dringuele

Walon (Rifondou)

Etimolodjeye

Calcaedje do neyerlandès « drinkgeld » u calcaedje di l’ almand « trinkgeld » (cwårs po boere), mot cité dins l’ FEW 17 363b.

Prononçaedje

• AFE :
  • diferins prononçaedjes : /dʀɛ̃ː.ˈɡɛl/ /dʀẽː.ˈɡɛl/ /dʀɛ̃ː.ˈɡɛj/ /dʀɛ̃ː.ˈɡej/
  • prononçaedje zero-cnoxheu : /dʀɛ̃ː.ˈɡɛl/

Sustantif

singulî	pluriyal
dringuele	dringueles

dringuele omrin

1. cwårs…
   1. …k' on dene a èn efant po ses ptits plaijhis, a on ptit ovrî, po on ptit siervice, ådzeu di s' paymint (et ki fwaiynut bén plaijhi).

      Dj' årè m' dringuele dimegne — Motî del Lovire (fråze rifondowe).

      I vont dner ene boune dringuele ås ovrîs — D.T.W.

      • Vola vint moes k' e l' måjhon,
        Tot nosse manaedje edeure,
        Disc' a nosse siervante Djenton,
        K' endè poite ene infleure,
        Vola les dringueles,
        Ki dnèt-st ås båsheles. I fåt-st aveur li diåle e cou,
        Po s' amuzer avou. — Jacques-Joseph Velez, "Sav' bin çou qu' c' èst qu'on Prussien ?" (1817) (fråze rifondowe).
      • C’ est l’ wastea, veyoz vs, k’ il apoite,
        Et l’ ome n’ a ki l’ tins di sondjî
        Al dringuele k’ on e-st oblidjî
        Di lyi dner tot rçuvant l’ rawete. — Joseph Vrindts, « Pâhûles rîmês » (1897), «Li brute dè jou des royes», p.115 (fråze rifondowe).
      • Et come nos savans bén
        K' i n' voet k' l' aiwe et l' hacsele,
        Li djoû d' paye on s' etind
        Po lyi passer ene dringuele. — Jean Dessard, D'ine cohe so l'aute, 1939, p.109, Lès tchèrons d’ mon Dètrîhe (1905) (fråze rifondowe).
   2. (pus stroetmint) … k' on mete di costé.
2. (pa stindaedje do sinse) dierin efant d' ene grosse famile, dierin djonne d' ene nikêye.
3. (tot cåzant å rvier)
   1. schite d' oujhea, stron.

      Dji n' a avou l' efant k' ene munute so m' schô et s' m'a-t i leyî l' dringuele — Motî d’ Vervî (fråze rifondowe).

      • Des linreas dismelant l’ rapiguele
        Li grosse saedje-dame, k’ ode li dringuele
        Kimince a vanter l’ djonne gurzea— Martin Lejeune, “ Œuvres lyriques du poète Martin Lejeune” p.129, « C’èst-on valèt !» (fråze rifondowe).
   2. volêye di côps.

      Vos åroz vosse dringuele cwand vosse pere rivénrè — Motî d’ Vervî (fråze rifondowe).

Ratourneures

1. il a yeu ça po ene dringuele il a atchté çoula po waire di çanses.
2. bouter po ene dringuele ovrer po on tot ptit paymint.

Sinonimeye

• (cwårs k' on-z a ådzeu di s' paymint) : rawete
• (cwårs k' on mete di costé) : Loukîz a : « spågne »
• (dierin efant d' ene grosse famile) : Loukîz a : « racoulot »

Ortografeyes

Divant 1900 :

• dringuel : E89 ^(lére)
• drinhel : E203 ^(lére)

Après 1900, foû rfondou (Feller, Feller ricandjî, nén Feller) :

• drîguèye : O4
• drénguèle : C106
• dringuèye : O3
• dringuèle : C1, C1, C9, C13, E1, E21, G217
• dréguèle : E1, E34

E rfondou walon :

• dringuele : R10 ^(lére), R11 ^(lére), R13

Ôtès ortografeyes (avou des sourdants nén rkinoxhous) :

• drinhèle : JJV

Li mot n’ est nén dins : O0

Ratournaedjes

cwårs k' on dene po on ptit siervice

• Arabe : bakhchîch =‎ بخشيش ^(ar) = بَخْشيش ^(ar)
• Almand : trinkgeld ^(de)
• Francès : pourboire ^(fr), gratification ^(fr), supplément ^(fr), argent de poche ^(fr), surpaye ^(fr)
• Neyerlandès : drinkgeld ^(nl)

cwårs k' on mete di costé

Loukîz a : spågne

dierin efant d' ene grosse famile

Loukîz a : racoulot