moxhe

Loukîz eto : Moxhe.

Walon (Rifondou)

Etimolodjeye

Tayon-bodje latén « musca » (minme sinse).

Prononçaedje

AFE :
- diferins prononçaedjes : /mɔç/ /mɔh/ /mɔf/ /mɔʃ/ /mɔχ/ ^{aschoûtez lu} /muʃ/ /myʃ/, miersipepieuzmint e l’ notule ALW 1.64 ; (betchfessî xh) (prononçaedje axh-låté possibe)
- prononçaedje zero-cnoxheu : /mɔç/
Ricepeures : nén rcepåve

Sustantif

singulî	pluriyal
moxhe	moxhes

moxhe femrin

(no d’ inseke) inseke a deus aiyes et des gros ouys avou ene pitite tiesse ki l’ sincieus no, c’ est : Musca domestica.
- C' est ene anêye ås moxhes.
- Mins cial, end a fwait çou k' l' araegne fwait-st al moxhe
  Tant k' i gn a ene gote di sonk ; tos zels, vos les dvoz cnoxhe,
  Puski vos cnoxhoz tot. — Joseph Vrindts, « Pâhûles rîmês » (1897), "Li Neur Live", p.40 (fråze rifondowe).
- Et des ptites froûleuzès moxhes
  Blawtèt come s’ ele estént d’ ôr. — Jules Claskin, « Airs di flûte et autres poèmes wallons », édition critique de Maurice Piron, 1956, « Prima vera », p.95-96 (fråze rifondowe).
- Et sès spales, qui lès cwèdes avît totes disson-n’tés,
  Estît magnèyes dès mohes,
  Ca lès mohes, come lès omes,
  Inmèt d’miner l’åriole so ’ne gougne qui s’èvilmêye… — Joseph Mignolet, "Li tchant del croes", 1932, p. 98.
(pus stroetmint) inseke ås cwate-z aiyes, ki prodût del låme, ki l’ sincieus no, c’ est : Apis mellifera.
- Dispu cwand ténss des moxhes, hê, ti ?
- On-z a tchaeskene sol coûsse di s’ vicåreye,
  Grand come pitit, ritchåd come pôvriteus,
  On dvwer a rinde a ses frés, a s’ patreye,
  Ca nos estans les moxhes d’ on minme tchetoere. — Louis Lagauche, Tchansons tchusèyes, (1908-1912), «Mes p’titès tchansons» p.101 (fråze rifondowe).
(mot d' moxhî) totes les moxhes al låme d' ene tchetoere.
- Li moxhe same — Joseph Calozet (fråze rifondowe).
- I lyi a dné ene moxhe — Joseph Guérard, L’apiculture dans le centre de la province de Luxembourg ; vocabulaire français et dialectal (fråze rifondowe).
- Si moxhe lyi a crevé — Joseph Guérard, L’apiculture dans le centre de la province de Luxembourg ; vocabulaire français et dialectal (fråze rifondowe).
- Mins (estô d' les fé crever) on les rmaxhe avou ene ledjire moxhe — Joseph Guérard, L’apiculture dans le centre de la province de Luxembourg ; vocabulaire français et dialectal (fråze rifondowe).
(mot d' moxhî) li tchetoere leye-minme.
(botanike) pitit trô ådzo des fruts al tchå (peme, poere…), do costé contråve del cawe.
- I golafe li peme, crakion et moxhe eto.

moxhe di måjhon
moxhe al låme
moxhe d' ene gurnåde, avou les restants del rodje fleur

Ratourneures

après nozôtes les moxhes
i gn a ene moxhe e l’ ôrlodje
moxhe ås cådes u : moxhe ås mouwants cådes : tchetoere di bwès, avou des cådes al låme, k' on pout rsaetchî.
on ôreut voler ene moxhe.
- Ses bresses sont pus longs,
  Ki des pîces a houbion,
  Et si stoumak ridoxhe,
  Cwand ele drouve divant vos,
  S' lådje boke po dire on mot,
  On ôreut voler ene moxhe. — Jean Bury, Joyeux rèspleus (1899), "Po plaire à Nanèsse" (fråze rifondowe).
haper ene moxhe : si ripoizer.