faleur

Walon (Rifondou)

Etimolodjeye

Tayon-bodje latén « fallere » (fali, manker), avou l’ cawete di codjowaedje « -eur » des viebes.

Viebe

faleur (v. sins djin) (5^inme troke) (codjowaedje)

1. esse oblidjî d’ aveur.
   • I fåt des cayets d’ bwès po-z esprinde li feu.
   • I m’ fåt ene novele cote.
   • On-z årè bea préjhî l’ borgogne
     Ou tos les ôtes véns ki vnèt d' ôte pårt;
     Li gosse etrindjir mi cafogne,
     Ossu c' n'est nén çoula k' i m' fåt. — Louis Lagauche, "L' inmant", (1947), Li briyolet, Tchanson d’on vî Hutwès, p. 143 (fråze rifondowe).
2. aveur mezåjhe.
   • Les båsheles pôront danser,
     C' e-st on sfwait k' elzî faleut. — Henri Forir, Blouwett lîgeoiss, Li kuré d'sain viçain, 1843 (fråze rifondowe).
3. (aidant viebe) esse oblidjî di, diveur (s’ eploye sovint avou on prono d’ djin).
   • I m’ a falou cori evoye.
   • El fåt aler rcweri.
   • I nel fåt nén leyî tot seu.

   Fåt i esse biesse d’ aveur sitî fé ça ! : sclameure po onk k’ a fwait ene biestreye.

4. s’ endè faleur : manker.
   • I s’ end a falou d’ pôk ki ça n’ arivaxhe.
   • I s’ endè fåt d’ bråmint.

Ratourneures

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

1. faleur après (ene sacwè) : faleur aler cweri.
   • Et les mitchots k’ faleut après — Simon li scrinî (fråze rifondowe).
2. fåt bén : on-z est (cåzu) oblidjî.

   Loukîz a: fåt-bén.

3. c’ est do "pask’ i fåt bén" : åk k’ on fwait (må) pask’ on est oblidjî.

   Loukîz a: corwêye.

4. I fåt bén tot : dijhêye ki mostere:
   1. k’ ene sacwè est lon d’ esse bén fwaite.
   2. k’ ene djin est co bén fayeye u disbåtcheye. F. pas brillant.
5. i n’ fåt k’ on côp u : i n’ fåt ki (di) + viebe : dijhêye po cåzer d’ on ptit risse, d’ ene pitite astcheyance, mins ki pout cwandminme avni.
   • I n’ fåt k’ ene vatche intrer dins l’ corti po pitrouyî totafwait.
   • I n’ fåt k’ d’ fote ene aloumete.

   Loukîz a: sufi. F. il suffit de, il y un petit risque, une probabilité que.

6. i fåt çk’ i fåt : dijhêye cwand on î va on pô roed. Franwal: ahåyant po: "la fin justifie les moyens".

Mots d’ aplacaedje

• comifåt
• fåt-bén

Ortografeyes

Divant 1900 :

• faleûr : E203 ^(lére)
• faleur : E177, E178, E184

Après 1900, foû rfondou (Feller, Feller ricandjî, nén Feller) :

• falu : C1, C9, C11
• falwêr : O4, FO4
• faleur : S0
• folwêr : O4, FO4
• faleûr : E1, E34
• fali : C8
• falèr : S0

E rfondou walon :

• faleur : R9 ^(lére), R13

Ratournaedjes

esse oblidjî d’ aveur

• Francès : falloir ^(fr)