xhuflet

Walon (Rifondou)

Etimolodjeye

Svierba do viebe « xhufler » avou l’ cawete « -et ». Li disfondowe di xhuflet est l’ minme ki l’ disfondowe di shoflet dins tote li Bassårdene (Bastogne, Bive), et dins on grand boket do Coûtchant walon (Cerfontinne, Payis d’ Tchålerwè).

Prononçaedje

• AFE :
  • diferins prononçaedjes : /ʃy.flɛ/ /ʃu.flɛ/ /hy.flɛ/
  • prononçaedje zero-cnoxheu : /ʃy.flɛ/
• Ricepeures : xhuf·let

Sustantif

singulî	pluriyal
xhuflet	xhuflets

xhuflet omrin

1. usteye ki les djindåres, les årbites, les mwaisse-ovrîs, evnd xhuflèt dvins po cmander.
2. pitit instrumint d’ muzike a ene u sacwantès notes, fwait avou do frågne, del så, do havurna, des rozeas.
   • Si onk vout aveur po des penes,
     L' ôte vout aveur po des cruskenes,
     Po on tabeur, po on xhuflet,
     Po on ptit campinair di bwès — Pasquille sur le mariage, ~1660; dvins "10 pièces de vers sur les femmes et le mariage",Jean Haust, 1941 (fråze rifondowe).
3. fôme d’ ene sacwè k’ est côpêye come on xhuflet rustike.
4. (oujhea) tchant d' èn oujhea.
   • N’ oyéz-v' nin l’ huflèt dè måvi?…
     I sone l’ eûre ad’lé vosse finièsse,
     Et l’ favète lait heûre è corti
     Dès rîmês d’ ôr, qui fèt fruzi
     Fî parèye qu’ ine tinrûle carèsse…
     — Joseph Mignolet.
   • Djel avowe sins beacôp d' façons :
     Po dire l' amour ki m' broûle e l' åme
     Mi ptit xhuflet n' a k' ene tchanson— Martin Lejeune, Bultén del Societé d' Lidje, "Eco todis", tome 34, p. 131 (fråze rifondowe).
5. (pa stindaedje do sinse) gozî.
6. (plaijhanmint) seke do ptit gamén.
7. air ki passe pa on ptit trô et fé on xhuflaedje.

• 
  (Sinse 1) Deus xhuflets.
• 
  (Sinse 2) On xhuflet.
• 
  (Sinse 3) On xhuflet (e hôt) et on tchanfrin (e bas).

Ratourneures

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

usteye k’ on xhufele divins po cmander

• novea mwaisse, novea xhuflet : On novea mwaisse ni fwait måy come li ci k’ esteut dvant lu.
• roter å xhuflet

pitit instrumint d’ muzike

• ... I n’ a pus k’ on ptit xhuflet Po xhufler o cou da Tchantchès : fén d’ on rima d’ efant, a môde di hopleuse, wice k’ on rtoûne l’ efant, eyet lyi shofler so s’ dirî.
• Bate et bate al Sint Linåd; Cawe di vî vexhåd, Cwand vosse vatche årè velé, Vs åroz do boure et do stofè; Hê, xhuflets, vinoz ! : rime-rame des efants ki batént les coxhes di havurna po fé des xhuflets (ramexhné pa J. Thiry).
• vochal mi trô di m’ cou por vos fé on xhuflet : Dji m’ fote di vos.

fôme d’ ene sacwè k’ est côpêye come on xhuflet rustike

• e xhuflet : di bihair. Cisse få la n’ est nén bén rawijheye: ele prind l’ grin e xhuflet. F. en biseau.
• côper e xhuflet : côper d’ bihair.

gozî

• côper l’ xhuflet : a) côper l’ parole. b) sigoziyî (côper l’ goidje). rl a: buzea.

Parintaedje

• xhuflete

Sinonimeye

• xhuflot

Mots vijhéns

fôme d’ ene sacwè k’ est côpêye come on xhuflet rustike

• bijhea
• taeyant
• ponte
• xhuflete
• xhuflot
• cherbea

Ortografeyes

Divant 1900 :

• xhiflat : E212 ^(lére)

Après 1900, foû rfondou (Feller, Feller ricandjî, nén Feller) :

• chouflè : C8
• chuflèt : C1, C13
• huflèt : E1

E rfondou walon :

• xhuflet : R9 ^(lére), R10 ^(lére)

Ratournaedjes

usteye k’ on xhufele divins po cmander

• Francès : sifflet ^(fr)

pitit instrumint d’ muzike

• Francès : flûte ^(fr) rustique, pipeau ^(fr), flageolet ^(fr)

fôme d’ ene sacwè k’ est côpêye come on xhuflet rustike

• Francès : biseau ^(fr)

air ki passe pa on ptit trô et fé on xhuflaedje

• Francès : vent coulis ^(fr)