temter

Walon (Rifondou)

Li rfondaedje di ç’ mot cial est co so balance. Fåt i scrire « temter » u « tinter#Etimolodjeye 3 » ?

Viebe

Djin et tins	Codjowa
Cåzant Ind. pr. (dji, dj’)	temtêye
Atôtchî(s) Ind. pr. (vos, vs)	temtez
Cåzants Ind. pr. (nos, ns)	temtans
Rwaitants Ind. pr., nam. (i/il, ele/elle)	temtêynut
Cåzant Ind. fut. (dji, dj’)	temtêyrè
Cåzant D.I.E. (dji, dj’)	temtéve
Cåzant Suddj. pr. (ki dji, dj’)	temtêye
pårt. erirece (dj’ a, vos av)	temté
Ôtes codjowaedjes	come tchicter

temter

1. (viebe å coplemint) (mot d’ rilidjon) sayî di fé fé des petchîs (tot djåzant do Diåle u d' ene djin, d' ene sacwè disfindowe, eneviè on creyant).
   • Adon ele mosterront leus tetes,
     Po temter l' esprit del bråyete. — E183, Paskeye so les lotchets (1640) (fråze rifondowe).
   • Les orgoûs des feyes di ptits ovrîs ki s' metèt insi k' des madames po temter l' esprit del brayete — Théophile Bovy (fråze rifondowe).
   • C'est bén pô d' tchoi çou k' vos avoz sofrou a costé des cis k' ont yeu des si målès passes, k' ont stou si foirt temtés, k' ont stou si gråvmint rascoyîs, k'ont stu si sovint asprovés et rasbroufés — Jean Bosly, ratournant L' imitåcion d' Djezus-Cri.
   • Tins ki vos froz ça, li diåle ni vos temtêyrè nén.
2. (viebe å coplemint) (pa stindaedje do sinse) assaetchî aviè ene nouriteure, ene costindje.
   • I vs temtêye, ci trawé djine ci ?
   • Magnî ene aloumire di boledjî avou ene djate di crås cafè, ça vs temtêye ?
   • Dji m' va leyî temter pa ç' boket d' tåte la
   • Ça n' mi temtêye nén d' endaler.
   • Djans ! lèyîz vs temter! Es leyî temter.
3. Fé temter ene sakî: fé lanwi ene sakî.
4. (v. sins coplemint) temter après ene sacwè: Esse foirt temté pa ene sacwè.
5. (viebe å coplemint) toûrminter, agacî.
   • Çoula m’ temtêye.
   • K’ est çki vs kipice ? K’ est çki vs temtêye ?
     Pôve pitit andje dizawuré — Martin Lejeune, “ Œuvres lyriques du poète Martin Lejeune” p.136, « L’ andje dèl têre » (fråze rifondowe).
6. (v. sins coplemint) dimander l' minme afwaire co traze feyes
   • Ça n’ sieve a rén do temter, vos n’ åroz rén.

Ratourneures

• i n’ fåt nén temter l’ diåle

Mots d’ aplacaedje

• temtaedje
• temtåcion
• temtant
• temteu

Ortografeyes

(tinter & temter)

Divant 1900 :

• stemté (s' temter) : E178

Après 1900, foû rfondou (Feller, Feller ricandjî, nén Feller) :

• tèmter : E170
• tanter : S0
• tintér : SpO1 p. 52
• tinter : O4
• tèm'ter : E165

E rfondou walon :

• tinter : R10 ^(lére)

Ôtès ortografeyes (avou des sourdants nén rkinoxhous) :

• tempté : E183 (1640)

Li mot n’ est nén dins : FO94