moxhete

Walon (Rifondou)

Etimolodjeye 1

Bodje « moxhe » avou l’ cawete « -ete ».

Prononçaedje

• AFE :
  • diferins prononçaedjes : /mɔ.ˈhɛt/ /mɔ.ˈʃɛt/ /mu.ˈʃɛt/ (betchfessî xh) (oyon O.OU).
  • prononçaedje zero-cnoxheu : /mɔ.ˈʃɛt/
• Ricepeures : mo·xhete

Sustantif

singulî	pluriyal
moxhete	moxhetes

moxhete femrin

1. (no d’ inseke) pitite moxhe.
   • I lyi a volé ene moxhete e l’ ouy — Motî Forir (fråze rifondowe). & — Motî Haust (fråze rifondowe).
   • Des ôtes schoyèt dedja leus foyes,
     Sol vert mossea ki, d’ ses tramayes,
     Abrite meye moxhetes ki djouplèt …
     — Martin Lejeune, "L’amour vint dè passer", dins « L’année des poètes » (1892), p. 230 (fråze rifondowe).
   • Si minme ele fwait mori tot come li blanke loumire,
     Fwait mori l' pôve moxhete rafôrêye di clairté,
     Li Rlomêye, vos l' savoz, ni dmande nén k' on l' ricwirt— Louis Lagauche, L'aimant, Li tchanson del Mouze, (1947), p. 109 (fråze rifondowe).
2. frumele moxhe.
   • Dansez, moxheas ! Volez moxhetes !
     Li cir est bleu dzeu l' rouwalete
     Et sol melêye li håmustea
     A rgåyoté d' pieles si mantea. — Jean Dessard, D'ine cohe so l'aute, 1939, p.12, Tchantans l’ prétins (1937) (fråze rifondowe).

Ortografeyes

Divant 1900 :

• mohett : E177, E178, E203 ^(lére)
• mohète : G0 (a « mohe »)

Après 1900, foû rfondou (Feller, Feller ricandjî, nén Feller) :

• mochète : C13
• mouchète : C8, C9, O4
• mohète : E1, E34

E rfondou walon :

• moxhete : R10 ^(lére), R13

Ratournaedjes

pitite moxhe

• Francès : moucheron ^(fr), mouchette ^(fr)