Dins da on dene po "da" ene etimolodjeye gayele (mot ki vout dire "oyi").
Et dins l' boket prononçaedje, a costé di /da/, on mete eto /dɛː/
Mins est ç' vormint l' minme mot a rfonde e-n onk ?
Dins ç' berdelaedje ci,
vos srîz po fé deus mots, "da" et "dai" (ki dji pinséve k' il aveut stî rfondou "dê"; mins dji vén d' mi rinde conte ki "dês" c' est èn ôte mot...)
Adon, troes intrêyes a pårt ?
oyi, c' est çou k' dj' a dins l' tiesse dispu don. C' est des si ptits mots ki c' est målåjhey di vey l' etimolodjeye å djusse. Mins dj' a pinsé lanawaire: "dê", c' est motoit douwê (dowê) ki pôreut vni di "don, hê"; ça a l' minme sounaedje (les Lidjwès rispotchèt todi pus les mots come tcherpetî / tcheptî; tcherbinêye => hèmnêye). Pol sinse, "dowê" est pus dmandrece (= endon?); "dê" est pus rafoircixhant (= saiss, taiss !). Li betchfessî "ai" n' est sovint eployî ki po des mots k' endalèt disk' å Coûtchant walon, po n' nén awè deus ou troes biessès diferinces d' ortografeye (mêsse / mésse; fêt / fét / fwèt). Cial, c' est on mot djusse lidjwès = waire d' astoca pol betchfessî ai.
Adon, dj' atåvele, po-z abate deus djaeyes d' on côp d' warlokea, di rfonde eshonne: hê (disfondowe namurwesse "ê"); dê (disfondowe lidjwesse dê, vî rfondaedje dai), dowê (disfondowe bassårdinrece "douwê" S17)
warlokea u warokea : abate deus djaeyes d’ on côp d’ warokea ?
