onk

Walon

• 

  Etiketes avou li spot « tertos po onk, onk po tertos »

Etimolodjeye

Bodje on, avou l’ cawete « -k ».

Prononçaedje

• AFE :
  • diferins prononçaedjes : /ɔ̃k/ /uk/ /ɛk/ /ɔk/ /jɛ̃k/ /ɛ̃k/ /jɛ̃/ /jœ̃/ (36 prononçaedjes)
  • prononçaedje zero-cnoxheu : /ɔ̃k/
• Ricepeures : nén rcepåve

Nombe

onk n.

1. chife, inte zero et deus, mostré på sene « 1 » dins l’ sistinme des chifes arabes.
2. nombe come ostant k’ i gn a d’ ponts inte les åtchetes ki shuvèt (•).
   • Fijhoz les minmes movmints k’ mi : onk, deus, troes, cwate ; onk, deus, troes, cwate.
   • Sicrijhoz deus « onk » onk dirî l’ ôte : ça fwait onze.

Waitîz eto

Lére l’ årtike chife so Wikipedia.

Prono-nombe

omrin	femrin
onk	ene
/ɔ̃k/	/ɛn/

onk o.

1. nombe di djins, di sacwès mostré pa ç’ chife la.
   • Gn aveut k’ onk di valåbe dins tote li binde.
   • I nd a pus k’ onk. — Motî del Lovire.
   • Dj’ a-st abatou tos les åbes, gn è dmeure pus k’ onk, vaila, al coine do bwès.
   • Prindoz è tchaeconk ene. — Motî d’ Bastogne.
2. ene metowe djin, ene metowe sacwè, eneviè ene ôte.
   • Onk fijheut ene sacwè, et l’ ôte fijheut ôte tchoi.
   • I n’ evont måy onk sins l’ ôte.
   • I n’ a-st avou ni ene ni l’ ôte.

Sustantif

singulî	pluriyal
onk	onks

onk o.

1. imådje, cayet avou ç’ chife la.
   • Dj’ a saetchî on onk.
   • Gn aveut deus onks ki s’ shuvént.

Ratourneures

1. limero onk di grande cwålité : c’ est ene biesse di limero onk. On dit eto : al leccion, ene prumire biesse.
2. end a pus nén onk, u i gn a pus nén onk : end a pupont.
3. a l’ après d’ onk, u a onk près : tertos, såf onk.
   • Tos les minisses ki s’ ont metou so les lisses dins les ptits viyaedjes ont stî, a onk près, tertos buzés. — A. Schmitz.
4. onk c’ est l’ ôte
5. onk di zels : onk dins ene binde di djins k’ on-z è cåze.
6. tertos po onk, onk po tertos : divize po s’ rashonner e-n on peupe, ene binde.
7. mete (les betråles) a ene : les distrocler.

Mots d’ aplacaedje

• vint-ey-onk, trinte-ey-onk, evnd

Mots vijhéns

• prumî, prumirmint
• unike, unicmint, union, unité
• mierseu, tot seu

Omofoneye

• onke (mononke)
• ongue (des doets)

Ortografeyes

Divant 1900 :

• onk : E203

Sicrijhas do 20e sieke (Feller, Feller ricandjî, nén Feller) :

• onk : E1, C1, S0
• ink : S117
• yin : O0
• ouk : S0
• yink : S117, O0
• yun : O3

E rfondou walon :

• onk : R10 ^(lére), R13

Ratournaedjes

onk

• Kimon amazir marokin : (Sousse) yan
• Arabe : wâHid = واحد ^(ar)
• Arabe marokin : wa7ed = واحد
• Almand : eins ^(de)
• Inglès : one ^(en), onk, c’ est l’ ôte : it does not matter.
• Espagnol : uno ^(es)
• Francès : un ^(t+); (metowe djin, eneviè ene ôte) l’un; onk di zels : l’un d’entre eux ; i nd a pus nén onk : il n’y en a plus aucun.
• Itålyin : uno ^(it)
• Neyerlandès : één ^(nl)
• Sicilyin : unu ^(scn)

Nén definixhant prono

omrin	femrin
onk	ene
/ɔ̃k/	/ɛn/

onk o.

1. èn ome, k’ on n’ sait kî å djusse.
   • Dj’ a veyou onk ki passéve. — Sintake do walon del Gléjhe.
   • Vo-z è la onk ki dji cnoxhe. — Motî d’ Bastogne.

Ratourneures

1. onk di Lidje on dmanant d’ Lidje.
2. Il est todi onk dins ses pîs : il est todi dins les pîs da onk u l’ ôte.
3. onk et l’ ôte : sacwants djins.
   • Il ont stî vey onk et l’ ôte.
4. d’ onk a l’ ôte, u onk l’ ôte : mostere li rindaedje (d’ on siervice, evnd) do deujhinme å prumî. On dit eto : n’ onk l’ ôte.
   • I n’ fåt nén dire do må d’ onk l’ ôte. — Motî del Lovire.

Mots d’ aplacaedje

• tchaeconk
• kéconk
• nén onk

Sinonimeye

• kéconk, ene sakî
• on (dins «n’ on l’ ôte»).

Ratournaedjes

onk

• Arabe marokin : شي وحد = chi we7ed
• Inglès : somebody ^(fr), someone ^(fr)
• Francès : quelqu’un ^(fr), une personne; onk di (Lidje) : un habitant, un résident; onk di zels : l’un d’entre eux
• Neyerlandès : iemand ^(fr)

Prono d’ djin

omrin	femrin
onk	ene
/ɔ̃k/	/ɛn/

onk o.

1. mi (po cåzer d’ lu sins aveur l’ air di s’ vanter, di dire ene måhonteuse sacwè).
   • I n’ tént k’ a onk d’ î aler vey. — Sintake do walon del Gléjhe.
   • Onk vos pôreut responde ki ça n’ vos rwaite nén.

Sinonimeye

• ene sakî, mi, mi ome

Ratournaedjes

onk

• Arabe marokin : انى = ana
• Inglès : I ^(en)
• Francès : moi ^(fr), votre serviteur ^(fr), quelqu’un que je connais très bien
• Neyerlandès : ik ^(nl)

Walon (vîs sistinmes)

Etimolodjeye

Loukîz a : ongue.

Sustantif

Sorlon E89, E177 et E203

singulî	pluriyal
onk

onk f. (singulî et pluriyal)

1. ongue(s)
   • Dè tro lonkè-z-onk. — Motî Forir.
     • Des trop longuès ongues.
   • Räî n’onk. — Motî Forir.
     • Råyî ene ongue.

Parintaedje

• onklé, onklaie

Ortografeyes

Divant 1900 :

• ok : E177 (1843)
• onk : E89 (dins « rubi sot l’onk ») ^(lére), E177 (1843), E203

Li mot n’ est nén dins : E177 (1823)