marinde

Èn årtike di Wiccionaire.
Potchî a: naiviaedje, cweri

Drapea walon Walon

Etimolodjeye et tcherpetaedje

Tayon-bodje latén «merenda» (eurêye di cwatre eures).

dalaedje.gif

Prononçaedje

Disfondowes: marinde, marède, marêde, marade, marindje.

marinde [f.n.]

1. eurêye k' on magne a nonne. Li ci ki wangnrè l' djambon, on djalozrè s' djoye et s' marinde (P. J. Dosimont). rl a:

2. amagnî k' on-z epoite po magnî a nonne, copurade des fadêyes (tåtes). I prind ses marindes po-z aler travayî (R. Hostin). Dj' a metou on bon boket d' lård dins vosse marinde (L. Pirsoul).

3. pitit amagnî k' on-z epoite po-z aler pormoenner. I n' si fåt nén mete e rote sins marinde.

4. (pa stindaedje) li ptite malete di toele k' on mete ci amagnî la dvins.

5. amagnî k' on va cweri å restorant, mins k' on rprind avou lu. Vén, dj' irans cweri ene marinde å Quick.

7. (foclore) eurêye ki ls efants fjhént tins d' l' après-nonne dins l' Payis Gåmet, å cwarmea, u å Grand Feu. Les efants alént dmander des oûs, pu il alént fé l' marinde emey les tchamps.

8. (mot d' acleveu) mizrete (coir k' est dins l' bouye des aiwes do vea, do polin, et k' on croet k' i magne cwand k' il est dins l' velire). F. hippomane.

Ratourneures
  1. >> si fé a marinde; u: >> fé s' marinde : si saveur fé a magnî. F. faire la cuisine.
  2. >> A l' marinde ! houcaedje po tertos vni mareder. F. à table.
  3. >> après l' marinde : å cminçmint d' l' après-nonne, di 13 a 15 e. rl a: après-l'-marinde.
  4. >> divant l' marinde : del matinêye. rl a: divant-l'-marinde.
  5. >> il est tene dou çk' on mete li marinde : dijhêye d' èn ome k' a on vinte come ene plantche.
  6. >> Ci n' est nén al marinde des tchéns k' i fåt aler po-z aveur des oxhs : dijheye po ene sakî ki dmande åk a des djins ki nd ont dandjî.
  7. >> poirter, apoirter a marinde, poirter l' marinde : poirter a magnî ås djins ki travayèt dins les tchamps, les cårires, les oujhenes. Et c' esteut on troejhinme domestike ki lyi vneut apoirter a marinde (L. Mahin).
  8. >> fé marinde : magnî dins les bwès les prandjirons k' on-z a prin e s' malete.
  9. >> wangnî s' marinde : bouter po wangnî s' veye, si crosse. E scole, i fåt bén aprinde On n' est nén todi efant Pus tård, on wangnrè s' marinde (C. Wérotte). F. gagner sa croûte.
Parintaedje
Sinonimeye
Sipårdaedje do mot e 20inme sieke

Basse Årdene, Bote di Djivet, w. do Mitan (payis d' Dinant et Cînè)

Ratournaedjes
  • fr= F. déjeuner, repas de midi., Gm. marade, marède
  • F. pique-nique, casse-croûte, provision, dînette.
  • F. repas à emporter.