muzete

Walon (Rifondou)

• 
  Moulet avou s’ muzete
• 
  djouweu d' muzete

Etimolodjeye

Tayon-bodje patwès latén « musus » avou l’ cawete « -ete ».

Prononçaedje

• AFE :
  • diferins prononçaedjes : /myː.ˈzɛt/ /my.ˈzɛt/ /mœ.ˈzɛt/ (minme prononçaedje cåzu pattavå)
  • prononçaedje zero-cnoxheu : /myː.ˈzɛt/
• Ricepeures : mu·zete

Sustantif

singulî	pluriyal
muzete	muzetes

muzete femrin

1. saetch di toele ki pind al sipale, po mete ene marinde.
   • Bondjoû les gades, vos avoz fwin k’ vos estoz si mwinres ? I dmeure on crostion d’ pwin d’ agaesse dins m’ muzete. — Josée Mathot (fråze rifondowe).
   • Mins leu marinde esteut rayeye dins leu muzete. — Georges Smal (fråze rifondowe).
   • Po s’ edoirmi, nos avéns a côper l’ loumire, et l’ rimete a l’ pikete do djoû po poleur rimpli l’ bidon et l’ muzete. — José Schoovaerts (fråze rifondowe).
   • Gn-aveut lès-ovrîs avou leûs musètes
     Gn-aveut lès scolîs èt leûs malètes
     — Émile Hesbois.
2. saetch k’ on ataetche al tiesse des tchvås, avou leu picotin dvins.
   • Metoz l’ muzete å tchvå. — Motî d’ Bastogne (fråze rifondowe).
   • Doné moenne si bayå,
     Noyé si ptite morete,
     Sol tins ki l' gros Biernåd
     Shût tot rloyant s' muzete. — Jean Dessard, D'ine cohe so l'aute, 1939, p.108, Lès tchèrons d’ mon Dètrîhe (1905) (fråze rifondowe).
   • A Othêye*, li mwaisse do sployon leya shofler s' rot dvant s' djîsse et s' lyi dna t i ene muzete d' avoenne — Joseph Mignolet, "Vé l’loumîre" (1922) (fråze rifondowe).
3. (muzike) pipsak.
   • Mins cuzene Lisbete
     N' oyoz vs nén Noyete
     Ki danse tot djouwant del muzete? — NW (fråze rifondowe).

Ratourneures

1. ki l’ Bon Diu l’ mete e s’ muzete : dijhêye po onk k’ est moirt
2. ki l’ Diåle li coberôle et l’ tchôke e s’ muzete : sohait d’ moirt a ene djin veyowe evi.

Parintaedje

• muzetlêye
• Loukîz a : « muzea »

Sinonimeye

• (saetch di toele poirté so li spale): bezaece, malete; Loukîz a : « bezaece »
• (pipsak): Loukîz a : « pipsak »

Mots vijhéns

carnassire

Dizeutrins mots

saetch

Ortografeyes

Après 1900, foû rfondou (Feller, Feller ricandjî, nén Feller) :

• musète : C13
• muzète : C8, C106, S0
• mûsète : S36 ^(lére)
• mûzète : E170

E rfondou walon :

• muzete : R10 ^(lére)

Li mot n’ est nén dins : R13

Ratournaedjes

saetch di toele poirté so li spale

• Francès : musette ^(fr)

saetch ataetchî al tiesse des tchvås

• Inglès : horse feeding bag
• Francès : sac de nourriture du cheval (nén ratournåve direk e francès)

pipsak Loukîz a : pipsak

• Francès : musette ^(fr)

Waitîz eto

Lijhoz l’ årtike muzete (discramiaedje) so Wikipedia