minåve

Walon (Rifondou)

Etimolodjeye

Calcaedje do francès « minable » (minme sinse) ou Do viebe « miner », avou l' cawete "-åve" (mins li sinse est «k' est miné», «ki n' a pus rén ådvins».

Prononçaedje

• AFE :
  • diferins prononçaedjes : /mi.nɔːf/ /mi.naːf/ (betchfessî å, halcrosse rîlêye)
  • (pa rfrancijhaedje) /mi.naːp/ /mə.naːp/
  • prononçaedje zero-cnoxheu : /mi.nɔːf/
• Ricepeures : mi·nåve

Addjectif

	singulî	pluriyal
omrin	minåve	minåves
femrin padrî	minåve	minåves
femrin padvant	minåve	minåvès

minåve omrin et femrin (come addjectif djondrece, metou padvant u padrî l’ no)

1. ki n' a waire di cwårs, et adon, k' est må moussî.
   • Ci pôve ome est si minåve k' on nd åreut pitié. — Motî Toussaint (fråze rifondowe).
   • Ci n' est nén pask' on trouve pus minåve ki lu k' i s' fåt croere ene sakî. — Pierre Faulx (fråze rifondowe).
2. (mot des cinsîs) ki n' a nén yeu a magnî, po on bisteu.
   • Wice k' i fijheut l' pus trisse, c' esteut co ezès ståves; Totes les sôres di bisteu avént des airs minåves. — Clément Muller (fråze rifondowe).
   • La, padrî les montagnes, on dit k' gn a tant d' fôraedje (…); (dj' irè la d' l' ôte costé) ; dj' emoennrè avou mi totes nos minåvès biesses. — Clément Muller (fråze rifondowe).
3. sins grandeur.
   • Et dji nos avans ramassé et dj' end avans ndalé del nute so Ratchamp. Ene minåve pitite porcession ! On rotéve dins l' ivier totossu hôt k' les djnos (Maguy Marenne).
4. målureus d' esse må prezintåve.
   • Cwand i ploût å råyaedje des pétråles, on-z est minåve et les biesses ossu. — Motî Alphonse Massaux (fråze rifondowe).
   • Mès djins, l' djoû k' dj' ariva so l' monde
     Dj' èsteûs minâbe à s'è morfonde ;
     Tot p'tit, flâwe èt racrapoté
     Hêpieûs, macas' èt tot pèlé
     — Camille Gaspard.

Parintaedje

minåvmint

Mots d’ aplacaedje

• fé minåve

Sinonimeye

• (ki n' a waire di cwårs) : pôve, pôvriteus, mizeråve
• (målureus d' esse må prezintåve) : arindjî, assonré
• (ki n' a nén yeu a magnî, po on bisteu) : maigue, mwinre, amwinri, rawijhî

Ortografeyes

Divant 1900 :

• minâp : E203 ^(lére)
• minâf : E203 ^(lére)
• minâve : CMul

Après 1900, foû rfondou (Feller, Feller ricandjî, nén Feller) :

• minåbe : E1
• minâbe : C8, E200, O4

Li mot n’ est nén dins :

Ratournaedjes

ki n' a pont d' cwårs

• Francès : minable ^(fr), miséreux ^(fr) omrin, miséreuse ^(fr) femrin, misérable ^(fr)

k' est moussî avou des clicotes

• Francès : dépenaillé ^(fr)

Sustantif

singulî	pluriyal
minåve	minåves

minåve omrin et femrin

1. onk, ene ki n' a pont d' cwårs.
   • Po rassonrer ès fwin, on gris cantea sol tåve; (…) Ene amitieuse parole, el merci d' on minåve; c' est la k' il est, l' bouneur. — Luc Declercq (fråze rifondowe).
   • Li Conte s' anoyive ci djoû la et il aveut eveye di djouwer, dandjreus, tot fjhant sclindjî po rén on minåve ki n' oizreut måy sayî ou minme sondjî s' disfinde. — Lorint Hendschel, So l’ Anuti.
2. biesse k' a yeu fwin.
   • T' aveus todi åjhey: t' end aveus nén ene pus laide å mitan des beles; nén ene minåve; nén ene pitite sakêye ki t' åreus yeu dit d' leye «Waite on pô cisse-lale, kéne rawijheye ki c' est » — Lucyin Mahin, la p’tite coumére avu la blantche camisole.

Sinonimeye

målureus, målureuse

Ratournaedjes

onk ki n' a pont d' cwårs

• Francès : minable ^(fr), miséreux ^(fr) omrin, miséreuse ^(fr) femrin, misérable ^(fr)