passete

Walon (Rifondou)

Etimolodjeye

Bodje « passe » avou l’ cawete « -ete ».

Prononçaedje

AFE :
- prononçaedje zero-cnoxheu : /pa.sɛt/ (minme prononçaedje pattavå)
Ricepeures : pas·sete

Sustantif

singulî	pluriyal
passete	passetes

passetefemrin

usteye di manaedje, po passer l' laecea (et ritni l' crinme), li cafè (et ritni les sminces), on té, evnd..
(imådjreçmint) onk (ene) ki dvreut ratni (des bales å fotbale, des clandestins), et ki leye passer totafwait.
(éndjolike) programe ki n' leye nén passer tot çou k' arive (dins ene emilreye, èn evoyeu d' waibe-pådjes).
(no d’ meube) passet, pitit bas xhame.
- Tot est da sinne : tcheyires, passetes ; — Martin Lejeune, “ Œuvres lyriques du poète Martin Lejeune” p.145, « Lès prumîs pas » (fråze rifondowe).
- Et tot montant so ene viye passete,
  A costé d' ses troes beas rdjetons,
  Ele plake avou ene gote di raetchon,
  Li nûle do ptit valet dzeu s' poite. — Joseph Vrindts, « Pâhûles rîmês » (1897), "Li novel an", p.19 (fråze rifondowe).
- A gåtche, on vîlwè avou des usteyes di coibjhî. Tene d' aiwe, pî-d'-fier, trintchès, cur, solés, passete, etc. — Joseph Mignolet, "Milionêre !" (1934), p.2 (fråze rifondowe).
- Dji m' sovén k' on côp, nos djouwéns on pô a li scole : dji m' aveu ashî so ene passete avou mi ardwesse divant mi so ene tcheyire, et dji scrijheu — Louis Remacle (fråze rifondowe).
(mot des tchårlîs et des tcherons) plantche ki l' tchårlî e-st ashiou dssus.
- I rgripe so s’ passete al volêye,
  Et nosse djonne gayår, tot djurant,
  A s’ pôve tchivå dina ene volêye. — Joseph Vrindts, « Pâhûles rîmês » (1897), «Li brute dè jou des royes», p.115 (fråze rifondowe).
- Tot fjhant ene dierinne foice, Zita si rtrouve tolminme sol passete. — Paul-Henri Thomsin, ratournant Li diâle è cwér, ine avinteûre di Bakelandt l’èspiyon di Napolèyon à Lîdje, 2009, p. 25 (fråze rifondowe).
(mot des otos) dirîtrinne pårteye d' ene moto.
- Volant mostrer dadroet
  Mes cwålités d' rôleu,
  A m' feme ki barbotéve sol pavêye,
  Dji l' tcherdja dierinnmint
  Sol passete drî mi … Mins …
  Ele djura « k' on n' l' î åreut k' ene feye ! »
  C' est k' nosse moteur, come on djeu, nondihu,
  Bén lon, foû voye, vina pår a taper djus ! — Camille Gaspard, Camille Gaspard, auteur wallon : vie et œuvre d'un chansonnier wallon au XXᵉ siècle, p. 270, « Dj’a l’ moto ! » (7 di decimbe 1950) (fråze rifondowe).