broûler

Walon (Rifondou)

Etimolodjeye

Spotchî aplacaedje di : vî francès « bruir » do tayon-bodje vî francike * « brōjan » ‎(« brouler ») eyet vî francès « usler » do tayon-bodje latén « ustulāre » ‎(« hati »).

Prononçaedje

• AFE :
  • diferins prononçaedjes : /bʀuː.ˈle/ /bʀyː.ˈle/ /bʀyː.ˈlɛ/
  • prononçaedje zero-cnoxheu : /bʀuː.ˈle/
• Ricepeures : broû·ler

Viebe

broûler (1^ire troke) (codjowaedje) (å prono : si broûler)

1. (v. sins coplemint) esse e feu.
   • Les femes ont metou broûler des tchandeles, mins a mi shonnance, li vî Sint Rok diveut esse pôfoirt. — Émile Gilliard (fråze rifondowe).
   • A Lidje, e 1185 : li palå et l’ catedråle broûlèt.
   • E 1066, les Bordjoes ont bén vlou rbasti Hu, k’ aveut broûlé.
2. (viebe å coplemint) mete e feu.
   • Fé broûler do bwès dins li tchminêye.
   • Li feu a broûlé ene pîce foû di m' sårot. — Motî Forir (fråze rifondowe).
   • Les deus femes broûlént les rantchons des crompires. — François Nyns (fråze rifondowe).
3. diner foirt tchôd, ki ça fwait må, come di mete si mwin e feu.
   • El froed ki trawe et l’ bijhe ki groûle n’ apåjhtèt gote li five ki m’ broûle. — Fré Matî (fråze rifondowe).
   • El solea broûle nosse pea
     Et restchåfe nos oxheas. — Charles Staquet (fråze rifondowe).
4. (viebe å coplemint) rosti sacwantès dinrêye.
   • Broûler do cafè, del cécoreye, do laton. — Motî Forir (fråze rifondowe).
5. (viebe å coplemint) (mot d’ vignuron) tourner li souke d' on likide a gote.
   • Broûler do brandvin d' France. — Motî Forir (fråze rifondowe).
6. (v. sins djin) (mot d’ medcén) fé del poenne tot djåzant del five.
   • Li tiesse mi broûle. — Motî Forir (fråze rifondowe). — Motî Haust (fråze rifondowe).
   • Li five ki lyi broûléve li tiesse et ki fjheut crîner ses dints, lyi rprezintéve Tchîvrimont avou ses porminådes al dilongue del rivlete, la k' Critchon bracnéve ås trûtes, et ses coûsses avå les pierdous pazeas des tiers. — Joseph Mignolet, Vè l' loumîre, (1922) (fråze rifondowe).
7. (viebe å coplemint) (tindreye) sboirgnî èn oujhea por lu mî tchanter e s' gayole.
   • Après l' aveur kitoûrné dvins ses doets,
     I l' ewalpa bénvite e s' noret d' potche,
     Tot djhant : « Ci doet esse on vilmeus !
     Djel va fé broûler di m' sorodje. » — Jean Dessard, D'ine cohe so l'aute, 1939, p.157, Li roûpèye èt l’ pinson (fråze rifondowe).

Ratourneures

1. broûler a craheas
2. broûler l’ cou
3. broûler l’ djoû
4. broûler l’ ouy
5. ci n’ est nén on feu ki broûle
6. leyî broûler po èn ôte çou ki n’ cût nén por lu
7. broûler l’ pea : lyi fé prinde ene bele brune coleur, tot djåzant do solea.
8. i broûle
9. i gn a rén ki broûle
10. si al Sint Elwè vos broûlez vosse bwès, troes moes å long, vos åroz froed
11. ès broûler les mousteas
12. li ci ki n’ si vout broûler, k’ i n’ våye nén près do feu
13. li ci ki s’ a broûlé l’ cou i n’ a k’ a s’ ashir so ses clotchetes : i fåt sopoirter les shûtes di ses biestreyes.

Sinonimeye

• rayi

tot djåzant di nouriteure

• hati

tot djåzant d' ene sacwè k' endè va e blames

• årder

Parintaedje

• broûlant
• broûlé
• broûlaedje, broûlmint
• broûleu, broûleure
• broûloe
• ribroûler

Ortografeyes

Divant 1900 :

• broûlé : E177a ^(lére)
• broulez : E212 ^(lére)

Après 1900, foû rfondou (Feller, Feller ricandjî, nén Feller) :

• broûler : E1, E21, E34
• brûlè : C8
• brûler : C9, O0, O2, O3, O51

E rfondou walon :

• broûler : R9 ^(lére), R10 ^(lére), R13

Ratournaedjes

broûler

• Francès : brûler ^(fr)

li ci ki s’ a broûlé l’ cou i n’ a k’ a s’ ashir so ses clotchetes

• Francès : quand le vin est tiré, il faut le boire ^(fr)

sboirgnî èn oujhea por lu mî tchanter e s' gayole

• Francès : éborgner un oiseau pour qu'il chante davantage dans sa cage