siervante

Walon (Rifondou)

Etimolodjeye

Bodje « sierv- », bodje A do viebe « siervi » avou l’ cawete « -ante ».

Prononçaedje

• AFE :
  • diferins prononçaedjes : /sjɛʀ.ˈvɑ̃t/ /sɛʀ.ˈvɑ̃t/
  • prononçaedje zero-cnoxheu : /sjɛʀ.ˈvɑ̃t/
• Ricepeures : sier·vante

Sustantif

singulî	pluriyal
siervante	siervantes

siervante femrin

1. (no d’ mestî) kimere k' aide li dame do manaedje, u fé l' manaedje leye tote seule.
   • Tofer inmåve et d' boune oumeur,
     Houwant les dvizes et les bisbiyes,
     Toû a toû siervante et mayeur. — Martin Lejeune, Œuvres lyriques du poète wallon Martin Lejeune, p. 124, "Come dju comprind l’famile" (fråze rifondowe).
   • Padrî ene siervante k’ e-st abaxhowe,
     Troes djonnes gayårds sont arestés,
     Et s’ ni savèt i cwè dbiter
     Sol båshele k’ est må metowe. — Joseph Vrindts, Vîx Lîge, (1901), p.32, “Li sèm’di” (fråze rifondowe).
2. (pus stroetmint), (pa rfrancijhaedje) d' on nôbe, d' on ritchåd.
   • Dj' åreu ene måjhone come on palå,
     Dômestike et siervante !
     Awè, c' est bén la l' feme k' i m' fåt …
     Avou l' boûsse di s' matante ! — Édouard Remouchamps, Tåtî l’ Pèriquî, 1884, Ake I, Sinne III, v. 46-50 (fråze rifondowe).
   • Si siervante ni l' etindant nén s' lever po l' messe di set eures, aveut stî bouxhî a l' ouxh di s' tchambe. — Jean-Pierre Dumont (fråze rifondowe).
3. (ahesse di manaedje) bårire metowe al siponte do lét, po n' nén tchaire.

Sinonimeye

kimere ki fwait l' manaedje

• meskene
• domestike

Ortografeyes

Après 1900, foû rfondou (Feller, Feller ricandjî, nén Feller) :

• servante : S117
• siêrvante : S109, S117
• sièrvante : S38
• chèrvante : E1, E34
• sèrvonte : G152
• sèrvante : S38
• servonte : S117

E rfondou walon :

• siervante : R10 ^(lére)

Ratournaedjes

kimere ki fwait l' manaedje

• Francès : servante ^(fr), bonne ^(fr), domestique ^(fr)

bårire al siponte do lét

• Francès : chambrière ^(fr) (de lit) (Walonreye, ALW)