åk

Èn årtike di Wiccionaire.
Potchî a: naiviaedje, cweri

Drapea walon Walon

Etimolodjeye et tcherpetaedje

Tayon-bodje latén «aliquid», (minme sinse), cité dins l' FEW 24 322a.

Prononçaedje

Nén definixhant prono

åk nén candjåve

  1. cayet k' on n' sait nén cwè, mins k' egzistêye.
    Ti vou dj' dire åk, poyete ? (L. Mahin).
    Ki vos rwaitîxhe li walon pal cawe u pal tiesse, i gn a åk k' i fåt bén admete: il a ddja stî mî k' ådjourdu, edon ? (L. Hendschel).
    C' est cwand dj' a stî evoye dins-n on payis å lon et ki dj' a veyou k' on-z î cåzéve des diyalekes ki dji m' a dit: i m' shonne k' amon nozôtes, gn a åk insi ossu (J.F. Brackman).
    Por mi, dji veyeu tolminme åk di drole dins on parey råjhonmint (J.P. Hiernaux).
  2. do bén, des ritchesses.
    Li ci k' a åk ni s' endè vante nén (G. Lucy).
Ratourneures
  1. nén tant åk, nén bråmint åk
    1. nén grand-tchoi. Dji n' a nén dandjî d' tant åk, ô, signeur: dinez mu djusse a magnî troes côps par djoû ! (L. Mahin). F. pas grand chose.
    2. nén bråmint des djins. Gn aveut nén tant åk ki ça al fôre a Bastogne. F. pas grand-monde.
  2. >> èn nén dire tant åk ki ça : èn nén trop riclamer. Lacobén ki nosse prôpietaire ni dit nén tant åk ki ça, mågré ki nos n' avans nén co bagué.
  3. >> C' est åk (po ça) !; u: >> La åk, la ! :
    1. c' est ene sacwè d' clapant. C' est åk, saiss, d' awè l' internete a s' måjhon. Fr. "c'est extraordinaire, fantastique, génial".
  4. c' est pår l' ahike, c' est sbarant. C' est åk po ça, saiss, avou les djonnes d' enute: i t' vont ddja coûtchî eshonne ki ça n' a nén co 16 ans. La åk, la: i s' vont seulmint maryî, et k' ele ratind po dabôrd. Fr. "C'est vraiment un problème, c'est terrible, c'est affolant, c'est fou, c'est dingue".
  5. >> waitî d' fé åk : sayî d' adjinçner ene sacwè, èn ocupaedje.
    I fåt waitî d' fé åk e walon el fôre a Libråmont. F. "organiser une activité, prendre une initiative".
  6. >> åk inla : ene sacwè come ça. I s' loméve Kujinski, u åk inla. F. "quelque chose d'approchant".
  7. >> Ci n' est nén åk por ti : cisse kimere la est bråmint trop bele por ti.
  8. >> cwand il a åk el tiesse, i n' l' a nén ôte pårt; u: >> cwand il a åk el tiesse, i n' l' a nén ås fesses; u: >> cwand il a åk el tiesse, i n' l' a nén å cou :I n' roveye måy si idêye. F. "têtu, opiniâtre".
  9. >> C' est åk et rén :
    1. ça n' a waire d' impôrtance, gn a rén avou ça (tot cåzant d' èn etrevén). F. C'est sans importance.
    2. ça n' a waire di valeur (tot cåzant d' on cayet).
  10. >> Il a co vlou fé åk et rén : il a fwait del laide ovraedje.
  11. >> Cwè çki c' est d' ça po åk ? :
    1. Cwè çki c' est di ç' drole di cayet la ? Fr. "Qu'est-ce encore cette bizarrerie ?".
    2. K' av' co fwait la d' tot foû-scwere ! Fr. "Qu'avez-vous encore fait comme bêtise !".
  12. >> Il a åk aviè lu : Il a do bén, des ritchesses di spårgnêyes po si e cas.
  13. >> on pô åk : ene miete di rindaedje, tot cåzant d' on cultivaedje, evnd. I gn aveut on pô åk dins vos rcenes e cortiaedje ?
  14. >> bråmint åk : tot plin. Gn aveut bråmint åk a fote evoye, saiss, dins les pwès.
  15. >> c' est ddja åk : c' est mî k' rén; c' est on ptit advintaedje k' on n' s' î atindeut nén; c' est l' prumire ascoxheye. Fr. "C'est un premier pas, un premier acquis, une première étape".
  16. c' est ddja mo åk : c' est ddja bråmint. Sicrire po lu-minme, c' est ddja mo åk (P.J. Dosimont). Kan on z'è la santé, c'è dja mou yôk (Motî d' Bive). Fr. "C'est déjà pas mal".
  17. >> Kî çki m' vout dner åk; i voerè åk di bea : rima des efants po discandjî ene sacwè.
  18. >> åk di lu-minme : ene sacwè ki vos av' et k' les ôtes n' ont nén. Li pus ptit viyaedje tént a s' walon, åk di lu-mime, on l' pout bén dire (P.J. Dosimont). Fr. "un caractère identitaire, une identité, une richesse".
  19. >> C' est todi åk di drole : c' est a n' nén croere. Aben !, c' est todi åk di drole, di dju, come i s' rishonnèt (Y. Gourdin).
  20. >> gn a nén tant åk di bon : gn a waire di djins comifåt. A Bouyon, i gn a nén tant åk di bon; pu, fåt dire ki c' est on Francès k' a touwé cist ome la. Fr. "guère de gens valables, honnêtes".
  21. >> To n' direus bén åk : Ça a l' air ene sacwè d' valeur, mins c' est rén. Fr. "C'est de la pacotille".
  22. >> tot åk di rén : totès sôres di biestreyes.
    On passéve si tins a tot åk di rén (ramexhné pa L. Mahin).
  23. >> awè åk : esse malåde.
Mots d' aplacaedje

åk di

Dischindance

Sorlon Louis Remacle, li cawete -k dins onk, nouk, on pôk vénreut do coron di « åk ».

Yauk.jpg
Sinonimeye
Sipårdaedje do mot e 20inme sieke

Basse Årdene & Payis d' Fumwè

Ortografeyes

Si vos irîz rnaxhî dins des ôtes motîs, et trover l' mot "åk", riherez ciddé li scrijha do mot ki vos î avoz trové, et l' rahouca do motî el djivêye.

Mins l' mot n' est nén todi dins : C8, S40, S104

Ratournaedjes