waezon

Walon (Rifondou)

Etimolodjeye

Tayon-bodje vî francike « waso », racuzinåve avou l’ vî francès « wason » et l’ almand « Wasen ».

Prononçaedje

AFE :
- diferins prononçaedjes : /wɛ.ˈzɔ̃/ /wa.ˈzɔ̃/ /wa.ˈzã/ (betchfessî ae, halcrosse rîlêye) (minme prononçaedje cåzu pattavå)
- prononçaedje zero-cnoxheu : /wɛ.ˈzɔ̃/
Ricepeures : wae·zon

Waezon di dvant li Blanke Måjhone
Waezon tondou dvins on muzêye

Sustantif

singulî	pluriyal
waezon	waezons

waezon omrin

tere rascoviete di yebes.
- On bea vert waezon. — Motî d’ Cînè (fråze rifondowe).
- Djinteye et vigreuse magriyete,
  Ki stoelez si bén l’ vert waezon
  Pocwè håynez vs e vos ployetes
  Des pieles k’ on vs haprè sins façon ?— Martin Lejeune, Bultén del Societé d' Lidje, "Poqwè", tome 43, p. 140 (fråze rifondowe).
- Viyès airs di rondes-danses et d’ cråmignons
  Hinêyes el grande gaspoye
  Des djaenès foyes
  Ki s’ agridjèt-st ås bohêyes, å waezon,
  Spitèt-st evoye come des moxhons.
  — Jules Claskin, « Airs di flûte et autres poèmes wallons », édition critique de Maurice Piron, 1956, « Nôvimbe », 1922-23, p.38 (fråze rifondowe).
- Saiss bén si l' bleu stoelî n' est nén vroûlté waezon ? — Joseph Mignolet, fleurs d'esté (fråze rifondowe).
- Mins, mågré les côps d' hatches, les côpe-feu k' on-z î drouve,
  Les waezons k' on ritoûne et çou k' on bouxhe djus,
  Come èn infier, li feu passe oute et porshût si ouve
  Avou l' côp d' mwin do diåle ! Li vint, ki huze dissus ! — Louis Lagauche, "L' inmant", (1947), Li ponne dè gård di bwès, p. 148 (fråze rifondowe).
(pus stroetmint) côpêye coûte.
- So li dvant c’ esteut on bea waezon avou des pårtchets d’ rôzîs. — Jean-Pierre Dumont (fråze rifondowe).
(pus stroetmint) yebe ki dzor leye ripoize on moirt.
- Dji n' a k' des rgrets, dji n' a k' des låmes,
  A vni, rispåde sol maigue waezon. — Joseph Vrindts, « Pâhûles rîmês » (1897), "Li Tossaint", p.38 (fråze rifondowe).