moxhet

Loukîz eto : Moxhet.

Walon (Rifondou)

On moxhet.

Etimolodjeye

Tayon-bodje latén « musca » ‎(« moxhe »), avou l’ cawete « -et » e rapoirt indirek avou l’ mot ; come ene pitite moxhe cwand i vole foirt hôt ; racuzinåve avou l’ vî francès « moschet » ; mot cité dins l’ FEW 6/3 255b (lére).

Prononçaedje

AFE :
- diferins prononçaedjes : /mɔ.ˈhɛ/ /mɔ.ˈʃɛ/ /mu.ˈʃɛ/ /mɔ.ˈçɛ/, miersipepieuzmint e l’ notule ALW 8.85  ; (betchfessî xh)
  - (pa picårdijhaedje) /mu.ˈkɛ/
- prononçaedje zero-cnoxheu : /mɔ.ˈʃɛ/
Ricepeures : mo·xhet

Sustantif

singulî	pluriyal
moxhet	moxhets

moxhet omrin

pitit gris oujhea d’ proye, ki tchesse del djournêye, foirt corant dins tote l’ Urope.
- Ele sont del tire di ces moxhets
  Ki s' tinèt hôt cwand veyèt kesse,
  Po fé tant mî l' plonket sol biesse— "Pasquèye so l' caractére dès mâlès feumes", 1640; dvins "10 pièces de vers sur les femmes et le mariage",Jean Haust, 1941, p.86 (fråze rifondowe).
- Li moxhet tchoezixh les grossès coxhes å mitan d’ on sapén, et ahopler des coxhetes po basti ene lådje planeur. — Léon Demarche (fråze rifondowe).
- C’ èsteût on mohèt qui v’ néve di s’ lèyî toumer so lès rins dèl poye di Chine, èt qui sayîve dè l’ touwer å pus vite divant d’ l’ èpwèrter— Jean-François Renkin, So l' ancènî, 1894.
- Assiou so les rins d’ine gonhîre, Mondjårdin twèse fîrmint les ham’tês des invurons, akwatis avås les trih’s, comme des ouhês à l’ aprèpe d’on mohè — Joseph Mignolet, "Li Payîs des Sotês", 1926, p. 27.
(pa stindaedje) tolminme kén oujhea d’ proye ki tchesse del djournêye.
- I tchante cwand l’ oraedje est evoye,
  Cwand l’ dandjî n’ l’ a nén rascråwé,
  Si vite k’ il a polou s’ schouwer
  Do moxhet k’ esteut so ses voyes. — Joseph Vrindts, ”Vîx Lîge” (1901), p.193, “In’ Eximpe à sûre” (fråze rifondowe).
(pa rastindaedje) måye d’ èn oujhea d’ proye di djoû.
sôre di dragon volant.
onk k’ a on laid caractere.
- C’ est on laid moxhet. — Motî d’ Nivele (fråze rifondowe).

Ratourneures

pitit gris moxhet u gris moxhet u pitit moxhet u moxhet d’ Urope : pus stroetmint, Accipiter nisus.
blanc moxhet u moxhet ås colons u moxhet ås pierots : pus stroetmint, Accipiter gentilis.
fote li moxhet dins les poyes : esse li cåze d’ on herleme.
li moxhet est dins les poyes : gn a del margaye.

Sinonimeye

proylet, sprivî, cache-poyes

Ortografeyes

Divant 1900 :

moxhet : E212 ^(lére)
mohet : E203 ^(lére)

Après 1900, foû rfondou (Feller, Feller ricandjî, nén Feller) :

E rfondou walon :

moxhet : R10 ^(lére), R13

Ratournaedjes

pitit gris moxhet, Accipiter nisus

Francès : épervier d’Europe ^(fr), émouchet ^(fr)
Picård : mouket (moutchet, mousket)

tolminme ké oujhea d’ proye ki tchesse do djoû

Francès : épervier ^(fr), rapace diurne ^(fr)
Neyerlandès : sperwer ^(nl)
Picård : mouket (moutchet, mousket)

fote li moxhet dins les poyes

Francès : semer la pagaille ; (lit.) foutre l’émouchet dans les poules

li moxhet est dins les poyes

Francès : il y a du grabuge ; (lit.) l’émouchet est dans les poules

Waitîz eto

Lijhoz l’ årtike moxhet so Wikipedia