grigneus

Walon (Rifondou)

Etimolodjeye

Bodje « grign- » ‎(« grognî »), avou l’ cawete « -eus ».

Prononçaedje

AFE :
- prononçaedje zero-cnoxheu : /ɡʀi.ɲøː/ (minme prononçaedje pattavå)
Ricepeures : gri·gneus

Addjectif

	singulî	pluriyal
omrin	grigneus
femrin padrî	grigneuse	grigneuses
femrin padvant	grigneuse	grigneusès

grigneus omrin (come addjectif djondrece, metou padvant u padrî l’ no)

ki rouscaye tofer et so ttafwait.
- End a ossu, des cis ki, grigneus, cagnaesses, haeyåves wådront todi ene sacwè d’ gros et pezant so leu cour. — François Nyns (fråze rifondowe).
- « L' ôr ni fwait nén todi l' bouneur »
  Tot fjhant ki l' boune aweure et l' påye,
  Rindèt l' pus grigneus d' boune oumeur. — Louis Lagauche, Tchansons tchusèyes, (1908-1912), «L'istwére dè vî molin» p.85-86 (fråze rifondowe).
- Mins Fefeye est tote drole, si grigneuse ki ç’ n’ est nén do dire. — Arthur Xhignesse, « Boule-di-Gôme », 1912, p.10 (fråze rifondowe).
- Les eures k’ on doime al vude sont foû longues et cpiçantes : l’ edoirmou potince ki n’ si rmowe nén pus k’ on lumçon dvins del sirôpe, n’ est co måy di bone oumeur; si stinde et fé des båyes tote ene djournêye vis rind grigneus — Joseph Vrindts, Tot tûsant (1924), Li chômeûr, p.294 (fråze rifondowe).
ki fwait tuzer a des poenneuses sacwès, plin d’ måleur.
- A ! Dji t’ mådixh, grigneuse viyesse !— Joseph Vrindts, ”Vîx Lîge” (1901), p.41, “Tot passe” (fråze rifondowe).
- C’ est totes ces grigneusès barbôjes la ki lyi ont corou e s’ tiesse tote li swerêye. — Chantal Denis (fråze rifondowe).
- Les grigneus djoûs k’ c’ est ça, cwand li ptit boket d’ bouneur ki t’ cours après ni s’ leye måy apicî. — Lucien Somme (fråze rifondowe).
- Dins les grigneusès eures, Po rabeazi nos mizerreyes, Les fleurs, c’ est l’ deujhinme solea d’ nosse vicåreye. — Josée Mathot (fråze rifondowe).
- Djan, djan, n' åyîz pus di ces grigneuzès idêyes puski nos alans mete del benoete aiwe avou nosse vén— Dieudonné Salme, "Guiyåme li bracneu", 1903, p.8 (fråze rifondowe).
(mot d’ meteyo) ki vout amoenner del plouve, tot djåzant do tins.
- Nosse tins est bén grigneus enute.
- Grigneus vénrdi, lapoté semdi, bea dimegne.

Ratourneures

laid vénrdi, lapoté semdi, bea dimegne / grigneus vénrdi, lapoté semdi, bea dimegne

Sinonimeye

(ki grogne tofer) : caegnaesse (cagnèsse), zwat, haeyåve
(ki s’ måvele po on rén) : subitin, vireus, viteus, wivreus; nén aduzåve, ki n’ a waire di cur, ki monte rade a sminces
(ki fwait tuzer a des peneusès sacwès) : noer
(tins) : mawe

Ortografeyes

Après 1900, foû rfondou (Feller, Feller ricandjî, nén Feller) :

E rfondou walon :

grigneus : R13

Ratournaedjes

ki marone toltins

Francès : grincheux ^(fr)

ki fwait tuzer a des peneusès sacwès

Francès : maussade ^(fr), funeste ^(fr)

ki saetche al plouve, tot djåzant do tins

Francès : maussade ^(fr), gris ^(fr)

Sustantif

	singulî	pluriyal
omrin	grigneus
femrin	grigneuse	grigneuses

grigneus omrin

onk ki rouscaye toltins.
- Les grigneus djhèt k' po drovi l' ouxh d' leu cour,
  I fåt ene clé d' ôr. — Martin Lejeune, "Œuvres lyriques du poète Martin Lejeune" p. 111, "Ås vîs djônês" (fråze rifondowe).
- Ni dbitez måy ene seule di mes paskeyes
  Divant l’ grigneus ki n’ comprind nén l’ råjhon ;
  Mins s’ ele divèt rigueder ene assimblêye,
  Rdijhoz sovint totes mes ptitès tchansons ! — Louis Lagauche, Tchansons tchusèyes, (1908-1912), «Mes p’titès tchansons» p.102 (fråze rifondowe).
- Les caisresses voeynut passer des soriyants, des grigneus, des pressès, des båyåds, des mouweas, des begyåds, des moléns ås paroles, des spepieus, des djan-fote des målureus et mwints côps… on conteu d’ fåves. — Charles Massaux (fråze rifondowe).
- Les grigneus
  Elzès fåt kekyî
  Po fé rscheure leus tourmints. — Émile Hesbois (fråze rifondowe).
- Mi soçon, n' alez nén dire ki c' est m' vijhén, don, Signeur! On vî grigneus ki fwait l' seure mene tote li djournêye. — André Henin (fråze rifondowe).

Rilomêye do mot

« Tchuvalî des Grigneus » (Chevalier des Grigneûx), c’ esteut l’ no d’ pene da Louis Dubru.

Ratournaedjes

onk ki marone toltins

Francès : grincheux ^(fr)