).

Ratourneures

1. si xhaxhler roed moirt
   • Li prouve, c' est k' on repete tofer,
     Après s' aveur xhaxhlé roed moirt :
     Fåt k' on s' plaijhe ! — Jean Dessard, D'ine cohe so l'aute, 1939, p.112, Fåt qu’on s’ plaise (1922) (fråze rifondowe).

Parintaedje

• xhaxhlêye, xhaxha
• xhaxhleu, xhaxhlaedje; xhaxhla; xhaxhlåde
• rixhaxhler

Sinonimeye

djiper, sclafyî; Loukîz a : « rire a sketer ses botnires »

Ortografeyes

Divant 1900 :

• hahlé : E203 ^(lére)

Après 1900, foû rfondou (Feller, Feller ricandjî, nén Feller) :

• achelè : C1, C13
• hyahyeler : E200
• har’ler : JMign
• acheler : C106
• shashler : E165
• chach'ler : E1
• tchah'ler : E1, E170
• achler : C9
• chachler : S117
• hah'ler : E170
• chachelè : C1
• chacheler : C106

E rfondou walon :

• xhaxhler : R10 ^(lére), R13

Li mot n’ est nén dins : S109

Ratournaedjes

rire foirt Loukîz a : rire a s' disfåfiler l' botroûle

• Inglès : to burst out laughing ^(en)
• Espagnol : reirse a carcajadas ^(es)
• Francès : rire aux éclats ^(fr), rire bruyamment, rire à gorge déployée
• Neyerlandès : schaterlachen ^(nl)