boudjon

Walon (Rifondou)

Etimolodjeye

Tayon-bodje vî francike «bultjo» (sinse ?), adon près-parint di «boûsson».

Prononçaedje

• AFE :
  • diferins prononçaedjes :
    • /buː.ˈd͡ʒɔ̃/ /bu.ˈd͡ʒɔ̃/ /bɔ̃.ˈd͡ʒɔ̃/
    • (pa rfrancijhaedje) /buʀ.ˈʒɔ̃/; miersipepieuzmint e l’ notule ALW 4.98 .
  • prononçaedje zero-cnoxheu : /buː.ˈd͡ʒɔ̃/
• Ricepeures : bou·djon

Sustantif

singulî	pluriyal
boudjon	boudjons

boudjon omrin

1. bårea d' ene tcheyire.
   • Mi sele ploye, i n a deus boudjons schetés — D.T.W.
2. bårea d' ene schåle.
   • Atincion a l' schåle, i manke on boudjon — D.T.W.
   • Poirtez li schåle å marixhå po fé rmete on boudjon — D.T.W.
   • C’ est come dins l’ parabole : « Les cis ki sont-st al copete seront rabaxhîs al valêye del schåle eyet les cis ki sont so l’ boudjon do bas seront rlevés disk’ å dzeu — André Chauvaux (fråze rifondowe).
3. aessi d' fier d' ene rowe.
   • Mi berwete creye, dji va ecråxhî l' boudjon — D.T.W.
4. gros boulon d' fier.
   • Li tcherpinte tént dins l' meur avou des boudjons — Motî d’ Nivele (fråze rifondowe).

Sipårdaedje do mot

w. do Coûtchant

Ortografeyes

Après 1900, foû rfondou (Feller, Feller ricandjî, nén Feller) :

• burjon : O4
• boûdjon : O3, O51, G204 p. 204
• boudjon : O3, O51, G204 p. 204
• bondjon : O0, O2, G204 p. 204
• boudgeon : G204 p. 159

E rfondou walon :

• boudjon : R10 ^(lére)

Li mot n’ est nén dins : R13

Ratournaedjes

bårea del tcheyire Loukîz a : raiye

• Francès : barre ^(fr)

bårea del schåle Loukîz a : boûsson

• Francès : échelon ^(fr)

aessi d' ene rowe Loukîz a : aessi

• Francès : essieu ^(fr), axe ^(fr)

gros boulon Loukîz a : boulon

• Francès : boulon ^(fr)