kimaxhî

Walon (Rifondou)

Alofômes di k(i)- / co-

Plinne cogne Lidje-Årdene (betchete sipotchåve)	Cogne Nameur-Tchålerwè (betchete nén spotchåve)	Sipotcheye cogne Lidje-Årdene
kimaxhî	comaxhî	cmaxhî

Etimolodjeye

Do viebe « maxhî » avou l’ betchete « ki- » des viebes, çou ki dene on mot avou l’ cawete d’ infinitif « -î » des viebes.

Prononçaedje

(comaxhî, kimaxhî et cmaxhî)

• AFE :
  • diferins prononçaedjes :
    • (cognes plinnes) /ki.ma.ˈʃiː/ /ki.ma.ˈhiː/ /ky.ma.ˈʃe/ /ki.ma.ˈʃɛ/ /kɔ.ma.ˈʃiː/ /kɔ.ma.ˈhi/ /ku.ma.ˈʃiː/ (betchfessî xh)
    • (spotcheyès cognes) /k.ma.ˈʃiː/ /k.ma.ˈʃe/ /k.ma.ˈʃɛ/ /k.ma.ˈhiː/  ^{aschoûtez lu}
  • prononçaedje zero-cnoxheu : /ki.ma.ˈʃiː/ /kɔ.ma.ˈʃiː/ /k.ma.ˈʃiː/
• Ricepeures : ki·ma·xhî

Viebe

Djin et tins	Codjowa
Cåzant Ind. pr. (dji, dj’)	kimaxhe
Atôtchî(s) Ind. pr. (vos, vs)	kimaxhîz
Cåzants Ind. pr. (nos, ns)	kimaxhans
Rwaitants Ind. pr., nam. (i/il, ele/elle)	kimaxhnut
Cåzant Ind. fut. (dji, dj’)	kimaxhrè
Cåzant D.I.E. (dji, dj’)	kimaxhive
Cåzant Suddj. pr. (ki dji, dj’)	kimaxhe
pårt. erirece (dj’ a, vos av)	kimaxhî
Ôtes codjowaedjes	come waitî

kimaxhî (viebe å coplemint) (å prono : si kimaxhî)

1. maxhî cou dzeu cou dzo.
   • Mins cwand on è prind trop, çou k' i m' arive kécfeye
     Dji n' catchrè nén do dire, ki ça cmaxhe les idêyes. — Édouard Remouchamps, Bultén del Societé d' Lidje, Bulletin de 1858, « Li savtî », 77-143 (fråze rifondowe).
   • Li mistere ki plonke et ki mousse,
     Ki rmowe vosse cour et ki l’ dismousse,
     Tot vnant cmaxhî tos les ptits screts
     Ki vs catchîz avou tant d’ agrès ? — Martin Lejeune, Bultén del Societé d' Lidje, "Zûvion d’amoûr", tome 43, p. 143 (fråze rifondowe).
   • C’ est come ene doûce tchanson ki cisse vuzion d’ vesprêye
     Cwand l’ solo padrî l’ tere a l’ air do dire adiè.
     Tot cmaxhant-st avå l’ cir les coleurs di l’ airdiè
     Po fé des boukets d’ fleurs foû des blankès nûlêyes ! — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Vûzions », 1913, p.87 (fråze rifondowe).
   • Sins zeles ki dvénreut ele e toubion ki nos khere
     Dizo l' progrès ki cmaxhe el plaece do vni médyî. — Louis Lagauche, L'aimant, Li tchanson del Mouze, (1947), p. 110 (fråze rifondowe).
2. maxhî eshonne.
   • Dji remoenne on Londi Djôzef, mi camaeråde,
     Et po bén l' regaler, dj' aveu fwait fé l' salåde ;
     End aveut-st on grand plat, lu k' el magnive si voltî,
     A poenne al tåve ashiou, dji l' aveu ddja cmaxhî. — Toussaint Brahy, Toussaint Brahy, œuvres wallonnes posthumes, Li Frût d'ine mâle Kpaneie, 1886, p.47 (fråze rifondowe).
     
   • HINRI. Mi, dji metreu : « Mes gens », ci sereut beacôp pus simpe. Come çoula, ti cmaxhreus omes avou femes et personne n’ åreut rén a dire. — Louis Lagauche, Cåse d'on comichonaire, 1904, p.8 (fråze rifondowe).

Parintaedje

• kimaxhaedje
• kimaxheu
• kimaxheure
• kimaxhreye
• kimaxhance
• acmaxhî
• maxhî; Loukîz a : « maxhî »

Sinonimeye

• ecramyî
• calmaxhî
• comeler
• ecomeler

Ortografeyes

Après 1900, foû rfondou (Feller, Feller ricandjî, nén Feller) :

• comachi : C1
• coumachî : O0
• comache : C1
• kumachî : S109
• comachî : O0
• cumachî / cmachî : S117
• kumacher / k'macher : S17 p. 150
• k'mahî : E170
• cumacher / cmacher : S117
• kimahî : E170

E rfondou walon :

• kimaxhî : R13

Ôtès ortografeyes (avou des sourdants nén rkinoxhous) :

• kumacher / k'macher : 205

Li mot n’ est nén dins : O4

Ratournaedjes

kimaxhî

• Francès : troubler ^(fr), perturber ^(fr), empêtrer ^(fr)

Addjectif

	singulî	pluriyal
omrin	kimaxhî	kimaxhîs
femrin padrî	kimaxheye	kimaxheyes
femrin padvant	kimaxheye	kimaxheyès

kimaxhî omrin (come addjectif djondrece, metou padvant u padrî l’ no)

1. cou dzeu cou dzo.
   • Il arive minme ki dj’ kimaxhe les riketes
     Si bén k’ asteure li ci ki m’ vént vey,
     Ni ricnoxhe pus les pots, ni les pailetes ;
     Mins dji m’ è fote si l’ bazår est cmaxhî. — Louis Lagauche, Amon nos autes, tchansons tchusèyes, (1908-1912), «Buvans» p.67 (fråze rifondowe).}
   • Adon cmaxhîs dvins ene grande volêye
     Sintant drî leye les måvas tins,
     I vont cweri lon d' nosse contrêye
     Li tcholeur ki l' ivier nos rprind. — Jean Dessard, D'ine cohe so l'aute, 1939, p.30 Amon lès oûhês (1934) (fråze rifondowe).
2. ki n' sait pus cwè.
   • Dji so tot cmaxhî avou twè : on djoû ti dis « dji vou »; l' ôte djoû ti dis « dji n' pou ». — DDro (fråze rifondowe).

Ratournaedjes

cou dzeu cou dzo

• Francès : empêtré ^(fr), désordonné ^(fr)

ki n' sait pus cwè

• Francès : troublé ^(fr), perturbé ^(fr)

Sustantif

	singulî	pluriyal
omrin	kimaxhî	kimaxhîs
femrin	kimaxheye	kimaxheyes

kimaxhî omrin

1. onk ki n' a pus tot si esprit.
   • I n' sait nén ddja çk' i dit: c' est on cmaxhî. — Båze di dnêyes di l’ Årdene nonnrece (fråze rifondowe).

Ratournaedjes

onk ki n' a pus tote si tiesse

• Francès : simple d’esprit ^(fr)