oizeur

Walon (Rifondou)

Etimolodjeye

Tayon-bodje latén * « ausare » estô d' « audare » (minme sinse), avou l’ cawete di codjowaedje « -eur » des viebes. Sorlon Haust, li candjmint d' cawete sereut on raprepriaedje avou les aidants viebes « poleur », « voleur », « faleur ». A rmete avou d' ôtes lingaedjes romans come l' itålyin itålyin « audare », l' espagnol « osar », l' occitan « ausar », li ou l' francès « oser ».

Prononçaedje

AFE :
- diferins prononçaedjes : /wɛ.ˈzøːʀ/ /uː.ˈzwɛːʀ/ /uː.ˈze/ /ɔː.ˈzɛ/ /wɛ.ˈzøː/ /wɛ.ˈzi/ /wɛ.ˈzu/ prononcî eto avou on m divantrin /mwɛ.ˈzu/^[1] ; (betchfessî oi)
- prononçaedje zero-cnoxheu : /wa.ˈzøːʀ/
Ricepeures : oi·zeur

Viebe

Djin et tins	Codjowa
Cåzant Ind. pr. (dji, dj’)	oize
Atôtchî(s) Ind. pr. (vos, vs)	oizoz
Cåzants Ind. pr. (nos, ns)	oizans
Rwaitants Ind. pr., nam. (i/il, ele/elle)	oiznut
Cåzant Ind. fut. (dji, dj’)	oizrè
Cåzant D.I.E. (dji, dj’)	oizeu
Cåzant Suddj. pr. (ki dji, dj’)	oize
pårt. erirece (dj’ a, vos av)	oizou

oizeur (viebe å coplemint)

aveur l’ ôdace oubén l’ coraedje di fé ene sacwè.
- I n’ a nén oizou daler lyi pårler.
- On n’ a pus ni plaijhi ni djoye,
  On n’ oize shofler avå les voyes,
  On-z est pinsif, trisse et peneus,
  On n’ voet k’ des vizaedjes påles et bleus. — Marian de Saint-Antoine, Paskeie di J’han Sapire, poirteu â seigge, 1795, tecse lijhåve e Feller vocial et schoutåve vola (fråze rifondowe).
- Ele ni oizreut dire li contraire,
  Dji lyi direu k' ele a bourdé. — Henri Simon, Li pan dè bon Diu : Recueil complet des Poèmes wallon de Henri Simon, "Fåt bate li fiér tant qu’il èst tchaud" (1884) (fråze rifondowe).
- Schovlete, schovlete, schovlete, a bas les decorés,
  Breyît tos les colons tot loucant di m' costé,
  Ces magneus d' pan payård et dji louke a m' botnire.
  Çou k' esteut pindou, dji n' oizreu nén vzel dire. — Toussaint Brahy, Toussaint Brahy, œuvres wallonnes posthumes, Li songe da Babilone, 1887, p.37 (fråze rifondowe).
- Taijhoz vs, respondèt ele, honteuses :
  Cwand l’ amour tchoezixh ses hanteuses
  Nouk ni oizreut s’ endè bezer — Martin Lejeune, "L’amour vint dè passer", dins « L’année des poètes » (1892), p. 230 (fråze rifondowe).
- On n’ oize nén, veyoz vs, s’ aprepyî
  Del flouxhe k’ est todi bén flotchtêye. — Joseph Vrindts, Vîx Lîge, (1901), p.155, “Vîx Rivage” (fråze rifondowe).
- Vacobén k’ on n’ tuze nén tot hôt : on n’ oizreut djourmåy pus pinser. — Arthur Xhignesse, Bwègnes mèssèdjes èt p'titès gotes, (1905), p.7 (fråze rifondowe).
- Po esse divins mes ptits solés, ça, dji l' esteu; dji n' loukive ki mes betchetes; dji n' oizreu nén djurer ki dji n' lyi a nén fwait ene sierviteure. — Guy Belleflamme (fråze rifondowe).
- Trevåtchî l' Fagne al nive? Ni fjhoz nén cisse biestreye la. Dj' ô bén k' les frådeus et les bracnîs ni s' î oizèt minme pus risker, asteure ki ele ravize ene grande mer di nivaye — Andrée Sougnez (fråze rifondowe et rarindjeye).
- On passéve avou l' hoûlåd del djipe ki boerléve, et les blancs mousmints avou l' rodje crexhant d' lune des ekipes medicales, sins trop si rtourner des mitrayetes ki n' oizrént tolminme nén tirer — Lucyin Mahin.
(å condicioneu et avou l' simpe noyaedje) ni nén esse capåve di pinser, ni nén si poleur herer e l' tiesse.
- S’ il arive k’ a foice coraedje,
  On gostêye çou k’ esteut l’ avni,
  On n’ oizreut mzurer tant d’ ovraedje
  Avou l’ pô d’ djoye ki dveut avni. — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Quî sét ?», 1909, p.134 (fråze rifondowe).