bouwêye

Walon (Rifondou)

Etimolodjeye 1

Do viebe « bouwer », avou l’ cawete « -êye », adon racuzinåve avou l' vî francès « buée ».

Prononçaedje

• AFE :
  • diferins prononçaedjes : /bu.ˈwɛːj/ /bu.ˈwej/ /bu.ˈwɛj/ /bu.ˈwe/ /bwe/ /bje/
  • prononçaedje zero-cnoxheu : /bu.ˈwɛːj/
• Ricepeures : bou·wêye

Pårticipe erirece

	singulî	pluriyal
omrin	bouwé	bouwés
femrin	bouwêye	bouwêyes

bouwêye femrin

1. femrin pårticipe erirece (fok dins ene fråze al vwès passive), do viebe : «bouwer» (laver les lokes).

Ratournaedjes

p.er. d' on viebe valant « bouwer »

• Francès : lessivée ^(fr), lavée ^(fr)

Sustantif

singulî	pluriyal
bouwêye	bouwêyes

bouwêye femrin

1. operåcion d’ lavaedje des mousmints.
   • Les femes alént fé leu bouwêye å lavoe.
   • - Wou esteuss, hê, twè, ptit laid mårticot, li nute passêye ? (dit-st i l’ Ivier å roytea k’ i vleut edjaler)
     - El rilavreye, ou çk’ on fwait l’ bouwêye. — Anatole Marchal, Li Dérène Chîje, p. 152-153 (fråze rifondowe).
2. totes les lokes ki sont lavêyes d’ on côp, u aprestêyes po ça.
   • Gn a ddja ene fameuse bouwêye po dmwin.
   • Dinez m’ vosse bouwêye si vos nd avoz; dji va fé ene machinêye.
   • On årè co des grossès bouwêyes s’ i djouwèt tos les djoûs å fotbal.
   • Alez on pô ramouyî l' bouwêye k' est sol curaedje, après, vos vénroz keuze. — Antoine Bouhon, Les Brixhes da Gèrâ, 1900, sinne VI, p.17 (fråze rifondowe).
   • Les femes ki vnént spåmer l’ bouwêye
     A Mouze, tot gruzinant ene tchanson. — Joseph Vrindts, Vîx Lîge, (1901), p.108, “Li Paradis des Ch’vâx” (fråze rifondowe).
   • Djans ! C’ est vos l’ pere des doze ! On s’ ripasse vos messaedjes
     Et vosse måssîte bouwêye n’ irè måy sol curaedje. — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Pasquèye », 1922, p.109 (fråze rifondowe).
   • Alez la ! Dispindoz vosse bouwêye, vos alez co fé sogne a mes colons ! — Paul-Henri Thomsin, ratournant "Li vî bleu 2" da François Walthéry & Raoul Cauvin, 1980 (fråze rifondowe).
3. poude di savon ki sieve a bouwer al machene.
   • Ass veyou li rclame pol novele bouwêye d’ Omo ?

Ratourneures

1. esse dins ene måssîte bouwêye : esse må prins. rl a: esse dins l’ prustin. F. être dans le pétrin.
2. esse si maigue k’ on lyi voet s’ plantche al bouwêye
3. ni nén souwer si bouwêye so des bassès håyes
4. on n’ est nén rissouwé d’ ene bouwêye a l’ ôte ou on n’ est måy rissouwé d’ ene bouwêye a l’ ôte

Parintaedje

• Ribouwêye : no d’ ene rowe di Lidje
• Loukîz a : « bouwer »

Mots d’ aplacaedje

• machine al bouwêye

Sinonimeye

• (operåcion) : lavaedje, bouwaedje
• (mousmints lavés eshonne dins ene machine al bouwêye) : machinêye

Dizotrins mots

• blancs, bleus
• cindrê
• plantche bouwêyrece
• ayide
• rilavreye

Ortografeyes

Divant 1900 :

• boûwaie : E89 ^(lére), E177a ^(lére), E203 ^(lére)

Après 1900, foû rfondou (Feller, Feller ricandjî, nén Feller) :

• bouée : C9
• bouwéye : C13
• buwéye : C1, C8, O0, O4
• bouwêye : E1, E34
• bouwée : C9
• buwêye : O2

E rfondou walon :

• bouwêye : R9 ^(lére), R10 ^(lére), R13

Ratournaedjes

operåcion d’ lavaedje des mousmints

• Arabe marokin : tçebin =‎ تصبين = تْصبين
• Almand : Laugen ^(de)
• Inglès : wash ^(en), washing ^(en)
• Francès : lessive ^(fr)
• Neyerlandès : was ^(nl)

totes les lokes ki lavêyes d’ on côp

• Arabe marokin : tçebin =‎ تصبين = تْصبين
• Almand : Wäsche ^(de)
• Inglès : laundry ^(en)
• Espagnol : colada ^(es)
• Francès : lessive ^(fr), linge ^(fr) sale
• Neyerlandès : was ^(nl), wasgoed ^(nl)

Etimolodjeye 2

Eprontaedje do francès « buée » (minme sinse).

Sustantif

singulî	pluriyal
bouwêye	bouwêyes

bouwêye femrin

1. (fizike) wapeur ki s' plake ås cwåreas.
   • Avou l' masse, gn av del bouwêye plin mes berikes.

Ratournaedjes

wapeur

• Francès : buée ^(fr)

Walon (viye rifondowe)

bouwêye

1. viye rifondowe, ki n’ est pus (waire) eployeye, di « bowêye »