plake

Walon (Rifondou)

Etimolodjeye

Svierba do viebe «plaker»

Sustantif

singulî	pluriyal
plake	plakes

plake femrin

1. (industreye) plat fén boket d’ fier, ou d' ôte tchoi.
   • On fier al båre, c' est ene plake di fier avou ene talnete di cur k' on feréve les tchvås ki n’ avént pont d’ talon ou po lzès fé aler sol waerglaece — Motî Léonard, p. 502 (fråze rifondowe et rarindjeye).
   • Metoz ene plake dizo l' tocoe, po n' nén broûler l' parket.
   • L' inte-deus, c' est des plakes d' unalite.
2. (pus stroetmint) plat boket d’ fier avou ene sacwè di scrît dsu.
   • I gn a nole plake po-z ariver a ç' retrôclé viyaedje la.
3. (muzike) plat rond e plastike avou des tchansons eredjistrêyes dissu.
   • Avoz totes les plakes da Bop Dechamps ?
4. (mot des scoles) (Istwere) plat boket d’ cur ou d’ bwès ki les mwaisses di scole avént po bouxhî so l’ tancea des scolîs k’ i vlént puni.
   • Cwand l’ plake a yeu stî disfindowe, les mwaisses prindént ene plate regue po bouxhî so l’ plat des mwins — Émile Pècheur (fråze rifondowe).
5. (botanike) stindêye d' ene plante, metans: stindêye di yebe ou di dver ki l' vint rmowe.
   • Li vint rmouwéve doûçmint des grandès plakes di waessén dedja påté — Jean-François Renkin, dins Li vîye bûse.
   • Dj' avans toumé so ene bele grande plake di frambåjhes.
   • Ossu, cwantes côps li ptit pazea
     K' esteut tot boirdé d' schite-d’-agaesse
     Veyeut i l' brave ome après messe
     Sognî ses plakes, li cour etait !
     — Louis Lagauche, "Les belès-eures" (1928), p. 68 (fråze rifondowe).

Ratourneures

1. a plake : a pont, ki toume foirt bén.
   • Cwand i polèt l' atraper a plake, i n' mankèt nén leu côp — Motî d’ Nivele (fråze rifondowe).
2. a plake : a credit (la ki l' montant a payî pus tård est scrît so ene plake)
   • boere a plake, atchter a plake — Motî d’ Nivele (fråze rifondowe).

Parintaedje

• plakete
• Loukîz a : « plaker »

Mots d’ aplacaedje

• plake di voye F. panneau indicateur.
• plake di rowe F. plaque de rue.
• plake d’ oto F. plaque minéralogique.
• sitroete plake ; CD odio.
• plake lazer CD.

Sinonimeye

• (lådje plat fier): take
• (stindêye d' ene plante): taetche, flaxhe

Ortografeyes

Divant 1900 :

• plak : E203 ^(lére)

Après 1900, foû rfondou (Feller, Feller ricandjî, nén Feller) :

• plake : O4
• plaque : C1

E rfondou walon :

• plake : R10 ^(lére), R13

Ratournaedjes

lådje plat fier

• Francès : plaque ^(fr)

plat fier avou on scrijhaedje

• Francès : panneau ^(fr)

ronde plate ahesse avou del muzike eredjistrêye dissu

• Francès : disque ^(fr)

cur po pûni

• Francès : férule ^(fr)

sitindêye d' ene plante

• Francès : étendue ^(fr), tache ^(fr)

Codjowas

plake

1. indicatif prezintrece, prumire et troejhinme djins do singulî, do viebe « plaker ».
   • Dji t' plake mi mwins dins t' gueuye, si t' continowes !
   • On n' såreut aler dins les tchamps cwand il a ostant ploû: ça plake ditrop.
   • Cwand i rligne, i plake — Motî Léonard, p. 43 (fråze rifondowe et rarindjeye).
2. suddjonctif prezintrece, prumire et troejhinme djins do singulî, do viebe « plaker ».
   • I fåt k' i plake totes ces afitches la divant å matén.
3. kimandeu prezintrece, deujhinme djin do singulî, fôme camaerådrece, do viebe « plaker ».
   • Plake tu conte li meur !