rapoûler

Walon (Rifondou)

Etimolodjeye

Tayon-bodje latén « populus » ‎(« peupe »), avou l’ betchete « ra- » di raprepiaedje des viebes, avou l’ cawete di codjowaedje « -er » des viebes (kécfeye avou assaetchance di «raploure»)

Viebe

Djin et tins	Codjowa
Cåzant Ind. pr. (dji, dj’)	rapoûle
Atôtchî(s) Ind. pr. (vos, vs)	rapoûlez
Cåzants Ind. pr. (nos, ns)	rapoûlans
Rwaitants Ind. pr., nam. (i/il, ele/elle)	rapoûlnut
Cåzant Ind. fut. (dji, dj’)	rapoûlrè
Cåzant D.I.E. (dji, dj’)	rapoûléve
Cåzant Suddj. pr. (ki dji, dj’)	rapoûle
pårt. erirece (dj’ a, vos av)	rapoûlé
Ôtes codjowaedjes	sipepieus tåvlea

rapoûler

(viebe å coplemint) rashonner.
- Avou leu margayes, i rapoûlèt tot l' vijhnåve — Motî del Hesbaye (fråze rifondowe).
- Li poye rapoûle ses poyons dzo ses aiyes — Motî d’ Vervî (fråze rifondowe).
- Vola deûs meûs qu’on ratind ine saquî, mins i n’a co todis nouk, çou qui fèt qu’on deût rapoulér totes lès classes po tos lès cours di math..C’èst bêcôp trop’ po on seûl prof èt l’dicipline ènnè påtih’ — Jean Thoune.
- Caïfe,
  Li prince dès priyèsses di l’annêye,
  Rapoûla st-å pus vite li Consey’ dè l’nôblèsse
  — Joseph Mignolet, "Li tchant del croes", 1932, p. 80.
(viebe å prono) : Loukîz a : « si rapoûler ».:
1. si rashonner, tot djåzant des djins.
  - Les djins s' rapoûlît sol vijhnåve — Motî Haust (fråze rifondowe).
  - Beacôp d' Almands et d' Flaminds s' ont vnou rapoûler e nosse payis d' Lidje — Motî Forir (fråze rifondowe).
  - Tote li famile, åtoû do feu, si vént rapoûler (P. Lefin).
  - Li Soce pol Disfinse des Culteures et des Mancîs Lingaedje del Daegne Etire s' a rapoûlé a Nice å bontins 2002 (P. Lefin).
- Tos les dimegnes après grand-messe,
  On s’ rapoûléve sol plaece Grétry. — Joseph Vrindts, ”Vîx Lîge” (1901), p.42, “Li Plèce Grétry” (fråze rifondowe).
- Èt come ine volêye di colons
  qui s’ lèyèt toumer so l’ hapå
  po r’moussî d’vins leû colèbîre,
  lès pans s’ vont rapoûler so l’ tchaud pavé dè fôr — Henri Simon, Li pan dè Bon Diu, L' èfornèdje.
1. rl a: si raploure;
rl a: poûlea.
1. F. se rassembler.
2. si remonçler, tot djåzant d' sacwès.
  - Tot l' sankisse di Mouze si rapoûla so nos prés — Motî Forir (fråze rifondowe).