palete

Walon (Rifondou)

Etimolodjeye

Bodje « pal- » ‎(« påle ») (avou candjmint d’ voyale) avou l’ cawete « -ete ».

Sustantif

singulî	pluriyal
palete	paletes

palete femrin

1. (usteye) usteye do maçon, po mete do moirtî dsu.
2. sistinme po l' plafoneu poirter l' plåsse so s' dos.
   • I prind do moirtî al plåstrece sol palete — Motî d’ Nivele (fråze rifondowe et rarindjeye).
3. (ahesse di manaedje) pitite schoupe al houye.
   • Bayîz mu el palete å tcherbon — Motî d’ Nivele (fråze rifondowe et rarindjeye).
   • Prindoz ç' tcherbon la avou ene palete — Motî d’ Cerfontinne (fråze rifondowe et rarindjeye).
4. pitite påle po ramasser ås poûssires.
   • Come les tcholeurs estént foites,
     Vla k' on m' dene mes ahesses:
     Rimouyoe, ramon, ene palete
     — François Barillié, divins Li camarad′ dè l'joie, 1852 (fråze rifondowe).
5. (imådjreçmint) grande mwin.
   • Li djonne feye a metou ses ptitès mwins dins les grandès paletes di l' aveule — Marcel Van Splunter, Emile Botaye (fråze rifondowe).
6. (pexhon) plat pexhon, come ene åblete, mins nén si blanke et pus lådje, ki l’ sincieus no, c’ est : Alburnoides bipunctatus.
7. (Wisconsene) batant, pedale.

• 
  l' osti des maçons
• 
  palete å tcherbon
• 
  li pexhon

Ratourneures

1. esse fotou a l' ouxh come on stron so ene palete / come on stron so ene palete
2. ovrer al gåtche palete; djouwer al gåtche palete

Parintaedje

• paltêye
• påle

Mots d’ aplacaedje

• al palete

Ortografeyes

Divant 1900 :

• palett : E203 ^(lére)

Après 1900, foû rfondou (Feller, Feller ricandjî, nén Feller) :

• palète : C8, E165, G205, G208, O2, O4, S0, S117
• = pallet (palete) : C74

Ratournaedjes

usteye do maçon

• Francès : truelle ^(fr)

pitite påle å tcherbon

• Almand : Kohlenschaufel ^(de)
• Francès : pelle à cendres ^(fr)
• Suwedwès : kolskyffel ^(sv)

usteyes ås poussires

• Francès : ramassette ^(fr), pelle à balais ^(fr)

grosse mwin

• Francès : paluche ^(fr)

grosse åblete

• Almand : Schneider ^(de)
• Francès : spirlin ^(fr), ablete spirlin ^(fr)
• Neyerlandès : gestippelde alver ^(nl)

Waitîz eto

• Lijhoz l’ årtike palete so Wikipedia (discramiaedje)
• Lijhoz l’ årtike palete (di maçon) so Wikipedia
• Lijhoz l’ årtike palete (pexhon) so Wikipedia