ravizer

Walon (Rifondou)

Etimolodjeye

Do viebe « vizer », avou l’ dobe betchete « ra- » di raprepiaedje des viebes, çou ki dene on mot avou l’ cawete di codjowaedje « -er » des viebes.

Prononçaedje

• AFE :
  • diferins prononçaedjes : /ʀa.viː.ˈze/ /ʀa.vi.ˈze/ /ʀa.viː.ˈzɛ/ (minme prononçaedje cåzu pattavå)
  • prononçaedje zero-cnoxheu : /ʀa.viː.ˈze/
• Ricepeures : ra·vi·zer

Viebe

ravizer (1^ire troke) (codjowaedje)

1. (viebe å coplemint) vey.
   • Ane-Djôzef dischindeut l’ rouwale : i l’ a lûtchî tant k’ i l’ a plou ravizer. — Auguste Laloux, Li p’tit Bêrt.
2. (viebe å coplemint) waitî.
   • Dinltins, on n’ ravizéve nén d’ si près. — Motî d’ Nivele.
3. (viebe å coplemint) bén waitî.
   • I fåt sawè rwaitî… ou purade ravizer. — Lucien Somme.
4. (viebe å coplemint) rishonner a.
   • So moens pô d' tins k' i fåt pol sicrire, li manaedje k' on pô dvant esteut si bén e plaece ni ravizéve pus k' on tchamp d' carnadje. — Joseph Vrindts, « Li pope d'Anvers » (1896), p.8 (fråze rifondowe).
   • Tu ravizes on vî moenne ki vna briber l' ôte djoû, tot schoyou, a pîs dschås, mågré k' i vnaxhe di Paris, dijheut i— Martin Lejeune, "Œuvres lyriques du poète Martin Lejeune" p. 114, "L'infifélité d' Catrène" (fråze rifondowe).
   • Dj' åreu des crapådes e catchete,
     Dji n' ravizreu pus on herin. — Jean Bury, Joyeux rèspleus (1899), "Si j'esteus riche" (fråze rifondowe).
   • On bossou ravize on xhalé : tos mezalés. — Georges Willame.
   • Ti rotes. Ti screne pout ravizer ene montêye. — Léon Warnant.
   • Mins naxhtêye et louke bén tot avå m' Walonreye :
     – A ptit payis, djourmåy, i fåt ptitès merveyes. –
     Ki ravizreut l' palå basti so tot l' bounî
     S' on l' î leyive nén ene coine pol syince do djårdinî ? — Louis Lagauche, "L' inmant", Po Nameûr, (1947), p. 140 (fråze rifondowe).
   • Avé Cezår ! Vola k' arivèt deus omes et on tchén avou çou ki ravize on drapo po pårluminter. — Paul-Henri Thomsin, ratournant Astérix amon lès Bèljes, 2022, p. 34 (fråze rifondowe).
   • Sognî on moes pa mes deus medcéns, li conte ravizéve ene poureye poere. — Lorint Hendschel, So l’ Anuti, p.187.
5. (viebe å prono) : Loukîz a : « si ravizer »..

Ratourneures

1. fé des ouys come ene vatche ki ravize passer on trén

Parintaedje

• ravizant
• raviza, ravizance
• avizer

Ortografeyes

Divant 1900 :

• ravizé : E203 ^(lére)
• sravizé (s' ravizer) : E178

Après 1900, foû rfondou (Feller, Feller ricandjî, nén Feller) :

• ravîzer : E170
• ravisè : C13
• ravizer : C107, E1, E170, O4, S109, S117
• raviser : E165, O4, O51

E rfondou walon :

• ravizer : R10 ^(lére), R13

Ratournaedjes

vey

• Francès : voir ^(fr)

waitî

• Francès : regarder ^(fr)

bén waitî

• Francès : observer ^(fr)

rishonner a

• Francès : ressembler ^(fr)