marixhå

Walon (Rifondou)

Etimolodjeye

Tayon-bodje vî francike * « marhskalk » (tchivalî, vårlet ki s' ocupe des tchvås); çou ki dene on mot avou l’ cawete « -å ».

Prononçaedje

• AFE :
  • diferins prononçaedjes : /ma.ʀi.ˈhɔː/ /ma.ʀi.ˈhaː/ /ma.ʀi.ˈçaː/ /ma.ʀi.ˈçã/ /ma.ʀi.ˈʃaː/ /ma.ʀi.ˈʃoː/ /maʀ.ˈhɔː/ /maʀ.ˈhaː/ /maʀ.ˈʃaː/ /maʀ.ˈʃoː/ (betchfessî å)
  • prononçaedje zero-cnoxheu : /ma.ʀi.ˈʃɔː/
• Ricepeures : ma·ri·xhå

Sustantif

singulî	pluriyal
marixhå	marixhås

marixhå omrin

1. (no d’ mestî) onk k' a ene foidje.
   • Ass dedja veyou ene foidje di marixhå ?
2. (mot d’ acleveu di tchvås) onk ki s' mestî, c' est d' ferer les tchvås (et travayî l' fier).
   • I travaye do marixhå. — Motî d’ Nivele (fråze rifondowe).
   • Li marixhå a-st eclawé li tchvå tot l’ ferant.
3. (no d’ inseke) sôre di grosse copixhe des bwès.
4. (no d’ inseke) schaerbote (Geotropus stercoralis).
   • Et l' grand marixhå sins clås Ki s' kitoirtcheye d' ene fleur a l' ôte Divant do siervi, cial pus lon A pexhî li ptite biesse. — Richard Joelants (fråze rifondowe).
5. (oujhea) hosse-cou.
6. (noûmot pa stindaedje do sinse) hôt grådé e l' årmêye, pår ådzeu do djenerå.

Ratourneures

1. a tchaeke marixhå s' clå : tchaeke ome di mestî boute a s' prôpe manire
2. on n' candje nén d' marixhå sins payî les vîs clås : on n' pout nén candjî d' ahesseu sins payî les desses å ci di dvant; cwand on candje ene abitude, gn a todi des rujhes.
3. ci n' est djamåy el marixhå ki rblankit l' mônî : ci n' est nén al foidje - la k' on cåze bråmint - k' on va dire do bén des djins.

Parintaedje

• marixhåder, marixhådreye, marixhådî, marixhådire, marixhådisse

Mots d’ aplacaedje

• copixhe-marixhå
• marixhå d' lodjisse

Sinonimeye

• (schaerbote) : Loukîz a : « schaerbote »

Ortografeyes

Divant 1900 :

• marchau : C9a
• marihâ : E203 (a mârtai-d'marihâ)

Après 1900, foû rfondou (Feller, Feller ricandjî, nén Feller) :

• marihâ : G208
• marchau : C8, C13, O4, S17, S109
• mar'hå : E170
• marihyâ : E200, G208
• marichâ : G208
• marihå : E170
• marhâ : G208
• marichô : G208
• marichau : S109
• marchå : S117
• marchâ : G208
• marchô : G208, S107
• marèchål : E170 ^{(sinse 6)}
• marishan : E165
• marichå : S117

E rfondou walon :

• marixhå : R10 ^(lére), R13

Ratournaedjes

onk ki s' mestî, c' est d' ferer les tchvås

• Francès : maréchal-ferrant ^(fr)

onk ki s' mestî, c' est d' travayî l' fier

• Francès : forgeron ^(fr)

grosse copixhe Loukîz a : copixhe

• Francès : fourmi ^(fr) (des bois)

hôt grådé e l' årmêye

• Francès : maréchal ^(fr)

Waitîz eto

Lijhoz l’ årtike marixhå (discramiaedje) so Wikipedia