foice

Walon (Rifondou)

Etimolodjeye

Tayon-bodje latén « fortia », lu-minme di l' addjectif «fortis», adon racuzinåve avou espagnol « fuerza » et l' itålyin « forza ».

Prononçaedje

• AFE :
  • diferins prononçaedjes : /fwas/ /fwɛs/ /fwaːs/ /foːʀs/ /fɔ̃ʀs/ /fuːs/ /fuːʀs/ (betchfessî oi)
  • prononçaedje zero-cnoxheu : /fwas/
• Ricepeures : nén rcepåve

Sustantif

singulî	pluriyal
foice	foices

foice femrin

1. capåvté do ci k' est foirt, del cene k' est foite.
   • Diåle-e-coir, n' ass pus del foice ? — Jean Lechanteur, Documents pour l'étude du wallon des 17e et 18e siècles, (35), 1768 (fråze rifondowe).
   • Alez! Si dj' aveus l' foice, vs årîz-t-ene pingneye — Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).
   • Il a bea fé l' cråne et nos håyner ses foices,
     Li måleur pout l' ewalper dvins s' cafu. — Martin Lejeune, Œuvres lyriques du poète wallon Martin Lejeune, p. 110, "Ås vîs djônês" (fråze rifondowe).
   • Cwand l’ palasse del fatålité
     Nos vént prinde a pårt, nos ravôteye,
     Nos n’ avans nén pus onk ki l’ ôte,
     Ni l’ foice, ni l’ pouvwer do rbouter
     Li måleur ki nos acåbele. — Joseph Vrindts, Vîx Lîge, (1901), p.12, “Li Bonne Chance fait tot” (fråze rifondowe).
   • Tant k' dj' end årè l' foice, ca çoula m' revinte, dj' el brairè djourmåy come on franc Walon — Émile Wiket, Frûzions dè coûr, p.168 (fråze rifondowe).
   • A l’ årvier, li prumire bouye di nos politicyins divreut esse do refoircî li sintimint nåcionål walon, li firté walone, come foice po-z enonder li rnovea del societé walone tote etire — Lorint Hendschel.
2. efoirt, saye k' on fwait po-z ariver a åk, et k' c' est nén åjhey (sortot dvins l' vierbire « fé ene foice »).
   • Cwand l' pexhon esteut ene idêye gros, i vs fåreut vey kimint ki l' rapexheu s' kitråynéve po dire del fé passer tot etir e s' buzea. I s' kitoirtchive et fjheut des foices tot parey k' alaxhe sitronner — Jean Lejeune di Djoupeye, Avå trîhes èt bwès, p. 180 (fråze rifondowe).
   • Po n' nén meskeure mi coraedje a m' patreye
     Dj' end a ndalé po dner mes foices ôte pårt. — Louis Lagauche, L'aimant, (1947), Li tchanson d’ l’aveûle, p. 154 (fråze rifondowe).
3. (fizike) exhowe ki pout fé bodjî ene sacwè.
   • Li foice del djalêye. — Motî Forir (fråze rifondowe).
   • Li foice do poure, do vint, di l' aiwe. — Motî Forir (fråze rifondowe).

Ratourneures

1. a foice
2. a foice di
3. a foice ki
4. a tote foice
5. di foice
6. di totes ses foices
7. èn nén cnoxhe ses foices : dijhêye a ene sakî k' a spiyî ene sacwè télmint k' il a bouté dsu.

   F. il ne connaît pas l'étendue de ses forces.

8. esse di foice
9. prinde des foices, riprinde des foices
10. fé ene foice
11. fé ene foice so lu-minme
12. foice di
13. foice ki
14. li foice di l’ adje
15. si fé dner d’ foice

Parintaedje

Loukîz a : « foirt »

Mots d’ aplacaedje

• foû foice
• toû di foice

Ortografeyes

Divant 1900 :

• foisse : DEWJLec (1758)
• foiss : E203 ^(lére)
• fuasse : E212 ^(lére)

Après 1900, foû rfondou (Feller, Feller ricandjî, nén Feller) :

• fwâce : S117
• fôce : O0, O90
• fôrce : O0
• foûrce : O4
• fwèce : E34, E165 p. 186, E170
• fwace : C8, C9, S0

E rfondou walon :

• foice : R9 ^(lére), R10 ^(lére), R13

Ratournaedjes

cwålité do foirt

• Espagnol : fuerza ^(fr)
• Francès : force ^(fr)

saye po-z ariver a ene sacwè

• Francès : effort ^(fr)

enerdjeye ki fwait bodjî

• Espagnol : fuerza ^(fr)
• Francès : force ^(fr)