Sujet sur Uzeu copene:Reptilien.19831209BE1/Flow

Dins on vî berdelaedje @Lucyin djha: « "culturir" (sol piceure do lidjwès oficiél => rifondou "oficir") n' a nén passé. => culturel. »

Åd fwait di ç' mot la, "oficir" (come addjectif), c' est on forcoridjaedje, avou acmaxhaedje do mot "oficî" (sustantif). Motoit bén fwait pa ene djin ki s' prumî lingaedje eploye li minme cogne po les deus (come e castiyan, "oficial" ossu bén pol mwaisse sôdård ki po ene sacwè defineye pa decret: un oficial lo dijo de manera oficial : èn oficî l' dijha d' ene oficire manire)

Li cogne "oficir(e)" a bén passé, eyet eployeye pås rfondeus (et minme come cogne di referince); mins po l' etimolodjeye ça sereut purade "forcoridjaedje".

Iva, dji mi dmandéve pocwè vos m' dijhîz çoula, mins dj' a rtrové l' vî berdelaedje eyet l' candjmint ki va avou. Dji rtén ki dj' pou-st eployî oficir come addj. et n' nén m' ebayî del nén trover ezès motîs. Gråces po l' esplicaedje, faureut-st amidrer l' årtike.

C' esteut purade po Lucyin, mins come si pådje di berdelaedje est co al viye môde... :-)

Pus serieuzmint, dj' î a tuzé ene miete di pus, li forcoridjaedje pôreut esse (surmint) eto cåze do modele fr: "ciel" / wa: "cir". On ridaedje xhuflante-moyeye-e-likide eviè xhuflante-longou_i-r n' est nén sbarant.

Mins po "culturel" c' est nén ttafwait l' minme shûte di sons.

Dji vén di rwaitî dins les mots del coridjrece et do DTW, et trover:

• po les mots finixhant avou /-yel/ : årtificiel, essinciel, industriyel, nouriciel, årumiel (sust.), "miel" (mins veyou come francijhaedje po "låme"), coinrece di cir, coinreces di pluriyal (ki, la eto, ça shonne esse on forcoridjaedje), coinreces di oficir.
• po les mots finixhant avou /-sîr/ : cir, oficir, des noûmots siervicire et adjondrecire, viebes ashir et shir; et, pus interessant, kékes addjectifs: sir, måssir (doblete di måssî), brouxhire, gåtchir, tchir

Li forcoridjaedje di oficir pôreut eto aveur ene influwince di ces addjectifs la.