schî

Walon (Rifondou)

Ordinairmint	Dirî cossoune s’ on prononce /sk/
schî	eschî

Etimolodjeye

Tayon-bodje vî francike * « skar » (minme sinse), mot cité dins l’ FEW 17 95b.

Prononçaedje

• AFE :
  • diferins prononçaedjes : /ʃiː/ /ʃi/ /hiː/ /ski/ (betchfessî sch)
  • prononçaedje zero-cnoxheu : /skiː/ /ʃiː/
• Ricepeures : nén rcepåve

Sustantif

singulî	pluriyal
schî	schîs

schî omrin

1. (mot des cinsîs) mwaisse fier del tcherowe u d’ l’ eraire, ki boute dins tere.
   • C’ esteut on marixhå ki n’ fijheut k’ des schîs.
   • Dj’ a spiyî l’ schî del tcherowe. — Motî d’ Bastogne (fråze rifondowe).
   • Li schî, k’ est taeyant come ene få,
     d’ on plin côp mousse e cour del tere,
     ki, bén påjhûle dispoy èn an,
     ni s’ sovneut cåzu pus d’ l’ eraire… — Henri Simon, Li pan dè Bon Diu, Li tchèrwèdje (fråze rifondowe).
   • Tot fjhant k’ les roukes di so les teres
     S’ esprindèt come des bruzis,
     Li solo hene ene blame ki va rglati
     Sol schî d’ ene eraire. — Jules Claskin, « Airs di flûte et autres poèmes wallons », édition critique de Maurice Piron, 1956, « Li plope », 1923, p.33 (fråze rifondowe).
   • Les anêyes sins guere — ça n’ arivéve nén sovint — l’ eraire disteréve des såbes erunis, et les noers oxheas des Otrichyins et des Espagnols, des Francès et des Bavirwès, des Borguignons et minme des Daenwès, comaxhîs ås cis d’ nos djins ; et tenawete, les bolets d’ canon cassént co les schîs. — Lorint Hendschel, So l’ Anuti.
   • El schî ey el coutea, binåjhes, hagnnut, fijhant tchaire sol rîsse, a cawêyes, del tere ledjire, veule, disnukêye. — Émile Lempereur (fråze rifondowe).

• 
  schî d' bwès avou on shabot d' fier (prumire eraire)
• 
  e rodje coleur (tcherowe di bwès)
• 
  c' est l' 6, avou ene refoirceye ponte (5)

Ratourneures

1. Ritchåssî on schî : rimete on boket d’ acî al livwere ou å schî, sol taeyant. — Lucyin Mahin (fråze rifondowe).

Parintaedje

• schibiant

Mots d’ aplacaedje

• pitit schî, grand schî
• Schîfalijhe
• schîfesse

Omofoneye possibe

• /ʃiː/
  • shû (cråxhe di boû, chî e sacwantès plaeces)
  • shijh (chife 6, chî e sacwantès plaeces)
• /ski/ ski (po rider sol nive, omofone del disfondowe di Nivele)

Ortografeyes

Divant 1900 :

• hî : E203 ^(lére)

Après 1900, foû rfondou (Feller, Feller ricandjî, nén Feller) :

• hî : E1, E34, E167, E170, E213
• ski : O4
• hîre : E34
• chî : C1, C9, C13, C57, O0, S0, S104, S109, S117
• hîr : E1
• chi : C8, C101, O100

E rfondou walon :

• xhî : ? (rifondaedje ricandjî enawaire)
• schî : R10 ^(lére), R11 ^(lére)

Li mot n’ est nén dins : R13

Ratournaedjes

mwaisse fier di l’ eraire et del tcherowe

• Almand : Pflug ^(de), Pflugeisen ^(de), Pflugschar ^(de)
• Inglès : share ^(en), plowshare ^(en) / ploughshare ^(en)
• Espagnol : reja ^(es)
• Francès : soc ^(fr)

Waitîz eto

• Lijhoz l’ årtike eraire so Wikipedia
• Lijhoz l’ årtike tcherowe so Wikipedia