flûte

Walon (Rifondou)

• 
  Flûte ås cénk trôs.

Etimolodjeye

Calcaedje do francès « flûte » (minme sinse), lu-minme di l' occitan «_flaut_».

Prononçaedje

• AFE :
  • diferins prononçaedjes : /flyːt/ /flyt/
  • prononçaedje zero-cnoxheu : /flyːt/
• Ricepeures : nén rcepåve

Sustantif

singulî	pluriyal
flûte	flûtes

flûte femrin

1. (muzike) instrumint d' muzike fwait d' on long buzea avou des trôs, k' on shofele divins.
   • C' est l' moumint d' sôrti les garlots, xhiletes, tabourins, flûtes a l' agnon, et ls orandjes pol mascaråde. — Michel Piette (fråze rifondowe).
   • I djouwéve si bén del flûte po rahoukî les biesses ki t' åreus dit k' elle esteut emacralêye. — Anatole Marchal (fråze rifondowe).
   • Djouwer del flûte, ké bea mestî. — Bob Dechamps (fråze rifondowe).
   • Ås concêrts dès grands bwès chaque oûhê fait s' pårtêye.
     Djusqu' å pus p'tit rôyetê, tot l' monde såye ses tchansons.
     Sol timps quu l' pauve coucou brait deûs notes sins façon
     Lu måvi djowe dèl flûte èt l' djône tchèrdin tchafetêye. — Martin Lejeune, 1895.
   • E çoula vs aroufele e vizaedje, d’ on côp d’ vint,
     Avou ene tchawreye di femes, di flûtes et d’ clårinetes. — Jules Claskin, « Airs di flûte et autres poèmes wallons », édition critique de Maurice Piron, 1956, « Li maisse dèl djowe », 1924, p.52-53 (fråze rifondowe).
2. (pa stindaedje do sinse)
   1. grand hôt vere al gote; long vere å pî.
      • Ene flûte å tchampagne. — Motî d’ Bastogne (fråze rifondowe).
   2. longowe botaye di vén.
      • Nos avans vudî ene flûte eshonne. — Motî Toussaint (fråze rifondowe).
3. (mot d’ efant) vé (d' on ptit gamén).
   • Catchîz vosse flûte. — Motî d’ Bastogne (fråze rifondowe).

Ratourneures

1. çou ki vént al flûte endè rva å tabeur
2. set et ût, i djowéve del flûte : rima avou les chifes.
3. djouweu d' flûte : (imådjreçmint) onk ki n' sait rén fé.
   • T' est on djouweu d' flûte. — Motî Toussaint (fråze rifondowe).
4. a betch di flûte
   • D' on costé, on-z astoke les rondins a èn åbe, et d' l' ôte des costés, on plante on piket sotnou pa on poûssåd, k' on-z a efyî e betch di flûte. — Motlî d’ Tchonveye (fråze rifondowe).

Parintaedje

• flûtisse
• flûter, flûteu, flûtåd, flûtaedje
• riflûter
• flûtea (E200)
• flûtindje

(minme sourdant etimolodjike)

• flute !

Mots d’ aplacaedje

• flûte a l' agnon
• pitite flûte
• flûte di triviè
• flûte indyinne

Sinonimeye

• (instrumint d' muzike)

Mots vijhéns

xhuflet

Rilomêye do mot

Li mot dins on tite di live, di gazete, di soce, di marke

• Li flûte andoûleuse : operå da Mozart
• Airs di flûte et autres poèmes : ramexhnêye d' arimés da Jules Claskin
• "El pitite flûte" : tchanson da ? (voltî tchantêye pa Bob Dechamp)

Ortografeyes

Après 1900, foû rfondou (Feller, Feller ricandjî, nén Feller) :

• flute : O3
• flûte : E1, E200, C1, C65, S0, S117

Ratournaedjes

instrumint d' muzike

• Arabe : ناي ^(ar) =‎ nây
• Arabe marokin : غيّاتة ^(ary) =‎ gheyyata (alårdjeye å coron); ڭصبة ^(ary) = ڭصْبة =‎ geçba (pus ptit)
• Almand : Flöte ^(de)
• Inglès : flute ^(en)
• Espagnol : flauta ^(es)
• Francès : flûte ^(fr), flute ^(fr), pipeau ^(fr), flutiau ^(fr) (pus ptit)
• Neyerlandès : fluit ^(nl)

Waitîz eto

Lijhoz l’ årtike flûte so Wikipedia

Codjowas

flûte

1. indicatif prezintrece, prumire et troejhinme djins do singulî, do viebe « flûter ».
2. suddjonctif prezintrece, prumire et troejhinme djins do singulî, do viebe « flûter ».
3. kimandeu prezintrece, deujhinme djin do singulî, fôme camaerådrece, do viebe « flûter ».
   • Dins les tchansons, çk' on pout dire di biestreyes ! On vos ndè flûte cåzu a tchaeke coplet. — François Loriaux (fråze rifondowe).
   • I flûte bråmint. — Motî d’ Bastogne (fråze rifondowe).

Francès

Dobès rfondowes

flûte

flute

Prononçaedje

• AFE : /flyt/
• Ricepeures : nén rcepåve

Sustantif

singulî	pluriyal
flûte	flûtes

flûte femrin

1. (muzike) flûte (mot scrît eyet prononcî e francès come e walon)

Mot-fråze

flûte (nén candjåve)

1. flute.