môde

Walon (Rifondou)

Etimolodjeye

S’ i gn åreut ene sakî ki sepreut cwè åd fwait di l’ etimolodjeye di « môde », el pout stitchî vaici.

Prononçaedje

• AFE :
  • diferins prononçaedjes : /mõt/ /moːt/ /muːt/ (betchfessî ô)
  • prononçaedje zero-cnoxheu : /mõt/
• Ricepeures : nén rcepåve

Sustantif

singulî	pluriyal
môde	môdes

môde femrin

1. (dujhance sociåle) dujhance sociåle (aprume so l' abeymint) ki les djins s' creyèt tertotes oblidjeyes di shuve po esse bén veyowes des ôtes a on metou moumint, mins ki n' deure nén.
   • C' est l' môde d' asteure — Motî d’ Nivele (fråze rifondowe).
   • Les fôs edvintèt les môdes ey i nd a ene contrumasse po les shuve. — Armonak des vrais Aclots pou l’an dè grace 1924 (fråze rifondowe).
   • El laecea n' asteut nén batijhî a leu môde, i l' ont rbatijhî. — Motî d’ Nivele, a «(è)rbatijî» (fråze rifondowe).
   • Il a basti s' lodjete a leu môde — Motî d’ Nivele, a «lodjète» (fråze rifondowe).
   • Sol rowe, ele s' è va, tote sampreuse
     Et n' rote pus k' a foirt pitits pas ;
     Ele prind des airs di grandiveuse;
     Ele shût l' môde et fwait d' l' imbaras. — Martin Lejeune, Œuvres lyriques du poète wallon Martin Lejeune, "Abèye, vite on p’tit galant" (fråze rifondowe).
   • Fåt k’ on rote tél ki l’ môde el vout ;
     Soexhe t i minme tot dji-vou-dji-n’-pou
     On s’ salowe come li hôte nôblesse. — Joseph Vrindts, Vîx Lîge, (1901), p.48, “Li Côp d’Chapai” (fråze rifondowe).
2. (croejhete) manire di ratrocler les tins d' codjowaedje.
   • Gn a l' môde indicatif, li môde suddjonctif, li môde condicioneu et l' môde kimandeu.
3. pluriyal kidujhance moråle
   • {{lang|wa-fel|Lu plan d' nosse Jan'sèn' èst bin fêt,
     Ca l' muzike adoûcih lès môdes. — Camille Gaspard.

Ratourneures

1. a môde di djin
2. a môde di rén
3. al viye môde
4. a s’ môde
   1. fé al môde di
   2. fé a s’ môde
   3. etinde a s’ môde
   4. fé l’ mitan a s’ môde et l’ ôte mitan a s’-n idêye ; u: i fwait l’ mitan a s’ môde et l’ ôte mitan come i lyi plait
5. on bådet ki fwait a s' môde, c' est l' mitan di s' nouriteure
6. tchaeke payis, tchaeke môde
7. al môde des bowinmes, c' est l' pus yôrd ki fwait l' sope

Parintaedje

• modisse
• amôdurer

Mots d’ aplacaedje

• foû môde

Sinonimeye

• passe
• fouke

Contråve

• (manire di s' codure ki deure lonmint): dujhance, uzance, uzaedje

Omofoneye

• /muːt/: moude (touwaedje); moûde (moure)

Pwaire minimom

• mode, mote
• monde, monte

Ortografeyes

Divant 1900 :

• môtt : E203 ^(lére)

Après 1900, foû rfondou (Feller, Feller ricandjî, nén Feller) :

• moûde : O4
• môde : C8, E1, E34, S117
• (l’) amôde : E34, JVri
• moude : SpO40

E rfondou walon :

• môde : R10 ^(lére), R13, R15

Ratournaedjes

manire di fé ki tolmonde shût on moumint

• Francès : mode ^(fr)

kidujhance moråle

• Francès : mœurs ^(fr)