pitieus

Walon (Rifondou)

Etimolodjeye

Bodje «pitié», avou l’ cawete « -eus »; çou ki dene on mot avou l’ dobe cawete « -ieus ».

Prononçaedje

• AFE :
  • diferins prononçaedjes : /pi.'tiøː/ /pi.'ʧøː/ /piː.'tiøː/ /piː.'ʧøː/ (minme prononçaedje cåzu pattavå)
  • prononçaedje zero-cnoxheu : /pi.ˈtiøː/
• Ricepeures : pi·tieus

Addjectif

	singulî	pluriyal
omrin	pitieus
femrin padrî	pitieuse	pitieuses
femrin padvant	pitieuse	pitieusès

pitieus omrin, (come addjectif djondrece, metou padvant u padrî l’ no)

1. ki fwait aveur må d’ lu ou leye.
   • Kéne pitieuse mene ki t' fwais. — Motî Haust (fråze rifondowe).
   • El xhalé ravize el bossou,
     On crikion ås djambes di fistou,
     Pitieus, avou ene grosse cwårêye tiesse
     Inte ses deus spales come des eriesses — Georges Willame (fråze rifondowe).
   • Signeur, nos estans ci dvant vos come des efants k' ont fwait çk' i n' faleut nén, et ki sont tot pitieus pask' il ont peu ki leu pa n' elzî fwaiye des gros iys — Robert Arcq (fråze rifondowe).
   • Dji n' so k' on ptit gamén d' Djodogne
     Tot pitieus come on soverdea — André Dewelle (fråze rifondowe).
2. sins djoye.
   • Polite aveut ene vwès si pitieuse — Willy Bal (fråze rifondowe).

Ratourneures

1. t't ossu pitieus k' on tchén pierdou : foirt pitieus.
2. pitieus come on bådet ki n' sait dire si no : tot ponneus, mo honteus.

Parintaedje

• pitieuzmint, pitieusté
• pitiveus

Sinonimeye

• (tos uzaedjes) : pitiveus
• (sins djoye) : honteus, peneus Loukîz a : « peneus »

Ortografeyes

Après 1900, foû rfondou (Feller, Feller ricandjî, nén Feller) :

• pitieûs : O0
• piteûs, piteûse : S0
• pitieû, pitieûse : O4
• pîtcheûs : E1
• pîtieûs : E1
• pitieu : C8

E rfondou walon :

• pitieus, pitieuse : R10 ^(lére)

Li mot n’ est nén dins : C13, R13, S0

Ratournaedjes

ki fwait aveur pitié

• Arabe marokin : مسيكين ^(ary) = مْسيكين =‎ msikin
• Francès : piteux ^(fr), pitoyable ^(fr)

sins djoye Loukîz a : peneus

• Francès : honteux ^(fr)