rowe

Walon (Rifondou)

Etimolodjeye 1

Tayon-bodje latén « rota » (minme sinse)

Prononçaedje

• AFE :
• diferins prononçaedjes : /rɔw/ /raw/ /ruw/ /ruːw/ /ruːl/ /ryw/ /ryːw/ /rɛw/ /rœw/ /ryː/ /rjœ/, miersipepieuzmint e l’ notule ALW 1.85  ; (36 prononçaedjes).
  • prononçaedje zero-cnoxheu : /rɔw/  ^{aschoûtez lu}
• Ricepeures : nén rcepåve

Sustantif

singulî	pluriyal
rowe	rowes

rowe femrin

1. pîce ki toûne so èn aessi po fé aler des machines u des tcheroes.
   • Ass rifwait l’ rowe di t’ velo ?
   • Li vî sot ki va torade esse språtchî come ene fike ou broyî inte les rowes d' on wagon a fwait s' testamint por mi. — Joseph Vrindts, Li pope d'Anvers, (1896), p.13 (fråze rifondowe).
   • Ses fniesses a colebales,
     N' ont k' des bokets d' cwåreas,
     Et s' rowe, vete di mossea,
     Dimeure todi mouwale— Joseph Mignolet, "Fleûrs di prétins", p.82 (1929), "Li molin dè vî Stiène" (1925) (fråze rifondowe).
2. (vî mot) tourmint la k' on spiyive les mimbes d' on condåné po l' ataetchî a ene rowe.

• 
  Viye rowe di tchår
• 
  Rowe di molén
• 
  rowes di moletes
• 
  Tourmint

Ratourneures

usteye

1. c’ est ene rowe ki toûne
2. c’ est l’ rowe do monde insi
3. rowe di bwès : rowe fwaite avou des tchames et des rais d’ bwès.
4. rowe di cawoutchou : rowe avou des pneus d’ cawoutchou.
5. rowe di molén : rowe ki toûne avou l’ aiwe u l’ vint et fé tourner on molén.
6. coler al rowe, plaker al rowe : (mot d' ciclisse) rôler djusse dirî èn ôte.
   • Tiestou, voltrûle, Leyon coléve al rowe di s’ camaeråde, et n’ si vleut nén fé låtchî. — Félicien Barry (fråze rifondowe).
7. Li cénkinme rowe del tcherete :
   1. sacwè ki n’ sieve a rén.
   2. onk ki n’ sieve a rén dins ene soce.
8. tchôkî al rowe : aidî ene eterprijhe, sotni les idêyes d’ ene djin; on dit eto : bouter al tcherete.

tourmint

1. mete so rowe
   • E nosse payis, on n' mete pus so rowe. — Motî Forir (fråze rifondowe).

Parintaedje

• rouwire
• (sol bodje rouy-) rouyot, rouyete, carouyî, carouyåd
• (sol bodje rol, rôl) role, rôler, rôlete, rôlî, rôler, rôlaedje, berôler

Mots d’ aplacaedje

• rowe Sinte-Catrene

Ortografeyes

Divant 1900 :

• row : E203 ^(lére)

Après 1900, foû rfondou (Feller, Feller ricandjî, nén Feller) :

• ruwe : G201 p. 243
• roûe : S0
• roûle : FO2
• rûe : G201 p. 243
• rowe : E1 ^(lére), G201 p. 243
• rieu : G201 p. 243
• rówe : G201 p. 243
• rûwe : G201 p. 243
• reùwe : C9
• reuwe : G201 p. 243
• rèwe : G201 p. 243
• rawe : E34, G201 p. 243
• rouwe : G201 p. 243
• roûwe : S0, G201 p. 243

E rfondou walon :

• rowe : R10 ^(lére), R11 ^(lére), R13

Ratournaedjes

pîce ki toûne

• Arabe : عجلة ^(ar) =‎ 3ajala
• Arabe marokin : ريدة ^(ary) =‎ rwida
• Catalan : roda ^(ca)
• Almand : Rad ^(de)
• Inglès : wheel ^(en)
• Espagnol : rueda ^(es)
• Francès : roue ^(fr)
• Neyerlandès : wiel ^(nl), rad ^(nl)

Etimolodjeye 2

Bodje « rowe » divins l' sinse di tourmint, did la onk ki divreut-st esse rowé.

Sustantif

singulî	pluriyal
rowe	rowes

rowe omrin

1. onk ki merite d' esse rowé, haeyåve djin.
   • On laid rowe. — Motî Haust (fråze rifondowe).
   • Rossea rowe ! — Motî Haust (fråze rifondowe).
   • Vos vs plindoz d' n' aveur nole exhowe
     C' est k' pus djonne, vos fjhîz pouri rowe. — Jean-Guillaume Levaux, ratournant Simon et Linåd (fråze rifondowe).
   • « Dj’ årè m’ manoye cwand dj’ rinterrè,
     Djôzef e-st on si haeyåve rowe.» — JVbtf, « Pitite pâquète », 1893, p.71 (fråze rifondowe).
   • Ir al nute, tot rivnant d’ so les tiers, ene loumrote mi shuva disk’ å crucifis. Sene di måleurs ! Tot rintrant cial, dji m’ trebouxha dvins les pates d’ on noer tchet ; di wice vineut i, ç’ laid rowe la ?... — Joseph Mignolet, Li tchèsturlinne dèl bèle rotche, 1922, p.24 (fråze rifondowe).
   • I sereut t' tins, måtourné rowe, ki l' vôr ti stitchreut di m' bouxhî. — Jean Dessard, D'ine cohe so l'aute, 1939, p.144, Di stoc èt d’ tèye ! Sinne dialoguêye anti-alcoolique (1927) (fråze rifondowe).

Sinonimeye

• djubet
• pindårt
• potince

Ortografeyes

Après 1900, foû rfondou (Feller, Feller ricandjî, nén Feller) :

• rowe : E1 ^(lére), E170

E rfondou walon :

• rowe : R10 ^(lére)

Li mot n’ est nén dins : E89, E203

Ratournaedjes

rowe

• Francès : individu méritant le suplice de la roue, pendard ^(fr)

Etimolodjeye 3

Tayon-bodje latén « ruga » (pleu, voye). Dataedje do mot : 1280.

Prononçaedje

• AFE :
  • diferins prononçaedjes : /rɔw/ /raw/ /ruw/ /ru/ /ruː/ /ryw/ /ryːw/ /ryːj/ /ryː/, miersipepieuzmint e l’ notule ALW 1.86 ; (oyon O/OU/U)
  • prononçaedje zero-cnoxheu : /rɔw/  ^{aschoûtez lu}
• Ricepeures : nén rcepåve

Sustantif

singulî	pluriyal
rowe	rowes

rowe omrin

1. voye avou des måjhons sol dilé, dins ene veye, on gros viyaedje Loukîz a : « avå les rowes », Loukîz a : « sol rowe ».
   • Asteure, dins les veyes, c' est a-z awè peu di trivierser les rowes — Motî Pirsoul (fråze rifondowe).
   • Mins Sambe court co todi, dijh pîs parfond, dins l' rowe.
     (…) Mins, do côp, on voet vni les coraedjeus batlîs.
     Å long d' totes les måjhones. Po saetchî leu naeçales,
     Et n' nén prinde el corant, i loynut des ficeles — Léon Bernus (fråze rifondowe).
   • Cwè çki vs wangnîz a-z aler cori les rowes ?
   • Il ont-st acaté ene måjhon k' est a front d' rowe — Franwal d' Ite, a « rue » (fråze rifondowe et rarindjeye).

• 
  Mot « rowe » dins ene plake di rowe a Okir.
• 

Ratourneures

1. avå les rowes (Levant).
2. avå l’ rowe
   • K' a-t ele co stou vijhner, po-z esse aprume rivnowe?
     K' est i seur k' ele a stou co cacter avå l' rowe. — Édouard Remouchamps, Bultén del Societé d' Lidje, Bulletin de 1858, « Li savtî », 77-143 (fråze rifondowe).
   • Et totes les djins fjhèt des cakets
     Tot veyant ces copes dispwaireyes
     Avå l’ rowe fé leus boufonreyes
     Et k’ vont-st a l’ eglijhe plins d’ peket. — Joseph Vrindts, Vîx Lîge, (1901), p.50, “Li Pèqu’teu” (fråze rifondowe).
3. dins les rowes
   • Mins Djerôme Belewe, l' criyeu del veye, doet nos (sic) apoirter l' novele et, disk' asteure, dins les rowes si sounète n' a nén co xhilté. — Paul Moureau, Contes d' aprandjire, 1932, Les cougnous dèl boune cinsrèsse, lijhåve e Feller vaici (fråze rifondowe).
4. e l’ rowe : a l’ ouxh.
   • E l' rowe, totes les djins dafaçon,
     Mågré l’ solo k’ flaxhive a foice,
     Sol boird do trotwer prindént plaece
     Po loukî passer l’ porcession. — Joseph Vrindts, Vîx Lîge, (1901), p.30, “Pauve mère !” (fråze rifondowe).
   • L’ ome ki n’ dimandéve rén s’ aveut saiwté foû do posse a ene téle vitesse k’ i s’ a rtrové el rowe sins k’ on åye li tins del vey passer. — Émile Sullon (fråze rifondowe).
5. sol rowe

Parintaedje

• rouwale

Mots d’ aplacaedje

• efant d’ avå les rowes
• efant des rowes
• tchinrowe
• grand-rowe
• tchén d’ rowe (tchén d' corote)

Sinonimeye

• voye, tchimin

Mots vijhéns

• (pitite rowe) voylete, rouwale

Notule d’ uzaedje

E walon, on-z eploye puvite li divancete « avå » ou « so » po djåzer del rowe come plaece.

Ortografeyes

Divant 1900 :

• row : E203 ^(lére)

Après 1900, foû rfondou (Feller, Feller ricandjî, nén Feller) :

• ruwe : G201, S54 p. 57
• reûye : FO105 a « rue », G201
• reùwe : C9
• rû : G201
• rûwe : C1, C8, O0, O4, G201, FO105 a « rue »
• rou : E165, G201
• roûwe : G201
• râwe : E34
• rouwe : G201
• rówe : G201
• rûye : O0, G201
• roûe : S0
• reuwe : O0, G201
• rèwe : G201
• rawe : G201
• roû : G201
• rowe : E1 ^(lére), E170, G201 p. 245

E rfondou walon :

• rowe : R10 ^(lére), R11 ^(lére), R13

• 
  Dizo cogne rifondowe « rowe » a Okir
• 
  sifwaitmint a Ôtêye
• 
  Disfondowe « reuwe » a Fosse-li-Veye
• 
  Disfondowe « rou » a Måmdiy

Ratournaedjes

voye d’ ene veye

• Arabe : شارِع ^(ar) =‎ châri3
• Arabe marokin : زنقة ^(ary) =‎ zanqa
• Almand : Strassen ^(de)
• Inglès : street ^(en)
• Espagnol : calle ^(es)
• Francès : rue ^(fr)
• Neyerlandès : straat ^(nl)

Etimolodjeye 4

Tayon-bodje latén « ruta » (minme sinse).

Prononçaedje

• AFE :
  • diferins prononçaedjes : /rɔw/ /ruː/ /ryː/
  • prononçaedje zero-cnoxheu : /rɔw/  ^{aschoûtez lu}
• Ricepeures : nén rcepåve

Sustantif

singulî	pluriyal
rowe	rowes

rowe femrin

1. (plante) coûtivêye po ses viertus come yebe ås maladeyes, ki l’ sincieus no, c’ est : Ruta spp.
   • Fijhoz ene eplåsse avou del rowe po vosse må d’ goidje. — Motî d’ Bastogne (fråze rifondowe).

• 
  Rowe des cortis.

Ortografeyes

Divant 1900 :

• row : E203 ^(lére)

Après 1900, foû rfondou (Feller, Feller ricandjî, nén Feller) :

• reûwe : C89
• rûwe : O99
• roûe : S0
• rûye : O85, O99
• roûwe : S0
• rowe : E1 ^(lére)

Li mot n’ est nén dins : R13

Ratournaedjes

yebe ås maladeyes

• Almand : Raute ^(de)
• Inglès : rue ^(en)
• Espagnol : ruda ^(es)
• Francès : rue ^(fr)
• Neyerlandès : ruit ^(nl)
• Kimon amazir marokin : ⴰⵡⵔⵎⵉ ^(zgh) =‎ awermi

Waitîz eto

• Lijhoz l’ årtike rowe (discramiaedje) so Wikipedia
• Lijhoz l’ årtike Rowe (mecanike) so Wikipedia
• Lijhoz l’ årtike Rowe (di veye) so Wikipedia
• Lijhoz l’ årtike Rowe (toponimeye) so Wikipedia