ewaerant

Walon (Rifondou)

Etimolodjeye

Bodje « ewaerer- », bodje nén cnoxhou do viebe « ~ » avou l’ cawete « -ant », çou ki dene on mot avou l’ betchete « e- » d’ ecloyaedje

Prononçaedje

• AFE :
  • diferins prononçaedjes : /ɛ.wɛˈ.ʀã/ /ɛ.wa.ˈʀã/ /ɛ.wa.ˈʀɔ̃/ /a.wa.ˈʀã/
  • prononçaedje zero-cnoxheu : /ɛ.wɛ.ˈʀã/
• Ricepeures : ewae·rant

Pårticipe prezintrece

ewaerant (nén candjåve)

1. pårticipe prezintrece do viebe « ewaerer ».
   • E s’ ewaerant, li tchvå a ståré l’ cavalî.

Addjectif

	singulî	pluriyal
omrin	ewaerant	ewaerants
femrin padrî	ewaerante	ewaerantes
femrin padvant	ewaerante	ewaerantès

ewaerant omrin (come addjectif djondrece, metou padvant u padrî l’ no)

1. k' ewaere, ki fwait awè peu.
   • Ciste ewaerante loumire shut les aroyes
     D’ avå les tchamps,
     Si trebouxhe so ene oirbire et fwait tot s’ kitoirtchant
     Des grabouyaedjes di rodjès royes. — Jules Claskin, « Airs di flûte et autres poèmes wallons », édition critique de Maurice Piron, 1956, « Li plope », 1923, p.33 (fråze rifondowe).
   • Et nos rwaitant d' ewaerantès nûlêyes
     Bizer a l' astcheyance, come des cavales emacralêyes — Jean Guillaume, Disk' å solea p. 33 (fråze rifondowe et rarindjeye).
   • Cwand l' mere di crapåd-volant rivént å ni, ele nos mostere èn ouy ewaerant d' oujhea d' nute — Léon Demarche (fråze rifondowe et rarindjeye).
2. ki sorprind.
   • Vos aloz vey ene sacwè, infén ene sacwè d’ ewaerant, di miråculeus ! — Henri Simon, « Janète » 1911, (eplaidaedje da Jean Haust di 1936), p.113 (fråze rifondowe).
   • Ça fwait ki, come l' Univiers est åk d' ewaerant, on-z est tofer a cachî après des ôtès esplikêyes — Lorint Hendschel.
   • Adon, i s' a metou a m' carwaitî; i rescouléve on pô so s' xhame come po mî vey; il aveut l' air k' i tuzéve bén lon; après ene hapêye, i låtcha: « Ewaerant! Mostrez m' on pô vos mwins» — Lorint Hendschel, So l’ Anuti (fråze rarindjeye).
   • Mins li pus ewaerant d' tot c' est motoit çou ki nos a-st arivé ersè, divant di nos eroter pol Burmaneye — Lucyin Mahin.
3. fameus.
   • Dji m' kitoûne so m' cossén sins oizeur troubler l' ewaerante pinsêye ki vs cweroz å plafond. — Joseph Mignolet, "Li vôye qui monte" (1933), p.31 (fråze rifondowe).

Sinonimeye

ki fwait sogne

• teribe
• abominåbe

ki sorprind

• sbarant
• etonant
• drole

fameus

• clapant
• rimarcåve

Parintaedje

ewaeranmint

Ortografeyes

Après 1900, foû rfondou (Feller, Feller ricandjî, nén Feller) :

• èwèrant, èwèrante : E34
• èwarant, èwarante : C99, E1
• èwarant : C1, C9, C13
• èwèrant : E165

E rfondou walon :

• ewaerant, ewaerante : R10 ^(lére), R13

Ratournaedjes

ki fwait awè peu

• Inglès : frightening ^(en)
• Francès : effrayant ^(fr), hallucinant ^(fr)
• Neyerlandès : verschrikkelijk ^(nl)

ki sorprind

• Almand : erstaunlich ^(de), überraschend ^(de)
• Inglès : surprising ^(en)
• Francès : étonnant ^(fr), surprenant ^(fr)
• Neyerlandès : verbazend ^(nl)