paret

Walon (Rifondou)

Etimolodjeye

Do viebe « parexhe » troejhinme djin di l' indicatif prezintrece

Prononçaedje

• AFE :
  • diferins prononçaedjes : /pa.ʀɛ/ /pa.ʀi./ /pa.ʀɛː/ Prononçaedje a radjouter
  • prononçaedje zero-cnoxheu : /pa.ʀɛ/
• Ricepeures : nén rcepåve

Advierbire

paret (nén candjåve)

1. acsegne ki c' est dandjreus vraiy.
   • Schoûtez come Derik est fayé: il a scoryî l' meskene, paret — Jean-Luc Fauconnier (fråze rifondowe).
   • Si l' cote ni fwait nén l' priyesse, ebén, mafrike li sårot fwait co l' Tiesse di hoye, paret — Jean-Denys Boussart.
2. mostere ki c' est l' vraiye (sovint avou di l' ironeye, ene miyete di måvlaedje).
   • Nos estans seur segnîs, dai ! K’ avans ns bén fwait å Bon Diu, paret ! — Henri Simon, « Li bleû-bîhe » 1886, (eplaidaedje da Jean Haust e 1936), p.28 (fråze rifondowe).
   • Si tchestea tome e blesse et ses djins n' ont waire di cwè viker, mins lu est ritche, paret …— Paul-Henri Thomsin, ratournant e walon Walon’rèye, tére di lédjindes, 1998, p. 49 (fråze rifondowe).
3. pol rawete.
   • JANETE. - Ebén l' voyaedje, kimint a t i stou ?
     RIDANT. - Foirt bén, Janete, merci.
     Et nos ravans nosse Meliye, paret !— Henri Simon, "Janète" (1911), eplaidaedje da Jean Haust di 1936), p.150 (fråze rifondowe).
4. (dins èn arinnoe) sieve a tchôkî l' arinnoe a co tuzer ene miete.
   • c' est des cwårs, paret!
   • vos loucroz di vni, paret !
5. (dins èn arinnoe) mostere k' on-z ouxhe divou î pinser pus timpe.
   • c' est les shûtes, paret!
6. (dins èn arinnoe) rafoircixh ki çou k' on dit n' esteut nén çou k' rawårdéve l' arinnoe.
   • c' est ki: ça n' si djowe nén, la, ça, paret
7. (dins èn arinnoe) efén, al fén des contes.
   • vo vs la, paret!
   • —Kimint?… Qwè?… Çoula ni v’ fait nin v’ni foû d’ vos clicotes, parè? — Joseph Vrindts, Tot tûsant (1924), In’ Ouy’ di Crâhe, p.315.
8. al fén del fråze divant l' prono tonike pol mete e valeur.
   • C’ est ki dji n’ a nén sogne, paret, mi ! — Henri Simon, « Sètche, i bètche » 1889, (eplaidaedje da Jean Haust e 1936), p.49 (fråze rifondowe).
   • Vos estoz del boune anêye, paret, vos, d' après çou k' vos m' avoz dit ki ravizéve, dji wadjreu po m' tiesse ki c' est lu.— Joseph Vrindts, « Li pope d'Anvers » (1896), p.76 (fråze rifondowe).

Sinonimeye

• (k' est motoit veur) : dandjreus, probåbe

Ortografeyes

Après 1900, foû rfondou (Feller, Feller ricandjî, nén Feller) :

• parêt : C8
• paret : S117
• parè : E165
• parèt : C99, S17
• parit : S0, S117

E rfondou walon :

• paret : R10 ^(lére), R13

Notule d’ uzaedje

Ci mot est målåjheymint ratournåve e francès. Si sins vareye bråmint sorlon les fråzes et sovint nén foirt clair. On l' pout-st ossu eployî avou d' ôtes mots-arinnoes come don, edon, endon, ça, douwô, taiss, la, alez, djans, va, ô, saiss

Ratournaedjes

sorlon çou k' on dit

• Francès : parait-il ^(fr), à ce qu'il parait ^(fr), dit-on ^(fr)

mostere ki c' est l' vraiye (sovint avou di l' ironeye, ene miyete di måvlaedje

• Francès : évidemment ^(fr), sans surprise ^(fr), tu parles ^(fr), comme par hasard ^(fr), c'est ça ^(fr)

dandjreus

• Francès : apparemment ^(fr), visiblement ^(fr), de toute évidence ^(fr)

pol rawete

• Francès : en plus ^(fr), de surcroît ^(fr), cerise sur le gâteau ^(fr)

sieve a tchôkî l' arinneu a co tuzer ene miete

• Francès : réfléchissez-y ^(fr)

mostere k' on-z ouxhe divou î pinser pus timpe

• Francès : tu aurais dû y réfléchir à deux fois ^(fr), fallait y penser ^(fr)

rafoircixh ki çou k' on dit n' esteut nén çou ki rawårdéve l' arinnoe

• Francès : penses-tu ^(fr)

efén

• Francès : enfin ^(fr)